ცხადდება კონკურსი აკადემიური პერსონალის წარმომადგენლებისთვის კაროლი გასპარისა და ეტვოშ ლორანდის უნივერსიტეტებში (უნგრეთი), ისევე როგორც გრანადას უნივერსიტეტში (ესპანეთი) ევროკომისიის მიერ დაფინანსებული ერაზმუს+ პროგრამის სტიპენდიების მოსაპოვებლად!

!!! ფიზიკური მობილობის განხორციელება დამოკიდებული იქნება ეპიდემიოლოგიურ სიტუაციაზე საქართველოსა და ევრიპაში, ასევე მიმღებ ქვეყანაში შესვლასთან და დარჩენასთან დაკავშირებულ რეგულაციაზე

კონკურსში მონაწილეობის მიღება შეუძლიათ:

1.  კაროლი გასპარის უნივერსიტეტის შემთხვევაში - თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ინგლისური ფილოლოგიის მიმართულების აკადემიურ პერსონალს;

• მობილობის პერიოდი: 2022-2023 წლის გაზაფხულის სემესტრი

2.  ეტვოშ ლორანდის უნივერსიტეტის შემთხვევაში - თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორიის მიმართულების აკადემიურ პერსონალს

• მობილობის პერიოდი: 2023-2024 წლის შემოდგომის სემესტრი

3.  გრანადას უნივერსიტეტის შემთხვევაში - თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის ესპანური ფილოლოგიის აკადემიურ პერსონალს

• მობილობის პერიოდი: 2022-2023 წლის გაზაფხულის სემესტრი (არაუგვიანეს 2023 წლის 30 ივლისისა)

კონკურსში მონაწილეობასთან დაკავშირებული დეტალური ინფორმაცია, მათ შორის, წარსადგენი საბუთების ჩამონათვალი, იხილეთ აქ.