ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის რექტორმა ჯაბა სამუშიამ, ტოკიოს (იაპონია) მეტროპოლიტან უნივერსიტეტთან თანამშრომლობის შესაძლებლობებზე ტოკიოს მეტროპოლიტანის უნივერსიტეტის პროფესორთან ჰიროტაკე მაედასთან სამუშაო შეხვედრა გამართა.
შეხვედრაზე მხარეებმა გაფორმებული მემორანდუმის მიზნებზე ისაუბრეს. როგორც თბილისის სახელმწიფო უნივერსიტეტის რექტორმა ჯაბა სამუშიამ აღნიშნა, მემორანდუმი უნივერსიტეტებს შორის აკადემიურ თანამშრომლობას ისახავს მიზნად. „თბილისის სახელმწიფო უნივერსიტეტი და ტოკიოს მეტროპოლიტან უნივერსიტეტი ხელშეკრულების ფარგლებში განვახორციელებთ გაცვლით პროგრამებს როგორც სტუდენტებისთვის, ასევე აკადემიური პერსონალისთვის; აგრეთვე, აქტიურად ვითანამშრომლებთ სამეცნიერო კვლევების მიმართულებით. ამის პოტენციალი და სურვილი ორივე უნივერსიტეტში არსებობს,“- განაცხადა ჯაბა სამუშიამ.
პროფესორმა ჰიროტაკე მაედამ ხაზი გაუსვა უნივერსიტეტებს შორის კვლევითი მიმართულებით თანამშრომლობის საკითხს. „მემორანდუმის ფარგლებში გაიმართება ერთობლივი სიმპოზიუმები, საერთაშორისო კონფერენციები, რომელშიც მონაწილეობას მიიღებენ ჩვენი სტუდენტები და აკადემიური პერსონალი; ასევე, მოხდება სამეცნიერო ბაზებისა და სამეცნიერო მასალის გაზიარება, რაც ხელს შეუწყობს სამეცნიერო საქმიანობის განვითარებას“- აღნიშნა ჰიროტაკე მაედამ.
თანამშრომლობის მემორანდუმს თსუ რექტორმა, აკადემიკოსმა ჯაბა სამუშიამ და ტოკიოს მეტროპოლიტან უნივერსიტეტის სამაგისტრო ჰუმანიტარული სკოლის ჰუმანიტარულ და სოციალურ მეცნიერებათა ფაკულტეტის დეკანმა პროფესორმა მინაგავა მასაკიმ მოაწერეს ხელი.