თსუ პროფესიული განათლების ცენტრის სტუდენტები ფინანსთა სამინისტროს შემოსავლების სამსახურის საბაჟო გამშვებ პუნქტს „ფოთისა და ყულევის პორტები და ფოთის თავისუფალი ინდუსტრიული ზონა“ და გაფორმების ეკონომიკურ ზონას „ფოთი“ ეწვივნენ.

პროფესიული პროგრამის „საბაჟო საქმე“ სტუდენტები გაეცნენ საბაჟო გამშვები პუნქტის და გაფორმების ეკონომიკური ზონის მუშაობის სპეციფიკას და პროცედურებს, უშუალოდ დაათვალიერეს საბაჟო ობიექტები და ინფრასტრუქტურა, დააკვირდნენ სამუშაო პროცესში როგორც საბაჟო საზღვარზე ტვირთების შემოსვლა-გასვლის პროცესს, ასევე საქონლის/ტვირთების გაფორმების და დეკლარაციების რეგისტრაციის  პროცედურებს.