FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
2021 წლის 22-24 სექტემბერს, თსუ შოთა რუსთაველის სახელობის ქართული ლიტერატურის ინსტიტუტი, ივანე ჯავახიშვილის თბილისის სახელმწიფო უნივერსიტეტისა და კომპარატივისტული ლიტერატურის ქართული ასოციაციის (GCLA) თანამონაწილეობით, მასპიძლობს მორიგ, მე-15 საერთაშორისო სიმპოზიუმს „ლიტერატურათმცოდნეობის თანამედროვე პრობლემები“, თემაზე:
ლიტერატურა და პანდემია
ისტორიული და თემატური გამოცდილება
სიმპოზიუმის ფარგლებში იმუშავებს შემდეგი სექციები:
- თანამედროვე მსოფლიო მწერლობა პანდემიის პირობებში (პროზა, პოეზია, დოკუმენტური პროზა და სხვ.);
- ისტორიული გამოცდილება: ლიტერატურული შედევრების შექმნის პირობები და მიზნები პანდემიის დროს;
- მსოფლიო მწერლობა და ხელოვნება პანდემიის პირობებში;
- პანდემია - ტექსტის თემა;
- „კარანტინი“ და „იზოლაცია“ ლიტერატურაში;
- კლასიკური „პანდემიური“ ტექსტების რეფლექსირება ლიტერატურულ პროცესში;
- პანდემიიის თემა ფოლკლორსა და მითოლოგიაში;
- პანდემიის, როგორც მოულოდნელი განსაცდელის გავლენა მსოფლიო და ქართულ კრიტიკასა და პუბლიცისტიკაზე;
- ლიტერატურის სწავლების მეთოდების ცვლილება (უნივერსიტეტებსა და სკოლებში) პანდემიის პირობებში.
სიმპოზიუმის სამუშაო ენები: ქართული, ინგლისური, რუსული.
სიმპოზიუმში მონაწილეობს 80--ზე მეტი მეცნიერი მსოფლიოს სხვადასხვა ქვეყნიდან (სულ - 11 ქვეყანა), მათ შორის: იაპონია, საფრანგეთი, უნგრეთი, ლიეტუვა, უკრაინა, სლოვენია, რუსეთი, არაბეთის გაერთიანებული საემირო, ყაზახეთი და სხვ.; აგრეთვე, საქართველოს სხვადასხვა საუნივერსიტეტო და კვლევითი ცენტრების წარმომადგენლები, თბილისიდან და რეგიონებიდან.
მსოფლიო კორონა პანდემიიდან გამომდინარე, სიმპოზიუმი იმუშავებს ონლაინ რეჟიმში, ZOOM-ის პლატფორმაზე.
სიმპოზიუმის გახსნა დაგეგმილია 2021 წლის 22 სექტემბერს, 11 საათზე.
სიმპოზიუმის პროგრამა განთავსებულია საიტზე: http://conference.litinstituti.ge/ka/
აქვე შეგიძლიათ იხილოთ დეტალური ინფორმაცია პლენარული სხდომებისა და სექციების მუშაობის შესახებ, შესაბამისი ლინკების მითითებით.
