სსიპ - ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სტუდენტური თვითმმართველობა (მე-8 მოწვევა) არჩეულ იქნა 2021 წლის 10 ოქტომბერს. მის შემადგენლობაშია 20 დელეგატი.
 

• თსუ იურიდიული ფაკულტეტის სტუდენტური თვითმმართველობის წევრთა 2021 წლის 10 ოქტომბრის არჩევნების ცენტრალური საარჩევნო კომისიის შემაჯამებელი ოქმი
• თსუ იურიდიული ფაკულტეტის სტუდენტური თვითმმართველობის არჩევნების საორგანიზაციო კომიტეტის 2021 წლის 11 ოქტომბრის ოქმი №8

თარიღი: 11/10/21

•••••••••••••••••••••••••••••••••••••••

იურიდიული ფაკულტეტის სტუდენტური თვითმმართველობის არჩევნებში საუკეთესო შედეგის მქონე 9 სტუდენტმა, ამავდროულად, მოიპოვა იურიდიული ფაკულტეტის საბჭოს წევრის სტატუსი.
 

იურიდიული ფაკულტეტის საბჭოს სხდომის ოქმი №19
11 ოქტომბერი, 2021 წ.
~ ამონაწერი ~

დღის წესრიგი

2. იურიდიული ფაკულტეტის საბჭოს სტუდენტ წევრთა უფლებამოსილების ცნობა

დეკანმა ასოც. პროფ. თ. ზარანდიამ საბჭოს გააცნო თსუ იურიდიული ფაკულტეტის სტუდენტური თვითმმართველობის წევრთა 2021 წლის 10 ოქტომბრის არჩევნების ცენტრალური საარჩევნო კომისიის შემაჯამებელი ოქმი და ასევე, თსუ იურიდიული ფაკულტეტის სტუდენტური თვითმმართველობის არჩევნების საორგანიზაციო კომიტეტის 2021 წლის 11 ოქტომბრის ოქმი №8, რომლითაც დამტკიცდა ზემოხსენებული არჩევნების შედეგი.

არჩევნების გზით გამოვლინდა უმაღლესი შედეგის მქონე შემდეგი 9 სტუდენტი, რომელიც არჩეულია იურიდიული ფაკულტეტის საბჭოს წევრად:
 

იურიდიული ფაკულტეტის საბჭოს მოქმედ შემადგენლობას კენჭისყრით უნდა გადაეწყვიტა წარმოდგენილ სტუდენტთათვის საბჭოს წევრობის უფლებამოსილების ცნობის საკითხი.

კენჭისყრის შედეგები:

გადაწყვეტილება მიღებულია ერთხმად.

დაადგინეს:

1.    „უმაღლესი განათლების შესახებ“ საქართველოს კანონის 27-ე მუხლის მე-2 და მე-3 პუნქტების, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული „საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების“ მე-19 მუხლის პირველი და მე-2 პუნქტების, თსუ იურიდიული ფაკულტეტის დებულების მე-4 მუხლისა და მე-5 მუხლის მე-5 პუნქტის საფუძველზე, იურიდიული ფაკულტეტის საბჭოს შემდეგი სტუდენტი წევრები: (1) ნიკოლოზ ბაქრაძე, (2) თამარ მაზანიშვილი, (3) სერგი ჯავახია, (4) მარიამ მებონია, (5) გიორგი ეკალაძე, (6) ირაკლი არიშვილი, (7) მამუკა ჩხეიძე, (8) მარიამ სარქისაშვილი და (9) შოთა იასაშვილი ცნობილ იქნენ უფლებამოსილად;
2.    წინამდებარე გადაწყვეტილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლის დღიდან 1 თვის ვადაში ქ. თბილისის საქალაქო სასამართლოში (მისამართი: ქ. თბილისი, დავით აღმაშენებლის ხეივანი №64 (მე–12 კილომეტრი)). გადაწყვეტილება ძალაში შედის კანონმდებლობით დადგენილი წესით.

თავმჯდომარე /თ. ზარანდია/             მდივანი /დ. ეგნატაშვილი/

თარიღი: 11/10/21

•••••••••••••••••••••••••••••••••••••••

იურიდიული ფაკულტეტის სტუდენტურმა თვითმმართველობამ 2021 წლის 19 ოქტომბერს გამართა პირველი სხდომა და მიიღო გადაწყვეტილება სტრუქტურასთან, სამუშაო რეგლამენტსა და ზოგიერთ ღონისძიებასთან დაკავშირებულ საკითხებზე.
 

• თსუ სტუდენტური თვითმმართველობის სხდომის ოქმი №1

თარიღი: 19/10/21