ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტში „სამართლისა და პოლიტიკური აზროვნების ისტორიის ნარკვევების“ მეხუთე წიგნის პრეზენტაცია გაიმართა. ღონისძიება თსუ-ის რექტორმა, აკადემიკოსმა ჯაბა სამუშიამ გახსნა. გამოცემა ცნობილ ქართველ მეცნიერს, უნივერსიტეტში იურისტთა არაერთი თაობის აღმზრდელს, იურიდიულ მეცნიერებათა დოქტორს, პროფესორ მიხეილ (მიხაკო) კეკელიას მიეძღვნა.
„მიხეილ კეკელია არის იმ თაობის წარმომადგენელი, რომელმაც საქართველოში სამართლის ისტორიის დისციპლინის შექმნას ჩაუყარა საფუძველი და ეს ტრადიცია დღესაც გრძელდება ჩვენს უნივერსიტეტში. ის არის ს შემსწავლელი ლაბორატორიის დამაარსებელი საქართველოში. მან შექმნა ეპოქა არა მარტო პრაქტიკული საქმიანობის მიმართულებით, არამედ სამეცნიერო თვალსაზრისითაც. სტუდენტებმა უნდა იცოდნენ, რომ სწორედ ასეთი ადამიანები ქმნიდნენ სამეცნიერო სკოლებს უნივერსიტეტში“, -აღნიშნა ჯაბა სამუშიამ.
ხუთტომეული თინათინ წერეთლის სახელმწიფოსა და სამართლის ინსტიტუტის ინიციატივით, თბილისის სახელმწიფო უნივერსიტეტის იურიდიული ფაკულტეტის მონაწილეობითა და მხარდაჭერით გამოიცა. კრებულის მომზადებაში სამოცზე მეტმა ქართველმა მეცნიერმა და პრაქტიკოსმა იურისტმა მიიღო მონაწილეობა. პროფესორ მიხეილ კეკელიას ბიოგრაფიასთან ერთად წიგნს თან ერთვის მის შესახებ ოჯახის წევრების, სტუდენტების, კოლეგების საინტერესო მოგონებები. ასევე, ქართველი მეცნიერის მდიდარი შემოქმედებითი მემკვიდრეობის ამსახველი ბიბლიოგრაფია, რომელიც 160-ზე მეტ პირველხარისხოვან სამეცნიერო ნაშრომს, მონოგრაფიას, სახელმძღვანელოსა თუ, საგაზეთო წერილს მოიცავს.
ხუთტომეულზე მუშაობა იურიდიული ფაკულტეტის ასოცირებული პროფესორის გოჩა ფერაძის რედაქტორობით ჯერ კიდევ 2010 წელს დაიწყო. კრებულის გამოცემის მიზანია XX საუკუნეში მოღვაწე ხუთი დიდი ქართველი იურისტის: 1947-1983 წლებში იურიდიულ ფაკულტეტზე სახელმწიფოსა და სამართლის ისტორიის კათედრის გამგის პროფესორ ივანე სურგულაძის, აკადემიკოს ისიდორე დოლიძის, პროფესორების: დავით ფურცელაძის, გიორგი ნადარეიშვილისა და მიხეილ კეკელიას ღვაწლის წარმოჩენა და დაფასება, რომლებმაც მთელი ცხოვრება ქართული სამართლის ისტორიის, მისი ქართული თუ, უცხოენოვანი ძეგლების მოძიებას, შესწავლასა და წარმოჩენას მიუძღვნეს.
