ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის რექტორმა ჯაბა სამუშიამ და გერმანულ-ქართული სამედიცინო დიაგნოსტიკური ცენტრის შპს „დოიჩეს დიაგნოსტიკუმის“ დირექტორმა გიორგი გრიგოლიამ ურთიერთთანამშრომლობის მემორანდუმს მოაწერეს ხელი.
ღონისძიებაზე თსუ რექტორმა ყურადღება გაამახვილა თსუ მედიცინის ფაკულტეტის პრაქტიკულ-კლინიკური ბაზის გაუმჯობესებაზე, თანამედროვე ტექნოლოგიების შემოტანასა და სალექციო-თეორიულ ნაწილში დარგის აღიარებული სპეციალისტების ჩართვაზე.
გერმანულ-ქართული სამედიცინო დიაგნოსტიკური ცენტრის დირექტორის თქმით, მემორანდუმი ხელს შეუწყობს თსუ მედიცინის ფაკულტეტის სტუდენტებისთვის სრულფასოვანი განვითარებისთვის შესაბამისი გარემოს შექმნას. გიორგი გრიგოლიამ ისაუბრა ჯანდაცვის სფეროში ხელოვნური ინტელექტის და თანამედროვე ტექნოლოგიების განსაკუთრებულ მნიშვნელობასა და, შესაბამისად, საქართველოში ციფრული მედიცინის, მათ შორის, ტელემედიცინის, ტელერადიოლოგიის, ტელემორფოლოგიის და რობოტული მედიცინის განვითარების საჭიროებაზე.
მემორანდუმის მიზანია საქართველოში მსოფლიოს უახლესი სამედიცინო მიღწევის - ციფრული მედიცინის, განვითარების მიმართულებით აქტიური თანამშრომლობა. ეს გულისხმობს დასავლეთ ევროპის ქვეყნების, მათ შორის უპირველეს ყოვლისა გერმანიის, ავსტრიის და შვეიცარიის, ასევე ამერიკის შეერთებული შტატების ცენტრალურ საუნივერსიტეტო კლინიკებთან და წამყვან სამედიცინო ინსტიტუტებთან მჭიდრო პრაქტიკულ- სამეცნიერო თანამშრომლობის განვითარებას. ასევე, მხარეთა მიზანს წარმოადგენს უცხოეთში მყოფი ქართველი ექიმების და მკვლევარ-მეცნიერების საქართველოს საუნივერსიტეტო საგანმანათლებლო პროცესებში ინტენსიური ჩართვის ხელშეწყობა, ასევე უცხოელ სპეციალისტებთან და მეცნიერ-თანამშრომლებთან ერთობლივი პროექტების განხორციელება.