ივანე ჯავახიშვილის სახელობის თბილისის სახელმწიფო უნივერსიტეტის უწყვეტი განათლების ცენტრის აბიტურიენტთა მოსამზადებელი განყოფილება აცხადებს მიღებას საერთო სამაგისტრო გამოცდისათვის მოსამზადებელ ზოგადი უნარების (ვერბალური და რაოდენობრივი კომპონენტები) კურსებზე.

1. ზოგადი უნარები

•    ვერბალურ კომპონენტი - ანალიტიკური წერა, წაკითხულის გააზრება, ლოგიკური მსჯელობა;
•    რაოდენობრივი კომპონენტი - რაოდენობრივი მსჯელობა;.

კურსის ხანგრძლივობა: სრული კურსი - 56 საათი. კვირაში ორჯერ ორი საათი (28 საათი ვერბალური ნაწილი, 28 საათი რაოდენობრივი ნაწილი);

ფასი: ზოგადი უნარების სრული კურსი - 700 ლარი

ვერბალური კომპონენტი - 350 ლარი

რაოდენობრივი კომპონენტი - 350 ლარი 
 

ფასი თსუ-ის სტუდენტების, თანამშრომლების, თანამშრომლების შვილებისა და კურსდამთავრებულებისთვის:

ზოგადი უნარების სრული კურსი - 450 ლარი

ვერბალური კომპონენტი - 225 ლარი

რაოდენობრივი კომპონენტი - 225 ლარი

რეგისტრაციის ვადა: 20 მარტამდე
 

სწავლის დაწყების თარიღი: 22 მარტი

2. უცხო ენა

ინგლისური ენა B1 და B2 დონეები (მიღება მოხდება ტესტირების საფუძველზე). თითოეული დონის ხანგრძლივობა - 60 საათი.

ფასი: თითოეული დონის ფასი შეადგენს 600 ლარს.

თსუ-ის სტუდენტების, თანამშრომლების, თანამშრომლების შვილებისა და  კურსდამთავრებულებისთვის კი 500 ლარს.

რეგისტრაციის ვადა: 10 აპრილამდე

სწავლის დაწყების თარიღი: 16 აპრილი

შეღავათები: სოციალურად დაუცველი, დედ-მამით ობოლი, ოკუპირებული ტერიტორიებიდან მყოფი და ერთი ოჯახიდან ორი ან/და მეტი მაგისტრანტობის კანდიდატის მოსამზადებლად კურსზე დარეგისტრირების    შემთხვევაში, მსმენელის   მიერ 2 ან მეტი საგნის არჩევისა და საერთო სამაგისტრო გამოცდისთვის მომზადების შემთხვევაში, მაგისტრანტობის კანდიდატის მომზადების წლიური საფასური განისაზღვროს  საერთო  ღირებულების 80%-ის ოდენობით.

კურსზე დარეგისტრირების შემდეგ უნდა წარმოადგინოთ შემდეგი დოკუმენტაცია:
 
•    პირადობის დამადასტურებელი დოკუმენტი (ასლი)
•    თსუ-ის სტუდენტებმა: შესაბამისი ფაკულტეტის მიერ გაცემული სტუდენტის სტატუსის დამადასტურებელი ცნობა
•    თსუ -ის კურსდამთავრებულებმა: დიპლომის ასლი 
•    თსუ-ის თანამშრომლებმა: უნივერსიტეტში მუშაობის დამადასტურებელი ცნობა
•    თსუ-ის თანამშრომელთა შვილებმა (თუ ისინი არ სწავლობენ თსუ-ში): მშობლის თსუ-ში მუშაობის დამადასტურებელი ცნობა და დაბადების მოწმობის ასლი (პირადობის მოწმობის ასლი სავალდებულოა.

ასევე დანარჩენი დოკუმენტების წარმოდგენა სავალდებულოა, რათა ისარგებლოთ შეღავათით საფასურის გადახდისას).
 
საფასურის გადახდის წესი: გადასახდელი თანხა უნდა დაიფაროს მოსამზადებელი კურსის დაწყებამდე.

საკონტაქტო ინფორმაცია: მობ - 579344443

 ელ-ფოსტა: abiturienti@tsu.ge  shotakezherashvili@tsu.ge.

ფეისბუქ გვერდი: https://www.facebook.com/TSUabiturientebi