FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
ბათუმის შოთა რუსთაველის სახელმწიფო უნივერსიტეტის 90 წლის საიუბილეო ღონისძიებაზე ივანე ჯავახიშვილის სახელობის თბილისის სახელმწიფო უნივერსიტეტის რექტორს, აკადემიკოს ჯაბა სამუშიას საუნივერსიტეტო და სამეცნიერო საქმიანობაში შეტანილი განსაკუთრებული წვლილისთვის ბათუმის შოთა რუსთაველის სახელმწიფო უნივერსიტეტის საპატიო დოქტორის წოდება მიენიჭა.
თსუ რექტორმა სიტყვით გამოსვლისას განსაკუთრებული ყურადღება გაამახვილა იმ ისტორიულ და ეროვნულ მნიშვნელობაზე, რაც ბათუმის შოთა რუსთაველის სახელმწიფო უნივერსიტეტს აქვს რეგიონსა და ქვეყანაში.
,,ივანე ჯავახიშვილის სახელობის თბილისის სახელმწიფო უნივერსიტეტისა და ჩვენი პროფესორ-მასწავლებლების სახელით გილოცავთ ბათუმის შოთა რუსთაველის სახელობის სახელმწიფო უნივერსიტეტის 90 წლის იუბილეს. გისურვებთ კიდევ უფრო მეტ წარმატებასა და ღვაწლს ჩვენი ქვეყნის განვითარებისთვის. თქვენ ხართ ჩვენი ქვეყნის ნამდვილი მეციხოვნეები – როცა იცავთ იმ დიდ კარიბჭეს, რომელიც საუკუნეების განმავლობაში უამრავ გამოწვევას უქმნიდა საქართველოს. თქვენი დამსახურებით და ამ უნივერსიტეტის ძალით, რომელმაც აჭარას ქართული სული, ცოდნა და განათლების მძლავრი ტრადიცია შესძინა, დღეს უკვე მნიშვნელოვანი ეროვნული მიზანი მიღწეულია ჩვენი ქვეყნის მთლიანობის ხელშეწყობისთვის,”- განაცხადა ჯაბა სამუშიამ.
საზეიმო ღონისძიებაზე საპატიო დოქტორის წოდება მიენიჭათ ასევე, თბილისის სახელმწიფო უნივერსიტეტის ეკონომიკის და ბიზნესის ფაკულტეტის პროფესორებს: ელგუჯა მექვაბიშვილსა და დავით ნარმანიას.
საზეიმო ცერემონია ბათუმის ილია ჭავჭავაძის სახელობის დრამატულ თეატრში გაიმართა, სადაც უნივერსიტეტის 90 წლის ისტორია და მისი მნიშვნელოვანი მიღწევები კიდევ ერთხელ იქნა ხაზგასმული.
