ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
კომპოსტელას უნივერსიტეტთა ჯგუფი აცხადებს მოხალისეობის პროგრამას "უნივერსიტეტების მოსიარულე საზოგადოება 2025" ჯგუფის წევრი უნივერსიტეტების სტუდენტებისთვის (თსუ აღნიშნული ჯგუფის წევრია 2022 წლიდან), რომელშიც მონაწილეობის მიღება შეუძლიათ თსუ-ს ნებისმიერი საფეხურისა და მიმართულების 18-დან 30 წლამდე ასაკის სტუდენტს, რომელსაც აქტიური სტუდენტის სტატუსი აქვს 2024-25 სასწავლო წლის განმავლობაში.
დაფინანსება
კომპოსტელას უნივერსიტეტთა ჯგუფი და Camino de Santiago-ს მუნიციპალიტეტების ასოციაცია თითოეულ შერჩეულ მონაწილეს უზრუნველყოფს შემდეგით:
აკომოდაცია მოხალისეობის პერიოდში;
კვება მოხალისეობის პერიოდში (ჩამოსვლის და გამგზავრების დღეებში გაიცემა მხოლოდ ერთი კვება);
ლოკალური ტრანსპორტირება მოხალისეობრივი საქმიანობის ადგილამდე და იქიდან შეხვედრის წერტილამდე;
მოხალისეობრივი აქტივობის განსახორციელებლად საჭირო რესურსები;
მონაწილეობა გასართობ აქტივობებში;
სამოქალაქო პასუხისმგებლობისა და უბედური შემთხვევის დაზღვევა.
მონაწილეები თავად არიან პასუხისმგებელნი, რომ მოხალისეობის მთელი პერიოდის განმავლობაში უზრუნველყონ საკუთარი სამედიცინო დაზღვევა (საჯარო და/ან კერძო).
მონაწილეები ქალაქ Jaca-ში (იხ. ლოკაციის რუკა) უნდა ჩავიდნენ საკუთარი ფინანსური რესურსებით.
განხორციელების თარიღები
"უნივერსიტეტების მოსიარულე საზოგადოება 2025" მოხალისეობრივი აქტივობები განხორციელდება უწყვეტად 15 დღის განმავლობაში: 2025 წლის 16 აგვისტოდან 30 აგვისტომდე (ჩათვლით).
განაცხადის წარდგენა:
დაინტერესებულმა პირებმა უნდა წარმოადგინონ შემდეგი დოკუმენტაცია:
ონლაინ შესავსები სარეგისტრაციო ფორმა;
სერტიფიკატი, რომელიც ადასტურებს პარტნიორ უნივერსიტეტთან კავშირს 2025 წელს;
ესპანური ან ინგლისური ენის ცოდნის დამადასტურებელი სერტიფიკატი;
პირადობის მოწმობის ან პასპორტის სკანირებული ვერსია ყველა ინფორმაციის შემცველი გვერდით;
ასევე, არსებობის შემთხვევაში, შესაძლებელია შემდეგი დოკუმენტების წარდგენა:
მოხალისეობრივი გამოცდილების დამადასტურებელი ცნობა;
სოციალური ან ჰუმანიტარული მიმართულების ასოციაციაში წევრობის დამადასტურებელი ცნობა.
დამატებითი მნიშვნელოვანი ინფორმაცია პროგრამაში მონაწილეობის შესახებ განთავსებულია შემდეგ ვებ-გვერდზე https://web.gcompostela.org/university-walking-community-5/