მიღება თსუ იურიდიული ფაკულტეტის სამაგისტრო პროგრამებზე

2023-2024 სასწავლო წლის შემოდგომის სემესტრში ცხადდება მიღება მაგისტრატურის საგანმანათლებლო პროგრამებზე - https://www.tsu.ge/ka/legalakad/46556

კონკურსში მონაწილეობის უფლების მქონე პირები

თსუ-ს მაგისტრატურაში სწავლის გაგრძელების უფლება აქვთ ბაკალავრის ან მასთან გათანაბრებული აკადემიური ხარისხის მქონე პირებს. მიღების წინაპირობები განსაზღვრულია შესაბამისი მაგისტრატურის საგანმანათლებლო პროგრამით (ინფორმაცია მაგისტრატურის საგანმანათლებლო პროგრამების თაობაზე იხილეთ შესაბამისი ფაკულტეტის ვებგვერდზე).

2023-2024 სასწავლო წლისათვის მაგისტრატურაში მიღების ვადები:

• ა) მაგისტრანტობის კანდიდატთა დოკუმენტაციის მიღება (რეგისტრაცია) – 21-30 აგვისტო;
• ბ) გამოცდა ქართულ ენაში (მოეთხოვება მაგისტრანტობის კანდიდატს, რომელსაც ქართულენოვან პროგრამაზე სურს სწავლა და მისი მშობლიური ენა არ არის ქართული) - 4 სექტემბერი;
• გ) გამოცდის შედეგების გამოცხადება - 4 სექტემბერი;
• დ) გამოცდის შედეგების გასაჩივრება - 5 სექტემბერი;
• ე) აპელაციის შედეგების გამოცხადება - 6 სექტემბერი;
• ვ) გამოცდა უცხო ენაში (იმ საგანმანათლებლო პროგრამების მაგისტრანტობის კანდიდატებისათვის, რომლებსაც მოეთხოვებათ უცხო ენის გამოცდის ჩაბარება) უცხო ენის გამოცდისაგან გათავისუფლება ხდება შემდეგი სერთიფიკატებით: IELTS (2 წლიანი ვადით - შეფასება არანაკლებ 5,5 ქულისა), TOEFL (2 წლიანი ვადით- შეფასება არანაკლებ 81 ქულისა), FCE (უვადო, არანაკლებ C შეფასებისა); – 5 სექტემბერი;
• ზ) გამოცდის შედეგების გამოცხადება – 9 სექტემბერი;
• თ) გამოცდის შედეგების გასაჩივრება – 11 სექტემბერი;
• ი) აპელაციის შედეგების გამოცხადება – 12 სექტემბერი;
• კ) გამოცდა სპეციალობაში (წერითი კომპონენტი) – 13-14 სექტემბერი;
• ლ) გამოცდის (წერითი კომპონენტი) შედეგების გამოცხადება – 15 სექტემბერი;
• მ) გამოცდის (წერითი კომპონენტი) შედეგების გასაჩივრება – 18 სექტემბერი;
• ნ) აპელაციის (წერითი კომპონენტი) შედეგების გამოცხადება – 19 სექტემბერი;
• ო) გამოცდა სპეციალობაში (იმ საგანმანათლებლო პროგრამების მაგისტრანტობის კანდიდატებისათვის, რომლებსაც მოეთხოვებათ ზეპირი კომპონენტის ჩაბარება) – 18 სექტემბერი;
• პ) ხელშეკრულების გაფორმება მაგისტრანტობის კანდიდატებთან - 20-22 სექტემბერი;
• ჟ) საგანმანათლებლო ერთეულების მიერ სასწავლო პროცესის მართვის დეპარტამენტისათვის მაგისტრანტობის კანდიდატთა სიის წარდგენა - 25 სექტემბერი.

მისაღებ კომისიებში წარმოსადგენი დოკუმენტაციის ნუსხა:

• ა) განცხადება თსუ რექტორის სახელზე;
• ბ) ფოტოსურათი (3X4) – ბეჭდური 2 ც. და ელექტრონული ვერსია CD-ზე;
• გ) ბაკალავრის ან მასთან გათანაბრებული აკადემიური ხარისხის დამადასტურებელი დიპლომისა და დანართის დამოწმებული ასლი (თსუ-ს კურსდამთავრებულისათვის უნივერსიტეტის/შესაბამისი ფაკულტეტის მიერ, ხოლო სხვა შემთხვევაში - ნოტარიულად დამოწმებული ასლი; 2023 წლის კურსდამთავრებულთათვის - ცნობა აკადემიური ხარისხის მინიჭების თაობაზე);
• დ) პირადობის დამადასტურებელი მოწმობის (პასპორტის) ასლი;
• ე) უცხო ენის ცოდნის დამადასტურებელი საერთაშორისო სერტიფიკატის/შეფასებისა და გამოცდების ეროვნული ცენტრის პროექტის - "CERTUS"-ის ფარგლებში გაცემული სერტიფიკატის ნოტარიულად დამოწმებული ასლი (ასეთის არსებობის შემთხვევაში);
• ვ) ქართული ენის B2 დონეზე ცოდნის დამადასტურებელი სერტიფიკატის ნოტარიულად დამოწმებული ასლი (ასეთის არსებობის შემთხვევაში);
• ზ) წვევამდელის სამხედრო-სააღრიცხვო მოწმობის ასლი (ან სამხედრო ბილეთი, ასეთის არსებობის შემთხვევაში);
• თ) უცხო ქვეყანაში მიღებული განათლების აღიარების დამადასტურებელი დოკუმენტის ნოტარიულად დამოწმებული ასლი (ასეთის არსებობის შემთხვევაში).
• ი) სხვა დოკუმენტი, თუ ასეთს ითვალისწინებს სამაგისტრო პროგრამა

საბუთების მიღება იწარმოებს ელექტრონულად, ასევე, მატერიალური სახით წარმოდგენა შეგიძლიათ თსუ II კორპუსი, 111-ე ოთახი [თბილისი, ი.ჭავჭავაძის გამზ.№3]; 10:00სთ-დან 17:00სთ-მდე.

დოკუმენტაციის წარმოდგენა შესაძლებელია: 

• ელექტრონულად - 21 აგვისტოდან 30 აგვისტოს 23:59 საათამდე;
• მატერიალურად [ადგილზე] - 21 აგვისტოდან 30 აგვისტოს 17:00 საათამდე.

2023-2024 წლის სამაგისტრო პროგრამაზე მისაღები გამოცდის ფორმატი

საკონტაქტო ინფორმაცია:
ტელ.: (+99532) 2250484 [შიდა ნომერი: 2237 ან 2230]