1960 წელს დაამთავრა თბილისის სახელმწიფო უნივერსიტეტის ისტორიის ფაკულტეტი. 1973 წელს დაიცვა საკანდიდატო დისერტაცია თემაზე: ,ბრინჯაოს მხატვრული დამუშავებისათვის ანტიკურ საქართველოში’’, 1982 წელს კი სადოქტორო დისერტაცია თემაზე: ,,ცენტრალური ამიერკავკასიის გრაფიკული ხელოვნება ადრეულ რკინის ხანაში’’. წლების განმავლობაში მოღვაწეობდა ივანე ჯავახიშვილის სახელობის ისტორიისა და ეთნოლოგიის ინსტიტუტში, ძველი ქვეყნების ისტორიის განყოფილების მთავარ მეცნიერ-თანამშრომლად. მანანა ხიდაშელი აქტიურად მონაწილეობდა ასირიოლოგთა საერთაშორისო შეხვედრებში: 1978 წელს გერმანიაში, კერძოდ ლაიფციგში, 1982 წელს ლონდონში, 1983 წელს ლეიდენში, 1984 წელს ლენინგრადში, ხოლო 1985 წელს პარიზში. იგი ასევე მონაწილეობას იღებდა არაერთ საერთაშორისო კონფერენციაში. მაგ: 1978 წელს მიწვეული იყო მოსკოვში სადაც წაიკითხა საჯარო მოხსენება ძველი აღმოსავლეთის ისტორიის საკითხების შესახებ. მანანა ხიდაშელი ავტორია 4 სამეცნიერო მონოგრაფიის: ,,ბრინჯაოს მხატვრული დამუშავების ისტორიისათვის ანტიკურ საქართველოში’’, ,,ცენტრალური ამიერკავკასიის გრაფიკული ხელოვნება ადრეულ რკინის ხანაში’’, ,,რიტუალი და სიმბოლო არქაულ კულტურაში’’ და ,,სამყაროს სურათი არქაულ საქართველოში’’.

შრომები

• ბრინჯაოს მხატვრული დამუშავების ისტორიისათვის ანტიკურ საქართველოში (ბრინჯაოს ქართული ჭვირუგამოსახულებიანი ბალთები), გამოკვლევა-კატალოგი, თბ.: მეცნიერება, 1972.
• სამყაროს სურათი არქაულ საქართველოში, თბ.: ნეკერი, 2001.
• ცენტრალური ამიერკავკასიის გრაფიკული ხელოვნება ადრეულ რკინის ხანაშ (ბრინჯაოს გრავირებული სარტყლები), გამოკვლევა-კატალოგი, თბ.: მეცნიერება, 1982.

ბიბლიოგრაფია