ძალადაკარგულია აკადემიური საბჭოს
26.03.2010, № 36/2010 დადგენილებით

,,საქართველოს ზოგადი ადმინისტრაციული კოდექსის” 63-ე მუხლის, "უმაღლესი განათლების შესახებ" საქართველოს კანონის 21-ე მუხლის, საქართველოს განათლებისა და მეცნიერების მინისტრის 2008 წლის 29 მაისის N490 ბრძანებით დამტკიცებული "საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების" მე–9 მუხლის საფუძველზე,

1. შევიდეს ცვლილება ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს  N92 დადგენილებაში:

ა) მე–9 მუხლს დაემატოს 31 პუნქტი: “ბაკალავრიატის დამამთავრებელ დამატებით  XII და XIV სემესტრებში სტუდენტს უფლება ეძლევა 240 კრედიტის შესასრულებლად აირჩიოს საგნები არაუმეტეს 40 კრედიტისა.“

ბ) მე–12 მუხლის 1–ლი პუნქტი ჩამოყალიბდეს შემდეგი რედაქციით: „სტუდენტის სემესტრულ საბოლოო გამოცდაზე დაშვებისათვის აუცილებელი მინიმალური ქულაა 31. სასწავლო კურსის სილაბუსი შეიძლება ითვალისწინებდეს სხვა მოთხოვნებს, მაგრამ არანაკლებ 21 ქულისა“;

2. კონტროლი დადგენილების შესრულებაზე დაევალოს სასწავლო დეპარტამენტის უფროსს (რ.ჩიქოვანი).

3. დადგენილება გამოქვეყნდეს საჯაროდ. 

პროფესორი გიორგი ხუბუა
აკადემიური საბჭოს თავმჯდომარე,
რექტორი