დაიბადა 1930 წლის 1 თებერვალს. 1953 წელს დაამთავრა თბილისის სახელმწიფო უნივერსიტეტის ფილოსოფიის ფაკულტეტი.  1958-1961 წლებში იყო  ფილოსოფიის ინსტიტუტის ასპირანტი. 1961-1966 წლებში ამავე ინსტიტუტის უმცროსი მეცნიერ თანამშრომელი.

1964 წელს დაიცვა საკანდიდატო დისერტაცია, თემაზე: "ჭეშმარიტების ობიექტურობის შესახებ".

1966-1967 წლებში იყო ფილოსოფიის ინსტიტუტის სწავლული მდივანი, ხოლო 1967 წლიდან ინსტიტუტის დირექტორის მოადგილე.

1997 წელს დაიცვა სადოქტორო დისერტაცია, თემაზე: "თანამედროვე დასავლეთის ფილოსოფიის სათავეებთან".