ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის რექტორი, აკადემიკოსი ჯაბა სამუშია ახალი სტუდენტური გაერთიანების „სხივის“ წევრებს შეხვდა.
კლუბი სტუდენტებისა და სკოლის მოსწავლეების საგანმანათლებლო პროექტებში ჩართულობას შეუწყობს ხელს. სტუდენტები მედიაწიგნიერების, პოლიტიკური კულტურის, სამართლისა და საქართველოს ისტორიის მიმართულებით საგანმანათლებლო - შემეცნებით პროექტებს განახორციელებენ; სტუდენტებსა და საჯარო სკოლის მოსწავლეებისთვის სხვადასხვა რეგიონში გამართავენ საჯარო ლექციებს უნივერსიტეტის პროფესორების მონაწილეობით; ასევე, გამართავენ ონლაინ შეხვედრებს, ტრენინგებს და დისკუსიებს სხვადასხვა მიმართულებით; სტუდენტური გაერთიანების წევრები იმუშავებენ სტუდენტური ჟურნალების, სამეცნიერო ნაშრომების და სტატიების კრებულის მომზადებაზე.
თბილისის სახელმწიფო უნივერსიტეტის რექტორმა ჯაბა სამუშიამ სტუდენტებს კლუბის დაარსება მიულოცა და მომავალ საქმიანობაში წარმატება უსურვა. „თქვენი შემეცნებითი აქტივობებით და საგანმანათლებლო ღონისძიებებით თქვენ შეიძლება შეცვალოთ თქვენი თაობის და კიდევ უფრო ახალგაზრდების - სკოლის მოსწავლეების ინტერესები და გავლენა მოახდინოთ მათ ცხოვრებაზე“, - აღნიშნა ჯაბა სამუშიამ.
სტუდენტური გაერთიანების მიზანია სტუდენტებისა და სკოლის მოსწავლეების ცნობიერების ამაღლება სხვადასხვა მიმართულებით. კლუბში გაწევრიანება ყველა ფაკულტეტის სტუდენტს შეუძლია.
