წიგნი ეძღვნება იმ საოცარი პედაგოგების ნათელ ხსოვნას, რომელთა ამაგს ვერასდროს დავივიწყებ; ესენი გახლავან პირველი ქართული უნივერსიტეტის პირველი გამოშვების წარჩინებული კურსდამთავრებულები, ჩემი მოძღვართმოძღრები, აკადემიკოსები არნოლდ ჩიქობავა და ვარლამ თოფურია. მე რომ ენათმეცნიერი ვარ, უპირველეს ყოვლისა მათი დამსახურებაა.

ბრწყინვალე კავკასიოლოგმა, პროფესორმა კარლ ჰორსტ შმიდტმა თავის მასწავლებელს, უდიდეს ეთნოლონგვიტს, “Das Kharthwelische Verbum” („ქართული ზმნა“)-ის ავტორს, გერჰარდტ დეეტერსს Doktorvater („დოქტორი მამა“) უწოდა.

ბატონი არნოლდისა და ბატონი ვარლამის ყველა სტუდენტი, ასპირანტი თუ დისერტანტი დღესაც დიდი სიამოვნებით გამოიყენებდა ამ მრავლისმთქმელ გერმანულ ტერმინს მათ საიუბილეოდ - დაბადებიდან 120 წლისთავზე.