FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
იუსტიციის სამინისტროს სახელმწიფო სერვისების განვითარების სააგენტოს წარმომადგენლებმა თბილისის სახელმწიფო უნივერსიტეტის იურიდიული ფაკულტეტის სტუდენტებთან ელექტრონული სერვისების შესახებ საინფორმაციო შეხვედრა გამართეს.
უნივერსიტეტში გამართული ღონისძიების მიზანი იყო სტუდენტების ცნობიერების ამაღლება სააგენტოში დანერგილი ციფრული სერვისების შესახებ.
იუსტიციის სამინისტროს სახელმწიფო სერვისების განვითარების სააგენტო თანამედროვე ტექნოლოგიების მეშვეობით ქვეყანაში ქმნის და ავითარებს სახელმწიფო სერვისებს, მოქალაქეებს უმარტივებს მათზე ხელმისაწვდომობას.
სააგენტოს წარმომადგენლები სტუდენტებს ესაუბრნენ სააგენტოში დანერგილ ისეთ ელექტრონულ სერვისებზე, როგორიცაა კვალიფიციური სანდო მომსახურებები, დისტანციური სერვისები და ელექტრონული აპოსტილი, რომელთა გამოყენება უზრუნველყოფს ქვეყანაში ელექტრონული მმართველობის განვითარებას. ღონისძიებაზე ნაჩვენები იქნა საინფორმაციო ვიდეორგოლი კვალიფიციური ელექტრონული ხელმოწერის შესახებ.
სააგენტოს სამოქალაქო რეესტრის დეპარტამენტის ხელმძღვანელმა პირებმა სტუდენტებს სააგენტოს საქმიანობის ძირითადი მიმართულებების, სიახლეებისა და სხვადასხვა სერვისის შესახებ მიაწოდეს ინფორმაცია.
https://www.facebook.com/psda.gov.ge/videos/120353161090746/
https://sda.gov.ge/?us_portfolio=21685
