ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
ივანე ჯავახიშვილის სახელობის თბილისის სახელმწიფო უნივერსიტეტში სასწავლო კორპუსების სარეაბილიტაციო სამუშაოები დასრულდა. თსუ მე-6 სასწავლო კორპუსში მსხვილი სარეაბილიტაციო სამუშაოები ათწლეულების განმავლობაში არ ჩატარებულა. თსუ რექტორის ჯაბა სამუშიას გადაწყვეტილებით, გასულ წელს დაიწყო და რამდენიმე დღის წინ დასრულდა კორპუსის ფასადის სარეაბილიტაციო სამუშაოები, სრულად გამოიცვალა კარ-ფანჯარა, შეიცვალა კონდიცირებისა და წყალარიდების სისტემა, დამონტაჟდა თანამედროვე ტიპის სახანძრო უსაფრთხოების სისტემა.
თსუ კანცლერის ლაშა საღინაძის განცხადებით, სხვა ინფრასტრუქტურულ პროექტებთან ერთად, მე-6 კორპუსის სარემონტო სამუშაოები მიმდინარე წელსაც გაგრძელდება, რომლის ფარგლებშიც იგეგმება ამ კორპუსის შიდა ინფრასტრუქტურისა და სახურავის დაზიანებული ნაწილის რეაბილიტაცია.
„თსუ მე-6 კორპუსში მნიშვნელოვანი სარეაბილიტაციო სამუშაოები ჩატარდა. ახლა იგეგმება შიდა სამუშაოები. უახლოეს პერიოდში გამოცხადდება ტენდერი დაგეგმილი სამუშაოების განსახორციელებლად. სამუშაოების დასრულების შემდეგ თსუ მე-6 კორპუსი სრულად რეაბილიტირებული, შშმ პირებზე მორგებული, თანამედროვე მოთხოვნების შესაბამისი იქნება,“-განაცხადა ლაშა საღინაძემ.