ეს წიგნი ეკონომეტრიკის შესავალი კურსის მსოფლიოში აღიარებული  ერთ-ერთი პოპულარული სახელმძღვანელოს  პირველი ქართულენოვანი თარგმანია. მასში წარმოდგენილია ეკონომეტრიკის თითქმის ყველა განყოფილება, რომლებსაც უნივერსიტეტების ეკონომიკისა და ბიზნესის მიმართულების თანამედროვე სასწავლო პროგრამები მოიცავს. ფორმალური ანალიზისა და დამტკიცებების ნაცვლად მასალის გადმოცემის სიმარტივისათვის წიგნში  მთავარი ყურადღება პრაქტიკული ამოცანების განხილვაზეა გადატანილი. ყოველი ეკონომეტრიკული მეთოდისა და პრობლემის ახსნას საფუძვლად უდევს ეკონომიკიდან ან სხვა სოციალური სფეროდან აღებული კონკრეტული ემპირიული მაგალითი და ეს წიგნის მთავარი თავისებურებაა.

სახელმძღვანელო განკუთვნილია ეკონომიკისა და ბიზნესის მიმართულების ბაკალავრიატის, მაგისტრატურისა და დოქტორანტურის სტუდენტებისათვის. იგი დახმარებას გაუწევს ასევე ეკონომიკისა და სხვა სოციალური მეცნიერებების რაოდენობრივი ანალიზის მეთოდების შესწავლით დაინტერესებულ მკითხველებს.