ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
საქართველოს მეცნიერებათა ეროვნულ აკადემიაში გაიმართა ორი მნიშვნელოვანი გამოცემის პრეზენტაცია - “ქართლის ცხოვრების“ მესამე ტომი და ორტომეული „მეფე პოეტები“.
ღონისძიების მონაწილეებს სიტყვით მიმართა თსუ რექტორმა, აკადემიკოსმა ჯაბა სამუშიამ, რომელმაც აღნიშნა, რომ „ქართლის ცხოვრების“ გამოცემით საბოლოოდ შეიკრა ეს უმნიშვნელოვანესი ისტორიული კრებული, ხოლო „მეფე პოეტები“ ერთ სივრცეში აერთიანებს ქართველი მეფეების პოეტურ შემოქმედებას და ჩვენს მდიდარ მემკვიდრეობას ფართო საზოგადოებისთვის ხელმისაწვდომს ხდის.
„ქართლის ცხოვრების“ მესამე ტომში თავმოყრილია XVIII საუკუნის ქართველი ისტორიკოსების ნაშრომები, ხოლო ორტომეული „მეფე პოეტები“ მოიცავს დავით აღმაშენებლის, დემეტრე I-ის, თამარ მეფის, თეიმურაზ I-ის, არჩილ II-ის, ვახტანგ VI-ისა და თეიმურაზ II-ის პოეზიას.
გამოცემები წარმოადგენს ქართული ისტორიოგრაფიისა და ლიტერატურის მნიშვნელოვან ნიმუშებს, რომლებიც მკვლევრებსა და საზოგადოებას საშუალებას აძლევს უფრო ახლოს გაიცნონ ჩვენი ისტორიული და პოეტური მემკვიდრეობა.
