კურსის მიზანია, მოამზადოს სურსათის უვნებლობის სპეციალისტები, რომლებიც შეძლებენ შეაფასონ სურსათის უვნებლობის უზრუნველმყოფი ძირითადი ფაქტორები და პრინციპები და  განახორციელონ საინსპექციო კონტროლი სურსათის მიმოქცევის სხვადასხვა ეტაპზე სურსათის საერთაშორისო სტანდარტების შესაბამისად.

კურსი განკუთვნილია: როგორც დიპლომირებული, ასევე საბაზო განათლების მქონე პირებისათვის, რომელთაც თავიანთი საქმიანობიდან ან სამომავლო პერსპექტივებიდან  გამომდინარე  აინტერესებთ აღნიშნული პროგრამის გავლა ან/და საჭიროებენ დაადასტურონ თავიანთი კომპეტენციები სურსათის უვნებლობის სფეროში.

კურსის გავლის შემდეგ მსმენელს ეცოდინება:

• სურსათთან ასოცირებული საფრთხეების შესახებ;
• სურსათის უვნებლობის უზრუნველმყოფი ძირითადი საკანონმდებლო მოთხოვნების შესახებ;  
• სურსათის უვნებლობის მართვა - საფრთხის ანალიზისა და კრიტიკული საკონტროლო წერტილების სისტემა (HACCP); სურსათის უვნებლობის საერთაშორისო სტანდარტები (GlobalGAP; ISO; FSSC; BRS); ბიზნესოპერატორთა სერტიფიცირება.
• სურსათის უვნებლობის სფეროში საქართველოსა და ევროკავშირის კანონმდებლობის ზოგადი მიმოხილვა; ევროკავშირთან ღრმა და ყოვლისმომცველი სავაჭრო სივრცის შესახებ შეთანხმება (DCFTA).
• სურსათისმიერი დაავადებები: კლასიფიკაცია; სტასტისტიკა; ინფექციის წყარო, გადაცემის მექანიზმი, მიმღები ორგანიზმის რაობა;
• სურსათში არსებული ნუტრიენტები: ცხიმები; ნახშირწყლები; ცილების რაობა;
• სურსათში არსებული მიკრო და მაკრონუტრიენტები; ვიტამინები; სურსათის ფორტიფიკაცია;
• ჯანსაღი სურსათის რაობა;
• სურსათში ნორმირებას დაქვემდებარებულ ქიმიურ, ბიოლოგიურ, რადიოლოგიურ ფაქტორები;
• სურსათის ხარისხისა და ხარისხის მართვის ინსფრასტრუქტურის რაობა;
• სხვადასხვა ჯგუფის სასურსათო პროდუქციის პრიორიტეტული დამაბინძურებლები და მათი წარმოებისა და გადამუშავების  თავისებურებები;
• სურსათის უვნებლობის სფეროში მოქმედი ადგილობრივი, რეგიონალური და საერთაშორისო ორგანიზაციებისა და მათი უფლებამოსილებების შესახებ;
• სურსათის უვნებლობის მართვის თანამედროვე სისტემები;
• სურსათის ბიზნეს-ოპერატორებზე კონტროლის განხორციელების ფორმები და მეთოდები.

შეეძლება:

• მიღებული ცოდნის პრაქტიკაში  გამოყენება;
• სხვადასხვა ტიპის ბიზნეს-ოპერატორის  საინსპექციო კონტროლის განხორციელება;
• სურსათის ბიზნესოპერატორის ფაქტიური მდგომარეობის დადგენილ ან ზოგად მოთხოვნებთან შესაბამისობის შეფასება;
• კრიტიკული და არაკრიტიკული შეუსაბამობების და მათი გამომწვევი ფაქტორების ამოცნობა და ბიზნეს-ოპერატორისავის შესაბამისი რჩევებისა და რეკომენდაციების მიწოდება.
• მიღებული ცოდნისა და ინფორმაციის საფუძველზე შესაბამისი წყაროების მოძება, რომლებიც უზრუნველყოფენ მის უწყვეტ პროფესიულ განვითარებას.
• ბიზნეს-სუბიექტებთან ადეკვატური კომუნიკაციის დამყარება.
•  სახელმწიფო კონტროლის განხორციელების წესი; კრიტიკული შეუსაბამობები; ადმინისტრირება; ექსპორტისთვის გამოყენებული სერტიფიკატების სახეები და მათი გაცემის მექანიზმები.

კურსის  მოცულობა: 54 საათი  

კურსის ღირებულება: 500 ლარი 

კურსზე რეგისტრაცია

კურსის დასრულების შემდეგ გაიცემა ორენოვანი სერტიფიკატი (ქართულ და ინგლისურ ენებზე).

კურსის თეორიული ნაწილი ჩატარდება დისტანციურად, Zoom-ის გამოყენებით, პრაქტიკული ნაწილი და საბოლოო ტესტირება კი ჩატარდება  თსუ უწყვეტი განათლების ცენტრში.

საკონტაქტო ინფორმაცია: თსუ  უწყვეტი განათლების ცენტრი (ილია ჭავჭავაძის გამზ. 1).  კურსის კურატორი: ტელ.: 555 603080.; ელ.ფოსტა: asmat.goderdzishvili@tsu.ge

ცენტრი უფლებას იტოვებს, საჭიროების შემთხვევაში გააუქმოს ან შეცვალოს კურსის დაწყების თარიღი. ცვლილების შესახებ დაუყოვნებლივ ეცნობებათ უკვე დარეგისტრირებულ მსმენელებს.