ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის რექტორი, აკადემიკოსი ჯაბა სამუშია თსუ გოგონათა ფრენბურთის გუნდის წევრებსა და მწვრთნელს შეხვდა და მადლობის სიგელებით დააჯილდოვა. თსუ გოგონებმა ბაკურიანში გამართულ ზამთრის უნივერსიადა 2024-ის ტურნირში მონაწილე 5 უნივერსიტეტის გუნდები დაამარცხეს და პირველი ადგილი მოიპოვეს.
თსუ რექტორმა თსუ ფრენბურთელებს მადლობა თბილისის სახელმწიფო უნივერსიტეტის წარმატებით წარმოჩენისთვის გადაუხადა და მათ შემდგომ სპორტულ განვითარებაში მხარდაჭერა აღუთქვა. მისი თქმით, „მნიშვნელოვანია, რომ თსუ სტუდენტები სწავლასთან ერთად სპორტით არიან დაკავებულები და ამით ახალგაზრდებში ჯანსაღი ცხოვრების წესის პოპულარიზაციას ეწევიან.“
შეხვედრაზე თსუ ზუსტ და საბუნებისმეტყველო მეცნიერებათა ფაკულტეტის სტუდენტმა კესანე ხმიადაშვილმა, ჰუმანიტარულ მეცნიერებათა ფაკულტეტის სტუდენტმა ლიზიკო არუსიამ, ეკონომიკის საერთაშორისო სკოლის (ISET) სტუდენტმა თინათინ ყაზარაშვილმა, იურიდიული ფაკულტეტის სტუდენტმა ლიზი დიასამიძემ, მწვრთნელმა თემურ ჭაბუკიანმა ბაკურიანში გამართულ ტურნირზე, ამ ტურნირისთვის მზადებაზე ისაუბრეს. „ამაყები ვართ, რომ თბილისის სახელმწიფო უნივერსიტეტის სახელით ვიასპარეზეთ და გავიმარჯვეთ. ინტენსიურად ვემზადებით კლასიკური და ქვიშის ფრენბურთისთვის, გვაქვს სპეციფიკური ვარჯიშები. ყველაფერს გავაკეთებთ იმისათვის, რომ კვლავ ვასახელოთ თსუ,“- განაცხადა თსუ ფრენბურთელმა თინათინ ყაზარაშვილმა.
ზამთრის უნივერსიადა 2024-ში საქართველოში აკრედიტებული 16 უნივერსიტეტის წარმომადგენლები მონაწილეობდნენ. წლევანდელ ტურნირებში გამარჯვებული სპორტსმენები და გუნდები, მათ შორის, ფრენბურთელები მონაწილეობას მიიღებენ 2025 წელს იტალიაში, ტორინოში მსოფლიოს ზამთრის უნივერსიადაში.
ზამთრის უნივერსიადა 2013 წლიდან ტარდება საქართველოს საუნივერსიტეტო სპორტის ფედერაციის ინიციატივითა და საქართველოს კულტურისა და სპორტის სამინისტროს მხარდაჭერით ყოველწლიურად იმართებს.