ცხადდება კონკურსი თსუ-ს სამივე საფეხურის სტუდენტებისათვის და აკადემიური და ადმინისტრაციული პერსონალის წმომდგელებისათვის პორტოს უნივერსიტეტში, მინიოს უნივერსიტეტში, ავეიროს უნივერსიტეტში და ტრაზ-უჟ-მონტიშისა და ალტუ-დორუს უნივერისტეტში (პორტუგალია) ევროკომისიის მიერ დაფინანსებული MIND კრედიტ-მობილობის პროგრამის სტიპენდიების მოსაპოვებლად

პორტოს უნივერსიტეტი MIND საერთაშორისო კრედიტ-მობილობის პროგრამის ფარგლებში, კონსორციუმის სამ პარტნიორთან, ტრაზ-უჟ-მონტიშისა და ალტუ-დორუს უნივერსიტეტთან, ავეიროს უნივერსიტეტთან და ევორას უნივერსიტეტთან ერთად აცხადებს აპლიკაციის მიღებას გაცვლით პროგრამაზე.

აღნიშნულ კონკურსში მონაწილეობის მიღება შეუძლიათ:

1. თბილისის სახელმწიფო უნივერსიტეტის სამივე საფეხურის სტუდენტებს, რომლებიც 2025/2026 სასწავლო წლის შემოდგომის სემესტრში იმყოფებიან: ბაკალავრიატის მესამე, მეოთხე, მეხუთე, მეექვსე და მეშვიდე, მაგისტრატურის პირველ მეორე და მესამე, დოქტორანტურის პირველ, მეორე, მესამე და მეოთხე სემესტრში;
2. თსუ-ს აკადემიური და ადმინისტრაციული პერსონალის წარმომადგენლებს. 
    

მობილობის პერიოდი:

1. სტუდენტებისათვის: 2025/2026 სასწავლო წლის შემოდგომის სემესტრი
2. აკადემიური და ადმინისტრაციული პერსონალისათვის:  2025/2026 აკადემიური წლის განმავლობაში

განაცხადების მიღება იწარმოებს ა/წ 30 მაისის ჩათვლით შემდეგი ვებ-გვერდის საშუალებით: https://mindicm24.up.pt/
 

სასწავლო მიმართულებები (ინგლისურენოვანი ან პორტუგალიურენოვანი): https://mindicm24.up.pt/courses

საბუთების მიღების პროცედურებზე და პროგრამასთან დაკავშირებული სხვა საჭირო ინფორმაცია იხილეთ აქ.

დამატებითი ინფორმაცია იხილეთ დანართში:

1. განაცხადის გაკეთების სახელმძღვანელო
2. ხშირად დასმული კითხვები 

დამატებითი კითხვების არსებობის შემთხვევაში დაგვიკავშირდით შემდეგი ელ-ფოსტის საშუალებით: outgoingmobility@tsu.ge