,,უმაღლესი განათლების შესახებ’’ საქართველოს კანონის მე-2 მუხლის  ჰ4 ქვეპუნქტის, 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-3 ნაწილების, 53-ე მუხლის მე-3 ნაწილის, 54-ე მუხლის პირველი ნაწილის, 55-ე მუხლის, 56-ე მუხლის მე-2 და მე-3 ნაწილების, 57-ე და 63-ე მუხლების, ,,საჯარო სამართლის იურიდიული პირის  − ივანე ჯავახიშვილის სახელობის თბილისის სახელმწიფო უნივერსიტეტის წესდების დამტკიცების თაობაზე’’ საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული ივანე ჯავახიშვილის სახელობის თბილისის  სახელმწიფო უნივერსიტეტის წესდების მე-14 მუხლის პირველი პუნქტის, ამავე მუხლის მე-8 პუნქტის ,,ა”, ,,ო“  და  ,,პ“  ქვეპუნქტების, მე-9  და მე-12 პუნქტების, სსიპ  – ივანე ჯავახიშვილის სახელობის თბილისის სახელმწიფო უნივერსიტეტის სტრატეგიული განვითარების მუდმივმოქმედი საბჭოს თავმჯდომარის ნინო ოკრიბელაშვილის 2025 წლის 17 და 19 ნოემბრის N 21942/10-02 და 22101/10-02 წერილების საფუძველზე,

ვ ბ რ ძ ა ნ ე ბ:

1. შევიდეს შემდეგი ცვლილებები ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტრატეგიული განვითარების მუდმივმოქმედი საბჭოს შექმნის შესახებ’’ რექტორის 2023 წლის 10 ნოემბრის N277/01-01 ბრძანებაში (შემდგომში - ,,ბრძანება“):

ა) ბრძანების პირველი პუნქტი ჩამოყალიბდეს შემდეგი რედაქციით:

,,1. შეიქმნას  სსიპ  - ივანე ჯავახიშვილის სახელობის თბილისის სახელმწიფო უნივერსიტეტის სტრატეგიული განვითარების მუდმივმოქმედი საბჭო (შემდგომში - ,,საბჭო“) თავმჯდომარის, ორი წევრისა და განათლების მეთოდოლოგიური  ექსპერტის შემადგენლობით:

ა) საბჭოს თავმჯდომარე - ნინო ოკრიბელაშვილი;
ბ) საბჭოს ორი  წევრი   განისაზღვრება  საბჭოს   თავმჯდომარის   მიერ,  უნივერსიტეტის რექტორთან შეთანხმებით;
გ) საბჭოს განათლების მეთოდოლოგიური ექსპერტი.

ბ) ბრძანების მე-5  პუნქტი ჩამოყალიბდეს შემდეგი რედაქციით:

,,5. უნივერსიტეტის ადმინისტრაციის ხელმძღვანელს ეთხოვოს განიხილოს საბჭოს თავმჯდომარის  ანაზღაურების განსაზღვრისა და უნივერსიტეტის საშტატო განრიგში საბჭოს თავმჯდომარის თანამდებობის ასახვის საკითხი. საბჭოს წევრის თანამდებობა შესაძლებელია არსებობდეს როგორც საშტატო  ერთეულის,  ისე  კანონმდებლობით დადგენილი  წესით,  მხოლოდ შესაბამისი  შრომითი ხელშეკრულების  გაფორმების საფუძველზე.  საბჭოს განათლების მეთოდოლოგიური ექსპერტის  თანამდებობა შეიქმნას უნივერსიტეტის საშტატო ერთეულის სახით. ’’

2. ბრძანების უნივერსიტეტის ოფიციალურ ვებგვერდზე  განთავსება დაევალოს საინფორმაციო ტექნოლოგიების დეპარტამენტს.

3. ბრძანების ყველასათვის ხელმისაწვდომ ადგილზე განთავსება დაევალოს უნივერსიტეტის კანცელარიას.

4.    წინამდებარე ბრძანება ძალაში შედის გამოცემისთანავე.

5.    წინამდებარე ბრძანება კანონმდებლობით დადგენილი  წესით  შეიძლება გასაჩივრდეს მისი   ძალაში  შესვლიდან  ერთი  თვის   ვადაში   ქ.  თბილისის   საქალაქო სასამართლოს ადმინისტრაციულ საქმეთა კოლეგიაში, მისამართზე  - ქ. თბილისი,  დავით აღმაშენებლის ხეივანი N64.

რექტორი ჯაბა სამუშია