დაიბადა 1903 წლის 19 ნოემბერს. 1928 წელს დაამთავრა თბილისის სახელმწიფო უნივერსიტეტის სამკურნალო ფაკულტეტი.

1946 წლიდან არის მედიცინის მეცნიერებათა დოქტორი, 1947 წლიდან პროფესორი. მიღებული აქვს სახელმწიფო ჯილდოები.

1944-1968 წლებში იყო მ. ასათიანის სახელობის  ფსიქიატრიის სამეცნიერო–კვლევითი ინსტიტუტის დირექტორის მოადგილე სამეცნიერო დარგში. 1968-1978 წლებში თბილისის სახელმწიფო სამედიცინო ინსტიტუტის ფსიქიატრიის კათედრის გამგე. 1978-1988 წლებში ამავე კათედრის კონსულტანტი.  სწავლობდა ნევროზს, სიმპტომატურ ფსიქოზს, ალკოჰოლიზმს, ტოქსიკომანიას და მათი მკურნალობის მეთოდებს. 1961 წელს მიიღო საქართველოს მეცნიერებათა დამსახურებული მოღვაწის პრემია.