თსუ-ში სტუდენტური პროექტების დაფინანსების ახალი, გამჭვირვალე წესის ამოქმედების შემდეგ  სახელმწიფო უნივერსიტეტის სტუდენტებს საშუალება აქვთ  წელიწადში სამჯერ შეიტანონ განაცხადი წარმოდგენილი სამეცნიერო და კულტურული/ სპორტული/ საგანმანათლებლო პროექტების დაფინანსების მოსაპოვებლად. 

თბილისის სახელმწიფო უნივერსიტეტში ყოველწლიურად ტარდება 350-ზე მეტი სტუდენტური ღონისძიება, მათ შორისაა კურსდამთავრებულთა გამოსაშვები და პირველკურსელთა მისაღები ცერემონიები, კონცერტები, შეჯიბრები და ა.შ.

თბილისის სახელმწიფო უნივერსიტეტში არსებულ შემოქმედებით და სპორტულ გუნდებს შორისა: ქორეოგრაფიული ანსამბლი ,,უნივერსიტეტი’’, ვაჟთა ვოკალური ანსამბლი ,,უნივერსიტეტი’’ , ტრადიციულ - ვოკალურ ინსტრუმენტული ანსამბლი ,,უნივერსიტეტი’’ , თეატრი ,,სხვენი’’ , მომღერალთა გუნდი ,,კაპელა’’. ვაჟთა და გოგონათა ფრენბურთის გუნდი, კალათბურთის პროფესიონალური და სტუდენტური გუნდი, ათლეტიზმი, მაგიდის ჩოგბურთი, რაგბის გუნდი, მშვილდოსნობა, ფუტსალის სტუდენტური და პროფესიონალური გუნდი, მხიარულთა და საზრიანთა კლუბი, მოლაშქრეთა კლუბი ,,თსუ.’’

• 2023 წელს ქორეოგრაფიულმა ანსამბლმა ,,უნივერსიტეტი’’ მონაწილეობა მიიღო იყო საფრანგეთსა და ბულგარეთში გამართულ მუსიკალურ ფესტივალებში.ჩინეთის კულტურისა და სპორტის სამინისტროს ორგანიზებულ ფესტივალზე, საუკეთესო ანსამბლის წოდება მოიპოვა. 2024 წელს კი, ვოკალურმა ანსამბლმა ,,უნივერსიტეტი’’ იტალიაში, აგრიჯენტოში ,,76 -ე Mandorlo In Fiore‘’ საერთაშორისო ფოლკლორულ ფესტივალზე, პირველი ადგილი დაიკავა.

• თეატრალურმა დასმა ,,სხვენი’’ 2023 წელს წარმოადგინა სპექტაკლები: „მხიარული ნოველები“, „მთვარიან ღამის ჩრდილში“, „ლურჯი ფრინველი“. თეატრალური დასი მიწვეული იყო  უნგრეთში ფესტივალზე, სადაც ,,სხვენმა’’ სპექტაკლი ,,თეატრალური კლოუნადა’’ წარადგინა.

• 2023 წელს  თსუ - ის სტუდენტური კაპელა მე -19 საერთაშორისო ფესტივალში  ,,International Choir Festival Munduus Cantat sopot’’ -ზე,  მონაწილეობისას  გამარჯვებულებს შორის აღმოჩნდა  და The Grand Prix ‘’ - მოიპოვა. გარდა ამისა, კაპელას ხელმძღვანელი ლაშა მიროტაძე  კონკურსის საუკეთესო დირიჟორად დასახელდა.

•   ივანე ჯავახიშვილის სახელობის თბილისის სახელმწიფო უნივერსიტეტის საკალათბურთო კლუბი ,,თსუ’’ 2024 წლის საქართველოს თასის გამარჯვებულია. 2023 წელს თბილისის სახელმწიფო უნივერსიტეტის კალათბურთის გუნდი საქართველოს სუპერლიგის ჩემპიონი და საქართველოს თასის მფლობელი გახდა. ამავე წელს, მოიპოვა ასევე სუპერთასი.

• 2023 წელს თსუ ფუტსალის გუნდი  ლიგა 2 -ის და საქართველოს უნივერსიადის გამარჯვებულია.

• 2023 წელს ფრენბურთის გოგონათა გუნდმა საქართველოს უნივერსიადაზე პირველი ადგილი მოიპოვა. 2024 წელს ,,სტუდფესტი 2024’’ წლის პრიზიორი და ასევე ზამთრის უნივერსიადის გამარჯვებულია.

• 2023 წელს რაგბის სტუდენტური გუნდი  ზამთრის თასის გამარჯვებული გახდა.  

• თსუ-ს მიერ ორგანიზებულ სტუდენტურ კონკურსებს შორისაა - ლიტერატურული კონკურსი „შემოდგომის ლეგენდა“, რომელიც დამწყებ მწერლებს პირველი სალიტერატურო ნაბიჯების გადადგმას სთავაზობს.

• 2024 წელს TSU STARS’’-ის პირველი საკონკურსო კონცერტი გაიმართა, რომლის მიზანიც საუნივერსიტეტო სივრცეში ნიჭიერი ახალგაზრდების აღმოჩენა და მათთვის შემოქმედებითი შესაძლებლობებით წახალისება. კონკურსანტები აქტიურ რეჟიმში გადიოდნენ რეპეტიციებს მენტორთან, კონკურსზე  კი სიმღერები ცოცხალ ბენდთან ერთად შეასრულეს.