ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ძვირფასო კოლეგებო და სტუდენტებო,
დღეს ჩემი ბოლო დღეა ჰუმანიტარულ მეცნიერებათა ფაკულტეტის დეკანის თანამდებობაზე. ამ ცხრა წლის განმავლობაში ბევრი რამ გამოვიარეთ ერთად, იყო ბევრი სიხარული, გამარჯვება, წარმატება; იყო ბევრი ტკივილი (განსაკუთრებთ ჩვენი კოლეგებისა და სტუდენტების გარდაცვალებით გამოწვეული...)...
თამამად შემიძლია ვთქვა, რომ ერთგულად ვემსახურე ფაკულტეტსა და უნივერსიტეტს. რაც შემეძლო და რისი გაკეთების რესურსიც იყო, თავი არ დამიზოგავს...
რასაც მივაღწიეთ, ყველა ჩვენგანის დამსახურებაა და ნება მომეცით, თითოეულ თქვენგანს გითხრათ გულწრფელი მადლობა მეგობრობისა და კოლეგიალობისათვის, გვერდში დგომისა და კომფორტისათვის, თანამშრომლობისა და ოპონირებისათვის.
დღეს განსაკუთრებით მახარებს, რომ ფაკულტეტმა ღირსეული არჩევანი გააკეთა და ასეთი მდიდარი გამოცდილებისა და ინსტიტუციური მეხსიერების მქონე დეკანი აირჩია. ასე რომ, ამ თვალსაზრისითაც გული მშვიდად მაქვს, დარწმუნებული ვარ, ქალბატონ დარეჯანთან ერთად ბევრ კარგ საქმეს გავაკეთებთ ფაკულტეტისა და უნივერსიტეტისათვის.
ყველა კეთილ საქმეში კვლავ თქვენ გვერდით მიგულეთ.
კიდევ ერთხელ ყველას გულწრფელ მადლობას მოგახსენებთ!
პატივისცემითა და საუკეთესო სურვილებით
ნანა გაფრინდაშვილი
