ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის კანცლერი ლაშა საღინაძე სამუშაო ვიზიტით იტალიის და ევროპის ერთ-ერთ უძველეს, სიენას უნივერსიტეტს (იტალია) ეწვია და შეხვედრა გამართა რექტორ რობერტო დი პიეტრასთან.
ვიზიტის ფარგლებში შეხვედრები გაიმართა საერთაშორისო ურთიერთობის სამსახურის ხელმძღვანელთან, საერთაშორისო და პოლიტიკურ მეცნიერებათა ფაკულტეტის ვიცე-დირექტორთან, ინტერდისციპლინარული ინოვაციების ცენტრის ხელმძღვანელობასთან, ბიბლიოთეკისა და მუზეუმის წარმომადგენლებთან.
შეხვედრაზე განსაკუთრებული ყურადღება დაეთმო ისეთ საკითხებს როგორიცაა: სტუდენტური და აკადემიური მობილობის დაწყება თსუ-სა და სიენას უნივერსიტეტებს შორის, ასევე ორმაგი ხარისხის ინგლისურენოვანი აკადემიური პროგრამების შექმნა.
მხარეებმა დაადასტურეს თანამშრომლობის გაღრმავების მზაობა და შეთანხმდნენ სიენას უნივერსიტეტის დელეგაციის საპასუხო ვიზიტზე თსუ-ში. უახლოეს მომავალში უნივერსიტეტებს შორის გაფორმდება ურთიერთგაგების მემორანდუმი.
ვიზიტი დაფინანსდა ევროკომისიის Erasmus+ საერთაშორისო კრედიტ-მობილობის პროგრამის ფარგლებში.
