ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტში რეზიდენტთა II კლინიკური კონფერენცია „მედიცინა კლასიკურ საუნივერსიტეტო განათლებაში“ გაიმართა, რომელზეც მოხსენებები წარმოდგენილი იყო უროლოგიის, რეპროდუქტოლოგიის, დერმატო-ვენეროლოგიის, ენდოკრინოლოგიის, კლინიკური ლაბორატორიის, ინფექციური და სტომატოლოგიის მიმართულებებში.
რეზიდენტურა სამედიცინო განათლების პოსტდიპლომური პროფესიული მზადების პროგრამაა, რომელიც საქართველოს კანონმდებლობით აუცილებლად უნდა გაიაროს კურსდამთავრებულმა. მხოლოდ ამ საფეხურის გავლის შემდეგ შეუძლია მიიღოს მან შესაბამისი საექიმო კვალიფიკაცია. პროგრამა მოიცავს ძირითადად პრაქტიკულ მზადებას, თუმცა, ხელს უწყობს რეზიდენტის სამეცნიერო უნარების ამაღლებას. სარეზიდენტო პროგრამის დასრულების შემდეგ კურსდამთავრებულს უფლება ეძლევა ჩააბაროს სახელმწიფო სასერტიფიკატო გამოცდა შესაბამისი ექიმი-სპეციალისტის სერტიფიკატის მოსაპოვებლად.
ღონისძიებას თსუ ხარისხის მართვის სამსახურის ხელმძღვანელი შოთა ფოთოლაშვილი, თსუ მედიცინის ფაკულტეტის დეკანის მოვალეობის შემსრულებელი თამარ რუხაძე, პროფესორები, რეზიდენტები დაესწრნენ. შეხვედრაში მონაწილეობდნენ საქართველოში მოქმედი სამედიცინო პროფილის ინსტიტუტების, კლინიკების, ცენტრების წარმომადგენლები, რომლებმაც თანამედროვე კლინიკურ მიდგომებზე, სიახლეებსა და საინტერესო კლინიკურ შემთხვევებზეც ისაუბრეს.
კონფერენცია გაიმართა საქართველოს უროლოგთა ასოციაციის, საქართველოს ექიმთა ასოციაციის, საქართველოს სტომატოლოგთა ასოციაციის, საქართველოს იმპლანტოლოგთა ასოციაციისა და საქართველოს დერმატო-ვენეროლოგთა ასოციაციის მხარდაჭერით.
