ლექსიკონში წარმოდგენილია თანამედროვე მულტიმეცნიერულ მიმართულებაში – პროგნოსტიკაში გამოყენებული ძირითადი ცნებები და კატეგორიები, კონკრეტული მოდელები და მეთოდები, ასევე მოკლედაა განმარტებული მათი შინაარსი, წარმოდგენილია პროგნოზების მრავალფეროვანი ლექსიკის არსენალი და მათი კლასიფიცირებული ტერმინოლოგია. რა თქმა უნდა, ტერმინები დალაგებულია ქართული ანბანის მიხედვით.

ლექსიკონში ბევრი ტერმინის განმარტება აღებულია ჩვენი წიგნიდან – „სტატისტიკური მოდელირება და პროგნოზირება“, თსუ, თბ., 1998.

განმარტებითი ლექსიკონი გათვალისწინებულია უმაღლესი სასწავლებლების სტუდენტებისათვის, აკადემიური და სამეცნიერო წრეების წარმომადგენლებისა და სხვა დაინტერესებული პირებისათვის.