,,უმაღლესი განათლების შესახებ” საქართველოს კანონის 22-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული სსიპ - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის მე-9 და მე-11 პუნქტების, "სსიპ-ივანე ჯავახიშვილის სახელობის თბილისის სახელმწიფო უნივერსიტეტის ენების შემსწავლელი ცენტრის მასწავლებელთა საკონკურსო-საატესტაციო კომისიის დებულების დამტკიცების შესახებ" თსუ რექტორისა და ადმინისტრაციის ხელმძღვანელის 2015 წლის 24 თებერვლის N08/04 ერთობლივი ბრძანების პირველი მუხლის პირველი პუნქტისა და ენების შემსწავლელი ცენტრის უფროსის რუსუდან დოლიძის 2023 წლის 14 ივლისის N 19397/10 წერილის საფუძველზე, 

ვ ბ რ ძ ა ნ ე ბ:

1. დამტკიცდეს სსიპ-ივანე ჯავახიშვილის სახელობის თბილისის სახელმწიფო უნივერსიტეტის ენების შემსწავლელი ცენტრის მასწავლებელთა საკონკურსო კომისია შემდეგი შემადგენლობით:

ა) ინა ბარათაშვილი - ენების შემსწავლელი ცენტრის მასწავლებელი, განათლების მეცნიერებათა დოქტორი - კომისიის თავმჯდომარე;

ბ) ლელა ჟამურაშვილი - ენების შემსწავლელი ცენტრის მასწავლებელი - კომისიის მდივანი;

გ) მაია ქავთარია - ენების შემსწავლელი ცენტრის მასწავლებელი, ფილოლოგიის დოქტორი - კომისიის წევრი;

დ) ირინე დემეტრაძე - ჰუმანიტარულ მეცნიერებათა ფაკულტეტის ასისტენტ პროფესორი - კომისიის წევრი;

ე) სოფიო თოთიბაძე - ჰუმანიტარულ მეცნიერებათა ფაკულტეტის ასისტენტ პროფესორი - კომისიის წევრი;

2. ენების შემსწავლელი ცენტრის მასწავლებელთა საკონკურსო კომისიის მუშაობის ვადა განისაზღვროს 2023 წლის 24 ივლისიდან 2023 წლის 28 ივლისის ჩათვლით.

3. ბრძანების უნივერსიტეტის ოფიციალურ ვებ-გვერდზე განთავსება დაევალოს საინფორმაციო ტექნოლოგიების დეპარტამენტს;

4. წინამდებარე ბრძანება კანონმდებლობით დადგენილი წესით გადაეცეს დაინტერესებულ პირსა და შესაბამის სტრუქტურულ ერთეულებს (საფინანსო დეპარტამენტი, პერსონალის მართვის დეპარტამენტი, შიდა აუდიტის სამსახური, ენების შემსწავლელი ცენტრი).

5. ბრძანება ძალაშია გამოცემისთანავე.

რექტორი ჯაბა სამუშია