ბრძანება

ნა­ტო ობ­ოლ­აძე

თა­ვის ტვი­ნის ტრავ­მუ­ლი და­ზი­ან­ება მსოფ­ლი­ოს ყვე­ლა ქვეყ­ნის ჯან­დაც­ვის სის­ტე­მი­სათ­ვის მნიშ­ვნე­ლო­ვან პრობ­ლე­მას წარ­მო­ად­გენს, თუმ­ცა აღი­არ­ებ­ულია, რომ ის გან­სა­კუთ­რე­ბით აქ­ტუ­ალ­ური და­ბა­ლი და სა­შუ­ალო შე­მო­სავ­ლის მქო­ნე ქვეყ­ნებ­შია. ჯან­მრთე­ლო­ბის მსოფ­ლიო ორ­გა­ნი­ზა­ცი­ის მო­ნა­ცე­მე­ბის თა­ნახ­მად, სპე­ცი­ალ­ის­ტე­ბი თა­ვის ტვი­ნის ტრავ­მუ­ლი და­ზი­ან­ებ­ის გლო­ბა­ლუ­რი ტვირ­თის მნიშ­ვნე­ლო­ვან ზრდას, მო­მა­ვა­ლი ათ­წლე­ულ­ებ­ის გან­მავ­ლო­ბა­ში, და­ბა­ლი და სა­შუ­ალო შე­მო­სავ­ლის მქო­ნე ქვეყ­ნებ­ში პროგ­ნო­ზი­რე­ბენ.

თა­ვის ტვი­ნის და­ზი­ან­ებ­ის ზე­დამ­ხედ­ვე­ლო­ბის გაზ­რდის მიზ­ნით სა­ქარ­თვე­ლო­ში 2017 წლი­დან 2 სა­ერ­თა­შო­რი­სო პრო­ექ­ტი ხორ­ცი­ელ­დე­ბა — „კვლე­ვის მო­ცუ­ლო­ბის გაზ­რდა აღ­მო­სავ­ლეთ ევ­რო­პა­ში“ და „სა­ერ­თა­შო­რი­სო თა­ნამ­შრომ­ლო­ბა ევ­რო­პა­ში თა­ვის ტვი­ნის ტრავ­მუ­ლი და­ზი­ან­ებ­ის ზე­დამ­ხედ­ვე­ლო­ბის გაზ­რდის მიზ­ნით“. ორ­ივე პრო­ექ­ტის სა­ერ­თა­შო­რი­სო კო­ორ­დი­ნა­ტო­რია აიოვ­ას უნ­ივ­ერ­სი­ტე­ტის პრო­ფე­სო­რი კო­რინ პი­კა­სა. სა­ქარ­თვე­ლო­ში პრო­ექ­ტებს კო­ორ­დი­ნა­ცი­ას თბი­ლი­სის სა­ხელ­მწი­ფო უნ­ივ­ერ­სი­ტე­ტის სა­ზო­გა­დო­ებ­რი­ვი ჯან­დაც­ვის დე­პარ­ტა­მენ­ტის პრო­ფე­სო­რი ნი­ნო ჩიხ­ლა­ძე უწ­ევს. რუ­მი­ნეთ­ში — ბა­ბეშ-ბო­ლიაის უნ­ივ­ერ­სი­ტე­ტის ას­ოც­ირ­ებ­ული პრო­ფე­სო­რი დაიანა დალ­ფი. ორ­ივე მათ­განს აშშ-ის ჯან­მრთე­ლო­ბის ერ­ოვ­ნუ­ლი ინ­სტი­ტუ­ტის (US National Institutes of Health) ფო­გარ­ტის სა­ერ­თა­შო­რი­სო ცენ­ტრი აფ­ინ­ან­სებს.

„ერთ-ერ­თი პრო­ექ­ტი — „სა­ერ­თა­შო­რი­სო თა­ნამ­შრომ­ლო­ბა ევ­რო­პა­ში თა­ვის ტვი­ნის ტრავ­მუ­ლი და­ზი­ან­ებ­ის ზე­დამ­ხედ­ვე­ლო­ბის გაზ­რდის მიზ­ნით“, რო­მე­ლიც მიზ­ნად ის­ახ­ავ­და თა­ვის ტვი­ნის ტრავ­მუ­ლი და­ზი­ან­ებ­ის მო­ნა­ცე­მებ­ზე კვლე­ვე­ბის გან­ხორ­ცი­ელ­ებ­ას სამ პარ­ტნი­ორ ქვე­ყა­ნა­ში, მათ შო­რის სა­ქარ­თვე­ლო­ში, სომ­ხეთ­სა და მოლ­დო­ვა­ში, უკ­ვე დას­რულ­და. პრო­ექ­ტის ფარ­გლებ­ში სა­ქარ­თვე­ლო­ში შეს­რულ­და რამ­დე­ნი­მე კომ­პო­ნენ­ტი­ანი კვლე­ვა და ჩა­ტარ­და რო­გორც რა­ოდ­ენ­ობ­რი­ვი, ისე თვი­სებ­რი­ვი კვლე­ვა. რეტ­როს­პექ­ტუ­ლად შეს­წავ­ლი­ლი იქ­ნა თა­ვის ტვი­ნის ტრავ­მუ­ლი და­ზი­ან­ებ­ით ჰოს­პი­ტა­ლი­ზა­ცი­ის 2015-2020 წლე­ბის ზო­გა­დი ტენ­დენ­ცი­ები, რის სა­ფუძ­ველ­ზე გა­მოვ­ლინ­და მა­ღა­ლი მი­მარ­თვი­ან­ობ­ის კლი­ნი­კე­ბი. კვლე­ვის აღ­ნიშ­ნულ კომ­პო­ნენ­ტში გა­მო­ყე­ნე­ბუ­ლი იქ­ნა სა­ქარ­თვე­ლოს და­ავ­ად­ებ­ათა კონ­ტრო­ლი­სა და სა­ზო­გა­დო­ებ­რი­ვი ჯან­მრთე­ლო­ბის ერ­ოვ­ნუ­ლი ცენ­ტრის ოფ­იცი­ალ­ური მო­ნა­ცე­მე­ბი. მომ­დევ­ნო ეტ­აპ­ზე თა­ვის ტვი­ნის ტრავ­მუ­ლი და­ზი­ან­ებ­ით მა­ღა­ლი მი­მარ­თვი­ან­ობ­ის ორ ჰოს­პი­ტალ­ში 2018 წლის 1 აგ­ვის­ტო­დან — 31 ოქ­ტომ­ბრამ­დე ჩა­ტარ­და რეტ­როს­პექ­ტუ­ლი რა­ოდ­ენ­ობ­რი­ვი კვლე­ვა, ხო­ლო 2019 წლის 1 მარ­ტი­დან 31 აგ­ვის­ტომ­დე — პროს­პექ­ტუ­ლი კვლე­ვა.

თა­ვის ტვი­ნის ტრავ­მუ­ლი და­ზი­ან­ებ­ის რე­გის­ტრის შე­მუ­შა­ვე­ბი­სათ­ვის გა­მო­ყე­ნე­ბუ­ლი იქ­ნა სა­ერ­თა­შო­რი­სო პრო­ექ­ტის ფარ­გლებ­ში შე­მუ­შა­ვე­ბუ­ლი კითხვა­რი. კვლე­ვის შე­დე­გად შეს­წავ­ლი­ლი იქ­ნა თა­ვის ტვი­ნის ტრავ­მუ­ლი და­ზი­ან­ებ­ის 70-ზე მე­ტი ცვლა­დი. რა­ოდ­ენ­ობ­რი­ვი კვლე­ვის ეტ­აპ­ზე მე­ტად მნიშ­ვნე­ლო­ვა­ნი შე­დე­გე­ბი იქ­ნა მი­ღე­ბუ­ლი სა­ქარ­თვე­ლო­ში თა­ვის ტვი­ნის ტრავ­მუ­ლი და­ზი­ან­ებ­ის ეპ­იდ­ემი­ოლ­ოგი­ური მა­ხა­სი­ათ­ებ­ლე­ბის შე­სა­ხებ, რაც შე­საძ­ლე­ბე­ლია გა­მო­ყე­ნე­ბუ­ლი იქ­ნას, რო­გორც თა­ვის ტვი­ნის ტრავ­მუ­ლი და­ზი­ან­ებ­ის რე­გის­ტრის შე­მუ­შა­ვე­ბის ჩარ­ჩო. ამ­ის გარ­და, კვლე­ვის შე­დე­გებ­მა გა­მოკ­ვე­თეს კვლე­ვის ხა­რის­ხის გა­უმ­ჯო­ბე­სე­ბის კონ­კრე­ტუ­ლი მი­მარ­თუ­ლე­ბე­ბი.

პრო­ექ­ტის ფარ­გლებ­ში ჩა­ტარ­და ას­ევე თვი­სებ­რი­ვი კვლე­ვა, რომ­ლის შე­დე­გად ქვეყ­ნის წამ­ყვან სპე­ცი­ალ­იზ­ებ­ულ კლი­ნი­კებ­შიც კი გა­მოვ­ლინ­და გან­სხვა­ვე­ბე­ბი თა­ვის ტვი­ნის ტრავ­მუ­ლი და­ზი­ან­ებ­ის მკურ­ნა­ლო­ბი­სა და მარ­თვის პრო­ცეს­ში. კვლე­ვის შე­დე­გად გა­მო­იკ­ვე­თა ას­ევე პრობ­ლე­მუ­რი სა­კითხე­ბი თა­ვის ტვი­ნის ტრავ­მუ­ლი და­ზი­ან­ებ­ის პრე­ჰოს­პი­ტა­ლუ­რი ტრი­აჟ­ის, ტრან­სპორ­ტი­რე­ბის და სა­რე­აბ­ილ­იტ­აციო მომ­სა­ხუ­რე­ბის ეტ­აპ­ებ­ზე, რა­ზეც უნ­და გა­მახ­ვილ­დეს ყუ­რადღე­ბა თა­ვის ტვი­ნის ტრავ­მუ­ლი და­ზი­ან­ებ­ის მქო­ნე პა­ცი­ენ­ტე­ბის სა­მე­დი­ცი­ნო მომ­სა­ხუ­რე­ბის ხა­რის­ხის გა­უმ­ჯო­ბე­სე­ბის პერ­სპექ­ტი­ვა­ში,“ — გა­ნაცხა­და ნი­ნო ჩიხ­ლა­ძემ.

პრო­ექ­ტში თსუ მე­დი­ცი­ნის ფა­კულ­ტე­ტის აკ­ად­ემი­ური პერ­სო­ნა­ლი, სა­ზო­გა­დო­ებ­რი­ვი ჯან­დაც­ვის და ეპ­იდ­ემი­ოლ­ოგი­ის სა­დოქ­ტო­რო პროგ­რა­მი­სა და სა­ზო­გა­დო­ებ­რი­ვი ჯან­დაც­ვის სა­მა­გის­ტრო პროგ­რა­მის სტუ­დენ­ტე­ბი მო­ნა­წი­ლე­ობ­დნენ. გან­ხორ­ცი­ელ­ებ­ული კვლე­ვის შე­დე­გე­ბი აის­ახა დოქ­ტო­რანტ ეკა ბურ­კა­ძის სა­დოქ­ტო­რო ნაშ­რომ­ში — „თა­ვის ტვი­ნის ტრავ­მუ­ლი და­ზი­ან­ებ­ის ეპ­იდ­ემი­ოლ­ოგი­ური მა­ხა­სი­ათ­ებ­ლე­ბის შეს­წავ­ლა თბი­ლი­სის ორი ჰოს­პიტ­ლის მა­გა­ლით­ზე და ჯან­დაც­ვის რე­სურ­სე­ბის შე­ფა­სე­ბა’’ (ხელ­მძღვა­ნე­ლი პროფ. ნი­ნო ჩიხ­ლა­ძე) და ინ­გლი­სუ­რე­ნო­ვა­ნი სა­მა­გის­ტრო პროგ­რა­მის სა­ერ­თა­შო­რი­სო სტუ­დენ­ტის ფრე­და ომი­ენ­იმი ჰა­ლი­დე­ის სა­მა­გის­ტრო ნაშ­რომ­ში — „A RETROSPECTIVE STUDY ON THE EPIDEMIOLOGY OF TRAUMATIC BRAIN INJURY IN GEORGIA’’.

პრო­ექ­ტში მო­ნა­წი­ლე მკვლევ­რებ­მა კვლე­ვის შე­დე­გე­ბი ად­გი­ლობ­რივ და სა­ერ­თა­შო­რი­სო კონ­ფე­რენ­ცი­ებ­ზე უკ­ვე წა­რად­გი­ნეს. შე­დე­გე­ბი ას­ევე გა­მოქ­ვეყ­ნე­ბუ­ლია სა­ერ­თა­შო­რი­სო სა­მეც­ნი­ერო ჟურ­ნა­ლებ­ში, მათ შო­რის: 3,2 იმ­პაქ­ტფაქ­ტო­რი­ან ჟურ­ნალ­ში „Risk Management and Healthcare policy“.

პრო­ექ­ტში ჩარ­თუ­ლი მკვლევ­რე­ბი შე­დე­გე­ბის გა­ზი­არ­ებ­ას ჰოს­პი­ტა­ლუ­რი და სამ­თავ­რო­ბო სექ­ტო­რის წარ­მო­მად­გენ­ლე­ბის­თვი­საც გეგ­მა­ვენ.

ნა­ტო ობ­ოლ­აძე

მე­დი­ცი­ნის ფა­კულ­ტეტ­ზე სტუ­დენ­ტზე ფო­კუ­სი­რე­ბუ­ლი თა­ნა­მედ­რო­ვე სას­წავ­ლო გა­რე­მოს გა­სა­უმ­ჯო­ბე­სებ­ლად აკ­ად­ემი­ური პერ­სო­ნა­ლის პრო­ფე­სი­ული გან­ვი­თა­რე­ბის სა­მოქ­მე­დო გეგ­მა შე­მუ­შავ­და. დო­კუ­მენ­ტი ას­ოც­ირ­ებ­ულ­მა პრო­ფე­სორ­მა მაია ბიწ­კი­ნაშ­ვილ­მა და მე­დი­ცი­ნის ფა­კულ­ტე­ტის ხა­რის­ხის უზ­რუნ­ველ­ყო­ფის სამ­სა­ხუ­რის უფ­როს­მა, პრო­ფე­სორ­მა ნი­ნო ჩიხ­ლა­ძემ შე­ად­გი­ნეს.

„სა­მე­დი­ცი­ნო გა­ნათ­ლე­ბა­ში ჩარ­თუ­ლი სა­მე­დი­ცი­ნო პერ­სო­ნა­ლის პრო­ფე­სი­ული გან­ვი­თა­რე­ბის სა­მოქ­მე­დო გეგ­მის ფარ­გლებ­ში გა­მო­იყო სა­მე­დი­ცი­ნო გა­ნათ­ლე­ბის პრი­ორ­იტ­ეტ­ული მე­თო­დო­ლო­გი­ური სა­კითხე­ბი, მიმ­დი­ნა­რე­ობს კო­მუ­ნი­კა­ცია სა­ერ­თა­შო­რი­სო ექ­სპერ­ტებ­თან, რომ­ლებ­თან კო­ლა­ბო­რა­ცი­ით ჩა­ტა­რე­ბუ­ლი ტრე­ნინ­გე­ბის სე­რია ხელს შე­უწყობს სტუ­დენ­ტზე ფო­კუ­სი­რე­ბუ­ლი თა­ნა­მედ­რო­ვე სას­წავ­ლო გა­რე­მოს შექ­მნას, აკ­ად­ემი­ური პერ­სო­ნა­ლის მი­ერ თა­ნა­მედ­რო­ვე მიდ­გო­მე­ბის გა­მო­ყე­ნე­ბას სა­მე­დი­ცი­ნო გა­ნათ­ლე­ბის სწავ­ლე­ბის პრო­ცეს­ში და უზ­რუნ­ველ­ყოფს სა­მე­დი­ცი­ნო გა­ნათ­ლე­ბის სა­ერ­თა­შო­რი­სო სტან­დარ­ტებ­თან სრულ შე­სა­ბა­მი­სო­ბას“, — გან­მარ­ტავს ნი­ნო ჩიხ­ლა­ძე.

მე­დი­ცი­ნის სა­გან­მა­ნათ­ლებ­ლო პროგ­რა­მის ხელ­მძღვა­ნელ­მა, ას­ოც­ირ­ებ­ულ­მა პრო­ფე­სორ­მა მაია ბიწ­კი­ნაშ­ვილ­მა და მე­დი­ცი­ნის ფა­კულ­ტე­ტის ხა­რის­ხის უზ­რუნ­ველ­ყო­ფის სამ­სა­ხუ­რის უფ­როს­მა, პრო­ფე­სორ­მა ნი­ნო ჩიხ­ლა­ძემ, 2019-2021 წლებ­ში, ევ­რო­პის სა­მე­დი­ცი­ნო გა­ნათ­ლე­ბის ას­ოცი­აცი­ის (AMEE – Association for Medical Education in Europe) ოთხი თე­მა­ტუ­რი ტრე­ნინგ პროგ­რა­მა გაიარეს, რო­მე­ლიც სა­მე­დი­ცი­ნო გა­ნათ­ლე­ბის მო­დერ­ნი­ზა­ცი­ის­ათ­ვის აუც­ილ­ებ­ელი სწავ­ლის, სწავ­ლე­ბი­სა და შე­ფა­სე­ბის თა­ნა­მედ­რო­ვე მე­თო­დე­ბის და­ნერ­გვის სა­კითხებს მო­იც­ავ­და. გა­მოც­დე­ბის წარ­მა­ტე­ბით დას­რუ­ლე­ბის შემ­დეგ მაია ბიწ­კი­ნაშ­ვილ­მა და ნი­ნო ჩიხ­ლა­ძემ სა­მე­დი­ცი­ნო გა­ნათ­ლე­ბის დარ­გში AMEE სპე­ცი­ალ­ის­ტის კვა­ლი­ფი­კა­ცია მო­იპ­ოვ­ეს.

„სა­მე­დი­ცი­ნო გა­ნათ­ლე­ბის მო­დერ­ნი­ზა­ცი­ის­თვის აუც­ილ­ებ­ელი გა­მოც­დი­ლე­ბის მი­ღე­ბა მნიშ­ვნე­ლოვ­ნად შე­უწყობს ხელს მე­დი­ცი­ნის ერ­თსა­ფე­ხუ­რი­ანი სა­გან­მა­ნათ­ლებ­ლო პროგ­რა­მა­ში სწავ­ლის, სწავ­ლე­ბი­სა და შე­ფა­სე­ბის თა­ნა­მედ­რო­ვე მე­თო­დო­ლო­გი­ის დახ­ვე­წა­სა და სა­მე­დი­ცი­ნო გა­ნათ­ლე­ბის ხა­რის­ხის გა­უმ­ჯო­ბე­სე­ბას“, — აღ­ნიშ­ნა­ვენ პრო­ფე­სო­რე­ბი.

ნა­ტო ობ­ოლ­აძე

გერ­მა­ნულ-ქარ­თუ­ლი სა­მეც­ნი­ერო პრო­ექ­ტი DAMAST-ის პირ­ვე­ლი ნა­წი­ლი დას­რუ­ლე­ბუ­ლია. სა­ქარ­თვე­ლო­ში ჰიდ­რო­ელ­ექ­ტრო­სად­გუ­რე­ბის უს­აფ­რთხო და ეფ­ექ­ტუ­რი მუ­შა­ობ­ის­თვის მო­ნი­ტო­რინ­გის უახ­ლე­სი სის­ტე­მა შე­მუ­შა­ვე­ბუ­ლია. 5 წლი­ანი კვლე­ვი­თი და სა­ვე­ლე სა­მუ­შაოების შე­დე­გად გერ­მა­ნელ­მა და ქარ­თველ­მა მეც­ნი­ერ­ებ­მა ენ­გურ­ჰეს­ზე ინ­ოვ­აცი­ური მო­ნი­ტო­რინ­გის ტექ­ნო­ლო­გი­ები და­ნერ­გეს — დაკ­ვირ­ვე­ბა ხმე­ლეთ­ზე, წყალ­ზე და კოს­მო­სი­დან უწყვეტ რე­ჟიმ­ში მიმ­დი­ნა­რე­ობს და მკვლევ­რებს ენ­გუ­რის კაშ­ხლის მდგო­მა­რე­ობ­ის შე­სა­ხებ ზუსტ მო­ნა­ცე­მებს აწ­ვდის.

„კაშ­ხა­ლი, რო­გორც წე­სი, ძველ­დე­ბა და ეს არ არ­ის სა­ოც­რე­ბა, ის ითხოვს რე­აბ­ილ­იტ­აცი­ას და რომ „ვუმ­კურ­ნა­ლოთ, სა­ჭი­როა და­ის­ვას დი­აგ­ნო­ზი, ამ­ის­ათ­ვის გერ­მა­ნე­ლებ­მა დი­დი ღვაწ­ლი გას­წი­ეს. DAMAST-ის 4 მი­ლი­ონი­ანი პრო­ექ­ტი გერ­მა­ნი­ის ფე­დე­რა­ცი­ული რეს­პუბ­ლი­კის გა­ნათ­ლე­ბი­სა და მეც­ნი­ერ­ებ­ის სა­მი­ნის­ტრომ სრუ­ლად და­აფ­ინ­ან­სა“, — ამ­ბობს თსუ გე­ოფ­იზ­იკ­ის ინ­სტი­ტუ­ტის მთა­ვა­რი მეც­ნი­ერ თა­ნამ­შრო­მე­ლი გია მე­ლი­ქა­ძე.

„ჩვე­ნი მი­ზა­ნია ჰიბ­რი­დუ­ლი, გა­ნახ­ლე­ბა­დი ენ­ერ­გო­სექ­ტო­რის გან­ვი­თა­რე­ბა ენ­ერ­გე­ტი­კუ­ლი და­მო­უკ­იდ­ებ­ლო­ბის­თვის. ეს არ­ის ის მზის პა­ნე­ლე­ბი, გე­ოთ­ერ­მუ­ლი წყლე­ბი, ქა­რი და მთა­ვა­რი — ჰიდ­რო­ელ­ექ­ტრო­სად­გუ­რე­ბი, რად­გან და­ნარ­ჩე­ნი სა­მი, ჯერ-ჯე­რო­ბით, ენ­ერ­გე­ტი­კა­ზე მნიშ­ვნე­ლო­ვან გავ­ლე­ნას ვერ მო­ახ­დენს“, — გან­მარ­ტავს პრო­ექტ DAMAST-ის კო­ორ­დი­ნა­ტო­რი, თსუ გე­ოფ­იზ­იკ­ის ინ­სტი­ტუ­ტის მეც­ნი­ერ თა­ნამ­შრო­მე­ლი ნი­ნო წე­რე­თე­ლი.

„მიმ­დი­ნა­რე პრო­ექ­ტის კომ­პლექ­სუ­რო­ბა მრა­ვალ საკ­ვან­ძო სა­კითხს მო­იც­ავს, რო­მე­ლიც აქ­ამ­დე არა მხო­ლოდ სა­ქარ­თვე­ლოს, არ­ამ­ედ კავ­კა­სი­ის და მიმ­დე­ბა­რე ქვეყ­ნე­ბის მას­შტა­ბი­თაც არ გან­ხორ­ცი­ელ­ებ­ულა. ის ენ­გურ­ჰე­სის თა­ღო­ვა­ნი კაშ­ხლის უს­აფ­რთხო ოპ­ერ­ირ­ებ­ას და შე­საძ­ლო რის­კე­ბის შე­ფა­სე­ბას ემ­სა­ხუ­რე­ბა თა­ნა­მედ­რო­ვე მულ­ტი­დის­ციპ­ლი­ნუ­რი მე­თო­დო­ლო­გი­ით. ცხა­დია, ამ მხრივ პრო­ექ­ტი უმ­ნიშ­ვნე­ლო­ვა­ნე­სია პრაქ­ტი­კულ ჭრილ­შიც“, — ამ­ბობს თსუ გე­ოფ­იზ­იკ­ის ინ­სტი­ტუ­ტის მეც­ნი­ერ თა­ნამ­შრო­მე­ლი და­ვით სვა­ნა­ძე.

DAMAST-ის პრო­ექ­ტი გერ­მა­ნი­ის ფე­დე­რა­ცი­ული რეს­პუბ­ლი­კის გა­ნათ­ლე­ბი­სა და მეც­ნი­ერ­ებ­ის სა­მი­ნის­ტროს და­ფი­ნან­სე­ბით გან­ხორ­ცი­ელ­და. გერ­მა­ნი­იდ­ან კვლე­ვით პრო­ცეს­ში კარ­ლსრუ­ეს ტექ­ნო­ლო­გი­ის ინ­სტი­ტუ­ტის მკვლევ­რე­ბი მო­ნა­წი­ლე­ობ­დნენ. პრო­ექ­ტში ქარ­თულ მხა­რეს თბი­ლი­სის სა­ხელ­მწი­ფო უნ­ივ­ერ­სი­ტე­ტის გე­ოფ­იზ­იკ­ის ინ­სტი­ტუ­ტი­სა და სა­ქარ­თვე­ლოს ტექ­ნი­კუ­რი უნ­ივ­ერ­სი­ტე­ტის მკვლევ­რე­ბი წარ­მო­ად­გენ­დნენ.

ინ­ოვ­აცი­ური მო­ნი­ტო­რინ­გის ტექ­ნო­ლო­გი­ები კომ­ბი­ნი­რე­ბუ­ლია — გან­მარ­ტა­ვენ მეც­ნი­ერ­ები — მი­ღე­ბუ­ლი დაკ­ვირ­ვე­ბე­ბის სა­ფუძ­ველ­ზე სცე­ნა­რუ­ლი მო­დე­ლე­ბის შე­მუ­შა­ვე­ბა ხდე­ბა, რო­გორც სე­ის­მუ­რო­ბის სივ­რცით-დრო­ითი გა­ნა­წი­ლე­ბის­თვის, ას­ევე კაშ­ხლი­სა და მიმ­დე­ბა­რე ტე­რი­ტო­რი­ის ლო­კა­ლუ­რი და რე­გი­ონ­ული დე­ფორ­მა­ცი­ის პრო­ცე­სე­ბის გან­ვი­თა­რე­ბის­თვის ხორ­ცი­ელ­დე­ბა სე­ის­მო­ლო­გი­ური, მე­ტე­ორ­ოლ­ოგი­ური, გე­ოდ­ეზი­ური და გე­ოლ­ოგი­ური მო­ნა­ცე­მე­ბის მო­პო­ვე­ბა, ტბის და­ნა­ლე­ქი­სა და კაშ­ხლის სტრუქ­ტუ­რა­ში გან­ხორ­ცი­ელ­ებ­ული ცვლი­ლე­ბე­ბის გა­ზომ­ვა, და­ხა­სი­ათ­ება. მო­ნი­ტო­რინ­გის ტექ­ნო­ლო­გი­ებ­ში გა­მო­იყ­ენ­ება დის­ტან­ცი­ური ზონ­დი­რე­ბის მე­თო­დი, გა­ზომ­ვე­ბი ჭა­ბურ­ღი­ლებ­ში, სე­ის­მუ­რი ჩა­ნა­წე­რე­ბი, სახ­მე­ლე­თო რა­დი­ოლ­ოკ­აცი­ური ინ­ტერ­ფე­რო­მეტ­რია, წყალ­ქვე­შა დრო­ნი, მრა­ვალ­სხი­ვი­ანი ბა­თი­მეტ­რია, მრა­ვალ­სიხ­ში­რუ­ლი ექ­ოლ­ოკ­ატ­ორი, და­ნა­ლე­ქის და­ხა­სი­ათ­ება და ახ­ალი მი­ნი-სენ­სო­რე­ბი.

„ენ­გურ­ჰე­სის 10 კი­ლო­მეტ­რი­ან რა­დი­უს­ში უნ­იკ­ალ­ური სე­ის­მუ­რი ქსე­ლია და­მონ­ტა­ჟე­ბუ­ლი. სულ 7 სად­გუ­რია, მათ­გან ერთ-ერ­თი აფხა­ზეთ­შია, რო­მე­ლიც ჩვენ­მა გერ­მა­ნელ­მა კო­ლე­გამ და­ამ­ონ­ტა­ჟა. 3 სად­გუ­რი 30 მეტ­რის სიღ­რმის ჭა­ბურ­ღილ­შია, მე­ხუ­თე — 250 მეტ­რი­ან ჭა­ბურ­ღილ­ში. ეს უნ­იკ­ალ­ური შემ­თხვე­ვაა, რად­გან არა თუ სა­ქარ­თვე­ლო­ში, არ­ამ­ედ მთელ პოსტ საბ­ჭო­თა სივ­რცე­შიც კი ას­ეთ სიღ­რმე­ზე სე­ის­მუ­რი აპ­არ­ატ­ურა სა­ერ­თოდ არ ყო­ფი­ლა და­მონ­ტა­ჟე­ბუ­ლი. ენ­გურ­ჰე­სის მარ­ცხე­ნა სა­ნა­პი­რო­ზე 300 მეტ­რი­ან და 90 მეტ­რი­ან ჭა­ბურ­ღი­ლებ­ში გან­თავ­სე­ბუ­ლია უნ­იკ­ალ­ური ბოჭ­კო­ვა­ნი სა­კა­ბე­ლო სის­ტე­მა, რო­მე­ლიც მიკ­რო მი­წის­ძვრებს იწ­ერს. ეს სრუ­ლი­ად ახ­ალი ტექ­ნო­ლო­გიაა და, სა­ქარ­თვე­ლოს გარ­და, მხო­ლოდ იტ­ალი­აშია გა­მო­ყე­ნე­ბუ­ლი. ეს სის­ტე­მა სე­ის­მურ სად­გუ­რებ­თან ერ­თად სა­შუ­ალ­ებ­ას გვაძ­ლევს ვა­კონ­ტრო­ლოთ — გა­რე­მო რამ­დე­ნად სე­ის­მუ­რად აქ­ტი­ურია. მიკ­რო მი­წის­ძვრებს, რო­მელ­საც აქ ვაკ­ვირ­დე­ბით, ვერ აფ­იქ­სი­რებს ნა­ცი­ონ­ალ­ური ქსე­ლი", — ამ­ბობს ნი­ნო წე­რე­თე­ლი.

ენ­გურ­ჰე­სის აუზ­ის ირ­გვლივ უნ­იკ­ალ­ური გე­ოფ­იზ­იკ­ური კვლე­ვე­ბი გან­ხორ­ცი­ელ­და. მეც­ნი­ერ­ებ­მა მთლი­ან­ად შე­ის­წავ­ლეს სამ­გან­ზო­მი­ლე­ბი­ანი რე­ლი­ეფი. თა­ღო­ვა­ნი კაშ­ხლის და ენ­გუ­რის რღვე­ვის სი­ახ­ლო­ვეს გან­თავ­სე­ბუ­ლია 6 მუდ­მივ­მოქ­მე­დი გლო­ბა­ლუ­რი ნა­ვი­გა­ცი­ის სა­ტე­ლი­ტუ­რი სის­ტე­მა (GNSS) — დაკ­ვირ­ვე­ბის სად­გუ­რე­ბი, რომ­ლე­ბიც აღ­ჭურ­ვი­ლია მსოფ­ლი­ოში ლი­დე­რი კომ­პა­ნია Leica-ის აპ­არ­ატ­ურ­ით. მუდ­მივ­მოქ­მე­დი გლო­ბა­ლუ­რი პო­ზი­ცი­ონ­ირ­ებ­ის სის­ტე­მე­ბის გა­მო­ყე­ნე­ბით მო­ნი­ტო­რინ­გის პა­რა­ლე­ლუ­რად, წე­ლი­წად­ში ორ­ჯერ, ენ­გურ­ჰეს­ში წყლის მაქ­სი­მა­ლუ­რი და მი­ნი­მა­ლუ­რი ნიშ­ნუ­ლის მი­ხედ­ვით მიმ­დი­ნა­რე­ობს 10 გე­ოდ­ეზი­ურ წერ­ტილ­ში დაკ­ვირ­ვე­ბა. წერ­ტი­ლე­ბი ისეა გან­თავ­სე­ბუ­ლი, რომ ენ­გურ­ჰე­სის თა­ღო­ვა­ნი კაშ­ხლის მიმ­დე­ბა­რე ლო­კა­ლუ­რი ტექ­ტო­ნი­კუ­რი ერ­თე­ულ­ებ­ის მოძ­რა­ობ­ის შე­ფა­სე­ბა შე­საძ­ლე­ბე­ლი ხდე­ბა.

„ამ ეტ­აპ­ზე უკ­ვე და­მონ­ტა­ჟე­ბუ­ლია, რო­გორც გითხა­რით, 6 მუდ­მივ­მოქ­მე­დი და 10 პე­რი­ოდ­ული მო­ნი­ტო­რინ­გის გე­ოდ­ეზი­ური წერ­ტი­ლი; და­მა­ტე­ბით — ინ­ტერ­ფე­რო­მეტ­რი­ული რა­და­რის 4 სა­მო­ნი­ტო­რინ­გო წერ­ტი­ლი კაშ­ხლის სი­ახ­ლო­ვეს. მიმ­დი­ნა­რე­ობს მუდ­მი­ვი მო­ნი­ტო­რინ­გი რო­გორც ტექ­ტო­ნი­კუ­რი ერ­თე­ულ­ებ­ის რხე­ვა­ზე ან გა­და­ად­გი­ლე­ბა­ზე, ას­ევე კაშ­ხლის ტა­ნის ვიბ­რა­ცი­ებ­ზე. ლო­კა­ლუ­რი ტექ­ტო­ნი­კუ­რი ერ­თე­ულ­ებ­ის ქცე­ვა ენ­გურ­ჰე­სის წყალ­სა­ცავ­ში წყლის დო­ნის ცვა­ლე­ბა­დო­ბას­თან პა­რა­ლე­ლუ­რად რომ დად­გინ­დეს და ამ პრო­ცე­სის რე­ალ­ური გა­მომ­წვე­ვი მი­ზე­ზი გა­ვი­გოთ, სა­ჭი­როა უფ­რო ხან­გრძლი­ვი პე­რი­ოდ­ის მო­ნი­ტო­რინ­გი, თუმ­ცა პირ­ვე­ლი წლის მო­ნი­ტო­რინ­გით ჩანს, რომ მუდ­მივ­მოქ­მე­დი GNSS გლო­ბა­ლუ­რი პო­ზი­ცი­ონ­ირ­ებ­ის სის­ტე­მე­ბის წერ­ტი­ლე­ბი გარ­კვე­ულ რე­აგ­ირ­ებ­ას ახ­დე­ნენ წყლის დო­ნის ცვა­ლე­ბა­დო­ბის პა­რა­ლე­ლუ­რად“, — ამ­ბობს და­ვით სვა­ნა­ძე.

კვლე­ვის პირ­ვე­ლა­დი შე­დე­გე­ბი ას­ეთია: იმ შემ­თხვე­ვა­ში, თუ კაშ­ხალ­ში შე­ტა­ნი­ლი ნა­ტა­ნის გა­ტა­ნა არ მოხ­დე­ბა, ენ­გურ­ჰე­სი მომ­დევ­ნო 30 წლის შემ­დეგ მუ­შა­ობ­ას შეწყვეტს, ეს კი ნიშ­ნავს, რომ სა­ქარ­თვე­ლოს ენ­ერ­გო­სის­ტე­მა, და­ახ­ლო­ებ­ით, 40%-ით შემ­ცირ­დე­ბა, რაც ენ­ერ­გო­კო­ლაფ­სს უდ­რის. თსუ-ის გე­ოფ­იზ­იკ­ის ინ­სტი­ტუ­ტის მკვლე­ვა­რი ნი­ნო წე­რე­თე­ლი ამ­ბობს, რომ ენ­გურ­ჰეს­ზე მო­ნი­ტო­რინ­გის უწყვე­ტო­ბი­სა და შე­ტა­ნი­ლი ნა­ტა­ნის გა­ტა­ნის გეგ­მე­ბის შე­სა­მუ­შა­ვებ­ლად გერ­მა­ნულ მხა­რეს­თან თა­ნამ­შრომ­ლო­ბის გაგ­რძე­ლე­ბა აუც­ილ­ებ­ელია, რაც დღის წეს­რიგ­ში უკ­ვე დგას და აქ­ტი­ურ­ად გა­ნი­ხი­ლე­ბა. გერ­მა­ნი­აში ვი­ზი­ტი­სას DAMAST-ის მო­ნა­წი­ლე ქარ­თვე­ლი მკვლევ­რე­ბის ან­გა­რი­ში გერ­მა­ნი­ის გა­ნათ­ლე­ბი­სა და მეც­ნი­ერ­ებ­ის სა­მი­ნის­ტრო­ში და­დე­ბი­თად შე­ფას­და, რაც თა­ნამ­შრომ­ლო­ბის გაგ­რძე­ლე­ბის წი­ნა­პი­რო­ბა გახ­და.

„მთა­ვა­რი ამ­ოც­ანაა დი­დი ჰე­სე­ბის რე­აბ­ილ­იტ­აცია და მა­თი სი­ცოცხლის გა­ხან­გრძლი­ვე­ბა. ენ­გურ­ჰე­სი უნ­იკ­ალ­ურია და მათ­თვის იმ მხრივ არ­ის სა­ინ­ტე­რე­სო, რომ პრაქ­ტი­კუ­ლად თვი­თონ დიდ გა­მოც­დი­ლე­ბას იღ­ებ­ენ, რად­გან გერ­მა­ნი­ას მი­სი ლან­დშაფ­ტი არ აძ­ლევს დი­დი ჰე­სე­ბის აშ­ენ­ებ­ის სა­შუ­ალ­ებ­ას, თუმ­ცა სა­შუ­ალო ჰე­სე­ბი საკ­მა­ოდ ბევ­რი აქ­ვთ. ამ მი­მარ­თუ­ლე­ბით მუ­შა­ობა, გარ­კვე­ული პე­რი­ოდ­ით, შე­ჩე­რე­ბუ­ლი ჰქონ­დათ, თუმ­ცა ახ­ლა აპ­ირ­ებ­ენ — გა­ნა­ვი­თა­რონ. გერ­მა­ნულ მხა­რეს­თან შეხ­ვედ­რა­ზე გა­მო­ით­ქვა მო­საზ­რე­ბა, რომ პრო­ექ­ტი გაგ­რძელ­დეს. და­საწყი­სის­თვის სა­ჭი­როა კონ­ცეფ­ცი­ის შე­მუ­შა­ვე­ბა, თუ რო­გორ მოხ­დე­ბა ენ­გურ­ჰე­სი­დან ნა­ტა­ნის გა­ტა­ნა. მო­გეხ­სე­ნე­ბათ, რომ ნენ­სკრა ჰე­სის მშე­ნებ­ლო­ბა და­იწყო და გა­ჩერ­და, თუმ­ცა სა­მუ­შაოების გაგ­რძე­ლე­ბა­ზე სა­უბ­რე­ბი მიმ­დი­ნა­რე­ობს. DAMAST-ის პრო­ექ­ტი მომ­დევ­ნო ორი წლის გან­მავ­ლო­ბა­ში ამ მი­მარ­თუ­ლე­ბით გაგ­რძელ­დე­ბა. გერ­მა­ნუ­ლი მხა­რის მხარ­და­ჭე­რით სა­ქარ­თვე­ლო­ში შე­მო­ვა 10 სე­ის­მუ­რი სად­გუ­რი, აქ­ედ­ან 5 უშუ­ალ­ოდ ჰე­სის ირ­გვლივ და­მონ­ტაჟ­დე­ბა, ხუ­თი კი — ცენ­ტრა­ლუ­რი სა­ქარ­თვე­ლოს რე­გი­ონ­ში, რა­თა შორ მან­ძილ­ზეც და­იწყოს მო­ნი­ტო­რინ­გი. ას­ევე და­იწყე­ბა გე­ოდ­ეზი­ური სა­მუ­შაოებიც. შე­სა­ბა­მი­სად, რო­დე­საც ნენ­სკრა ჰე­სის მშე­ნებ­ლო­ბა და­იწყე­ბა, ჩვენ უკ­ვე გვექ­ნე­ბა წი­ნას­წა­რი მო­ნა­ცე­მე­ბი არ­სე­ბუ­ლი მდგო­მა­რე­ობ­ის შე­სა­ხებ“, — ამ­ბობს ნი­ნო წე­რე­თე­ლი.

სა­ქარ­თვე­ლო­ში ენ­ერ­გე­ტი­კის გან­ვი­თა­რე­ბის მიზ­ნით გერ­მა­ნი­ის ფე­დე­რა­ცი­ული რეს­პუბ­ლი­კის გა­ნათ­ლე­ბი­სა და მეც­ნი­ერ­ებ­ის სა­მი­ნის­ტრო ქარ­თულ მხა­რეს­თან თა­ნამ­შრომ­ლო­ბას კომ­პლექ­სურ ჭრილ­ში გეგ­მავს. კვლე­ვი­სა და კვლე­ვის შე­დე­გე­ბის პრაქ­ტი­კუ­ლი გა­მო­ყე­ნე­ბის გარ­და, თა­ნამ­შრომ­ლო­ბა გა­ნათ­ლე­ბის სფე­რო­შიც ღრმავ­დე­ბა. დე­და­მი­წის შემ­სწავ­ლე­ლი მეც­ნი­ერ­ებ­ებ­ის მი­მარ­თუ­ლე­ბით სა­ქარ­თვე­ლო­ში ცოდ­ნის ტრან­სფე­რის გა­სა­აქ­ტი­ურ­ებ­ლად ახ­ალი პრო­ექ­ტი DAAD-SDG და­იწყო, რაც თსუ-ს და სა­ქარ­თვე­ლოს ტექ­ნი­კუ­რი უნ­ივ­ერ­სი­ტე­ტის სტუ­დენ­ტე­ბის, დოქ­ტო­რან­ტე­ბი­სა და პოს­ტდოქ­ტო­რან­ტე­ბის გერ­მა­ნი­ის ტექ­ნო­ლო­გი­ურ უნ­ივ­ერ­სი­ტეტ­ში სას­წავ­ლო-კვლე­ვით მო­ბი­ლო­ბა­სა და სას­წავ­ლო-სა­მეც­ნი­ერო სა­ზაფხუ­ლო სკო­ლე­ბის ორ­გა­ნი­ზე­ბას ით­ვა­ლის­წი­ნებს.

„ტექ­ნი­კურ უნ­ივ­ერ­სი­ტეტ­ში ჰე­სე­ბის შემ­სწავ­ლე­ლი ცალ­კე მი­მარ­თუ­ლე­ბაა გან­ვი­თა­რე­ბუ­ლი, ამ­იტ­ომ ჩვე­ნი ერ­თობ­ლი­ვი მო­ნა­წი­ლე­ობა ძა­ლი­ან მნიშ­ვნე­ლო­ვა­ნია. სა­ქარ­თვე­ლოს სჭირ­დე­ბა ენ­ერ­გო­სექ­ტო­რის გან­ვი­თა­რე­ბა, DAAD-SDG კი მორ­გე­ბუ­ლია ახ­ალ­გაზ­რდებ­ზე და ახ­ალ­გაზ­რდა მეც­ნი­ერ­ებ­ის ტრე­ნინ­გებ­ზე, ერ­თობ­ლივ კვლე­ვით პრო­ექ­ტებ­ზე, რაც მნიშ­ვნე­ლოვ­ნად შე­უწყობს ხელს ქარ­თულ ენ­ერ­გო­სექ­ტორ­ში კვა­ლი­ფი­ცი­ური კად­რე­ბის მომ­ზა­დე­ბას“, — გან­მარ­ტავს ნი­ნო წე­რე­თე­ლი.

DAMAST-ის პრო­ექ­ტის მა­გა­ლით­ზე მეც­ნი­ერ­ებ­მა, ზო­გა­დად, ტექ­ტო­ნი­კუ­რად აქ­ტი­ურ რე­გი­ონ­ებ­ში არ­სე­ბულ ჰე­სებ­ზე ეფ­ექ­ტუ­რი მო­ნი­ტო­რინ­გის კონ­ცეფ­ცი­ები შე­იმ­უშ­ავ­ეს, რაც მნიშ­ვნე­ლოვ­ნად გააუმჯობესებს რის­კის მე­ნეჯ­მენ­ტს ად­რე­ული გა­მაფ­რთხი­ლე­ბე­ლი სის­ტე­მის სა­შუ­ალ­ებ­ით. შე­სა­ბა­მი­სად, მეც­ნი­ერ­ები პრო­ექ­ტის შე­დე­გებს მსგავ­სი ალ­პუ­რი და სე­ის­მუ­რად აქ­ტი­ური სხვა რე­გი­ონ­ებ­ის­თვი­საც გა­მო­იყ­ენ­ებ­ენ.

"მეწარმეობა და ბიზნეს საქმიანობა" (ძირითადი საკითხები)
თუ ხარ დაინტერესებული ბიზნესის საკითხებით
გაინტერესებს როგორ წამოიწყო ბიზნეს საქმიანობა? რა ნაბიჯები უნდა გადაიდგას სტარტაპის განსავითარებლად? მაშინ ეს შეთავაზება და ტრენინგი შენთვის არის. 
ტრენინგი განკუთვნილია მათთვის, ვისაც აინტერესებს სტარტაპ სფეროში ჩართულობა, სურს წამოიწყოს საკუთარი ბიზნესი ან აპირებს თავისი მომავალი დაუკავშიროს ამ სფეროს. ტრენინგი საშუალებას მოგცემთ, განსაზღვროთ თქვენთვის პრიორიტეტული მიმართულება, პირველადი საჭიროებები, სწორი დაგეგმვა და ბაზრის კვლევის წარმოება. 
ტრენინგს გაუძღვება მარიამ მურჯიკნელი - თსუ ფსიქოლოგიისა და განათლების მეცნიერებათა ფაკულტეტის "განათლების მეცნიერებების" დოქტორანტი
(შეთავაზება უფასოა)
შეხვედრები წარიმართება 13 მაისიდან 3 ივნისის ჩათვლით, ყოველ პარასკევს 20:00 საათზე დისტანციურად, ZOOM პლატფორმის გამოყენებით. 

რეგისტრაცია 2 მაისი - 10 მაისი (18:00)

>>> სარეგისტრაციო ბმული <<< 

ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის კრიმინოლოგიის სამეცნიერო - კვლევითი ინსტიტუტისა და საქართველოს გენერალური პროკურატურის მიერ დაარსდა ,,საპროკურორო სამართლისა და დანაშაულის პრევენციის“  სამეცნიერო-პრაქტიკული ელექტრონული ჟურნალი. იხ. ვრცლად. 

„ქრის­ტე აღ­სდგა“ თუ — „ქრის­ტე აღ­დგა“? — ეს კითხვა პე­რი­ოდ­ულ­ად და­ვის საგ­ნად იქ­ცე­ვა ხოლ­მე სა­მეც­ნი­ერო სივ­რცე­სა თუ ფარ­თო სა­ზო­გა­დო­ებ­აში, გა­ნი­ხი­ლე­ბა პრე­სის ფურ­ცლებ­სა და სო­ცი­ალ­ურ ქსე­ლებ­ში.

ამ სა­კა­მა­თო კონ­ტექ­სტთან და­კავ­ში­რე­ბუ­ლი ყვე­ლა — ძვე­ლი თუ ახ­ალი მო­საზ­რე­ბა შე­იძ­ლე­ბა სამ ჯგუ­ფად და­იყ­ოს:

1. „თა­ნა­მედ­რო­ვე ქარ­თუ­ლი სა­ლი­ტე­რა­ტუ­რო ენ­ის ნორ­მებ­ში“ „ქრის­ტე აღ­დგა“ ფორ­მის პა­რა­ლე­ლუ­რად, გა­მო­ნაკ­ლი­სის სა­ხით, და­საშ­ვე­ბა­დაა მიჩ­ნე­ული „ქრის­ტე აღ­სდგა“, რო­გორც ძველ და ახ­ალ წე­რი­ლო­ბით ძეგ­ლებ­ში და სა­ეკ­ლე­სიო მსა­ხუ­რე­ბა­ში ტრა­დი­ცი­ულ­ად და­დას­ტუ­რე­ბუ­ლი ფორ­მა (ა. შა­ნი­ძე, ბ. ფოჩხუა, შ. აფ­რი­დო­ნი­ძე...). აღ­ნიშ­ნუ­ლი ფორ­მის გა­მო­ყე­ნე­ბა მორ­წმუ­ნის „სუ­ბი­ექ­ტუ­რი არ­ჩე­ვა­ნის" სა­კითხა­დაა ჩათ­ვლი­ლი.

2. „ქრის­ტე აღ­სდგა“ და­საშ­ვე­ბია, რო­გორც ფა­კულ­ტა­ტუ­რი სა­შუ­ალ­ება, რო­მე­ლიც ერ­თი სიტყვის გან­სხვა­ვე­ბულ მნიშ­ვნე­ლო­ბა­თა („გა­ცოცხლე­ბა, გა­ნახ­ლე­ბა, აღ­ორ­ძი­ნე­ბა“; ას­ევე, ემ­ოცი­ური გან­წყო­ბა) ფორ­მობ­რი­ვად გარ­ჩე­ვის ფუნ­ქცი­ას ას­რუ­ლებს (ბ. ჯორ­ბე­ნა­ძე, ჟ. ფე­იქ­რიშ­ვი­ლი, ტ. ფუტ­კა­რა­ძე...).

3. „ქრის­ტე აღ­სდგა“ და­უშ­ვე­ბე­ლია, რო­გორც არ­ას­წო­რი, მცდა­რი ფორ­მა (ლ. ღვინ­ჯი­ლია).

ყვე­ლა ამ გან­სხვა­ვე­ბულ მო­საზ­რე­ბას ერ­თი რამ აერ­თი­ან­ებს: კერ­ძოდ, მო­ცე­მულ კონ­ტექ­სტში აღ­სდგა ფორ­მა ერ­თპი­რი­ან­ადაა კვა­ლი­ფი­ცი­რე­ბუ­ლი და, აქ­ედ­ან გა­მომ­დი­ნა­რე, ს — პრე­ფიქ­სი ზედ­მე­ტად და გრა­მა­ტი­კუ­ლი წე­სი­დან გა­დახ­ვე­ვად არ­ის მიჩ­ნე­ული. ამ „შეც­დო­მას" კი, ჩვე­ულ­ებ­რივ, იმ­ით ხსნი­ან, რომ ს — პრე­ფიქ­სი ამ შემ­თხვე­ვა­ში ფორ­მა­ლუ­რი დი­ფე­რენ­ცი­რე­ბი­სათ­ვის, სტი­ლის­ტუ­რი და­ნიშ­ნუ­ლე­ბით, „სამ­კა­ულ­ადაა“ ნახ­მა­რი, რა­თა ქრის­ტეს ღვთა­ებ­რი­ვი, სას­წა­ულ­ებ­რი­ვი „აღ­დგო­მა" ჩვე­ულ­ებ­რი­ვი, ად­გი­ლი­დან ად­გო­მი­სა­გან გან­სხვავ­დეს.

სა­კა­მა­თო კონ­ტექ­სტში ერ­თპი­რი­ანი ფორ­მა — „აღ­დგა", ცხა­დია, ვერ გად­მოს­ცემს მაცხოვ­რის აღ­დგო­მის უნ­იკ­ალ­ურ­სა და სას­წა­ულ­ებ­რივ მოვ­ლე­ნას, რომ­ლის გა­მო­ხატ­ვა შე­საძ­ლე­ბე­ლია მხო­ლოდ და მხო­ლოდ ქარ­თუ­ლი ორ­პი­რი­ანი აღ-ს-დგა ზმნის სა­შუ­ალ­ებ­ით: ამ­იტ­ომ­აცაა, რომ სწო­რედ ამ ენ­ის მფლო­ბე­ლი ჭეშ­მა­რი­ტი მორ­წმუ­ნის „სუ­ბი­ექ­ტუ­რი არ­ჩე­ვა­ნი“ აღ­სდგა ფორ­მის სა­სარ­გებ­ლოდ ეყ­რდნო­ბა მის ში­ნა­გან გან­წყო­ბას, ინ­ტუ­იცი­ას, რო­მე­ლიც სუ­ლი­ერ მოვ­ლე­ნებს გა­ნარ­ჩე­ვი­ნებს ფი­ზი­კუ­რი მოვ­ლე­ნე­ბი­სა­გან.

ამ­გვა­რად, მაცხოვ­რის, ქრის­ტეს აღ­დგო­მის საკ­რა­ლუ­რი მოვ­ლე­ნის ენ­ობ­რი­ვი ნიშ­ნით გა­ფორ­მე­ბა მხო­ლოდ ქარ­თუ­ლი მრა­ვალ­პი­რი­ანი სტრუქ­ტუ­რის ზმნას შე­უძ­ლია: ქარ­თვე­ლი მთარ­გმნე­ლის მი­ერ ეს სა­იდ­უმ­ლო ში­ნა­გა­ნად იმ­დე­ნად ღრმად იყო გაც­ნო­ბი­ერ­ებ­ული, რომ იგი, რა თქმა უნ­და, გა­მო­იყ­ენ­ებ­და ქარ­თუ­ლი ზმნის შე­საძ­ლებ­ლო­ბებს და ს — პრე­ფიქ­სის დახ­მა­რე­ბით გა­მო­ხა­ტავ­და იმ უნ­იკ­ალ­ურ მოვ­ლე­ნას, რო­მელ­საც მაცხოვ­რის, ქრის­ტეს მკვდრე­თით ამ ქვე­ყა­ნას აღ­დგო­მის სა­იდ­უმ­ლო ჰქვია: ქრის­ტე აღ-ს-დგ-ა.

შე­სიტყვე­ბა „ქრის­ტე აღ­სდგა" რწმე­ნის ქვა­კუთხედს წარ­მო­ად­გენს, იგი ქრის­ტე — მაცხოვ­რის ქვეს­კნე­ლი­დან, ჯო­ჯო­ხე­თი­დან ამ ქვე­ყა­ნა­ზე აღ­დგო­მის სა­იდ­უმ­ლოს გა­მო­ხა­ტავს და ინ­ახ­ავს.

ქარ­თუ­ლი ენა „იმ­არ­ხავს“ ყვე­ლა იმ სა­იდ­უმ­ლოს, რო­მე­ლიც მოიაზრება იოანე ზო­სი­მეს ცნო­ბილ ჰიმ­ნოგ­რა­ფი­ულ თხზუ­ლე­ბა­ში — „ქე­ბაი და დი­დე­ბაი ქარ­თუ­ლი­სა ენ­ისაი“. ამ სა­იდ­უმ­ლო­თა შო­რის არ­ის ქრის­ტეს აღ­დგო­მის დოგ­მა­ტის სა­იდ­უმ­ლოც, რომ­ლის ენ­ობ­რი­ვი ფორ­მით გა­მო­ხატ­ვა შე­საძ­ლე­ბე­ლი გახ­და ქარ­თუ­ლი ან­ალ­იზ­ური და სინ­თე­ზუ­რი აზ­როვ­ნე­ბის მი­ერ შექ­მნი­ლი პო­ლი­პერ­სო­ნა­ლუ­რი ზმნის სა­შუ­ალ­ებ­ით.

და­მა­ნა მე­ლი­ქიშ­ვი­ლი

თსუ ემ­ერ­იტ­უსი პრო­ფე­სო­რი

გე­ლა­თის მეც­ნი­ერ­ებ­ათა აკ­ად­ემი­ის აკ­ად­ემ­იკ­ოსი

(ვრცე­ლი ვა­რი­ან­ტი იხ. და­მა­ნა მე­ლი­ქიშ­ვი­ლი, გე­ლა­თის მეც­ნი­ერ­ებ­ათა აკ­ად­ემი­ის შრო­მე­ბი, ტ. VII, 2021)

თსუ ჰუმანიტარულ მეცნიერებათა ფაკულტეტი 2-3 ნოემბერს  გამართავს თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის აღმოსავლეთმცოდნეობის ს/ს ინსტიტუტის არმენოლოგიის კათედრის დაარსების მე-100 წლისთავისადმი მიძღვნილ სამეცნიერო  კონფერენციას  (თემატიკა – ქართულ-სომხური ისტორია-ფილოლოგია, ქართველოლოგია).

იმუშავებს შემდეგი სექციები:

ისტორია და ისტორიოგრაფია

ლიტერატურათმცოდნეობა

წყაროთმცოდნეობა

კულტურის კვლევები

ხელოვნებათმცოდნეობა

არქივმცოდნეობა

კონფერენციის რეგლამენტი:

მოხსენება – 20 წუთი.

მსჯელობა – 10 წუთი.

კონფერენციაში მონაწილეობის ფორმატი: მოხსენება.

კონფერენციაში მონაწილეობის მსურველებმა 2022 წლის 15 სექტემბრამდე უნდა გამოგზავნონ მოხსენების სათაური,  ხოლო 10 ოქტომბრამდე – სტატია  ელექტრონული ფოსტის მისამართზე: conference.hum@tsu.ge

იხ. სტატიების გაფორმების წესი.

სტატიების კრებული განთავსდება თსუ-ს ბიბლიოთეკის რეპოზიტორზე.

საკონტაქტო პირები: ასოც. პროფესორი ნათია ჩანტლაძე და ასოც. პროფესორი ეკატერინე ნავროზაშვილი

თა­მარ და­დი­ანი

და­სავ­ლუ­რი ფი­ლო­სო­ფი­ით და­ინ­ტე­რე­სე­ბულ მკითხველ­თა თა­როს კლა­სი­კუ­რი ხა­ნის ბერ­ძე­ნი ფი­ლო­სო­ფო­სის — პლა­ტო­ნის ტრი­ლო­გია — თე­ეტ­ეტ­ოსი სო­ფის­ტი პო­ლი­ტი­კო­სი (ძველ­ბერ­ძნულ-ქარ­თუ­ლი გა­მო­ცე­მა) შე­ემ­ატა შე­სავ­ლი­თა და კო­მენ­ტა­რე­ბით. აღ­სა­ნიშ­ნა­ვია, რომ წიგ­ნი პირ­ვე­ლად გა­მო­ვი­და ქარ­თულ ენ­აზე. წიგ­ნი ძვე­ლი ბერ­ძნუ­ლი­დან თარ­გმნა, შე­სა­ვა­ლი და კო­მენ­ტა­რე­ბი და­ურ­თო თბი­ლი­სის სა­ხელ­მწი­ფო უნ­ივ­ერ­სი­ტე­ტის მკვლე­ვარ­მა და მოწ­ვე­ულ­მა ლექ­ტორ­მა, ფი­ლო­ლო­გი­ის დოქ­ტორ­მა მაია შუ­ხოშ­ვილ­მა.

პლა­ტო­ნი (ძვ. წ. 429/8 -347/6 წწ.) ერთ-ერ­თი ყვე­ლა­ზე გავ­ლე­ნი­ანი კლა­სი­კუ­რი ხა­ნის ბერ­ძე­ნი ფი­ლო­სო­ფო­სია, რო­მე­ლიც გა­ნუ­ხორ­ცი­ელ­ებ­ელი იდე­ალ­ებ­ის მქო­ნე მო­აზ­როვ­ნე იყო. მი­სი შრო­მე­ბი დი­ალ­ოგ­ებ­ის ფორ­მით არ­ის და­წე­რი­ლი. ეს დი­ალ­ოგ­ები ძლი­ერია ფორ­მი­თაც და ში­ნა­არ­სი­თაც. პლა­ტონს ფი­ლო­სო­ფია მი­აჩ­ნდა ძი­ებ­ად და არა დას­რუ­ლე­ბულ, რე­ზულ­ტა­ტე­ბის მომ­ცემ მეც­ნი­ერ­ებ­ად. პლა­ტო­ნი ერ­თდრო­ულ­ად მო­აზ­როვ­ნეც არ­ის და შე­მოქ­მე­დიც. მი­სი ქმნი­ლე­ბე­ბი სა­ინ­ტე­რე­სოა, რო­გორც ფი­ლო­სო­ფი­ური, ას­ევე, მხატ­ვრუ­ლი თვალ­საზ­რი­სით. ჩვე­ნამ­დე პლა­ტო­ნის ოც­და­ათ­ამ­დე დი­ალ­ოგი და 13 წე­რი­ლია შე­მორ­ჩე­ნი­ლი, მათ შო­რი­საა: „ფე­დო­ნი“, „ნა­დი­მი“, „სა­ხელ­მწი­ფო“, „პარ­მე­ნი­დე“, „ად­რე­ული დი­ალ­ოგ­ები“ და სხვა.

„თე­ეტ­ეტ­ოსი“ პლა­ტო­ნის შუა პე­რი­ოდ­ის დი­ალ­ოგ­ებ­იდ­ან ერთ-ერ­თი უკ­ან­ას­კნე­ლია, „სო­ფის­ტი“ და „პო­ლი­ტი­კო­სი“ კი გვი­ან­დელ პე­რი­ოდს მი­ეკ­უთ­ვნე­ბა. თი­თოეული ეს დი­ალ­ოგი მიზ­ნად ის­ახ­ავს გან­მარ­ტოს — თუ რა არ­ის ცოდ­ნა, ვინ არ­ის სო­ფის­ტი და ვინ არ­ის პო­ლი­ტი­კო­სი. მეც­ნი­ერ­ები ამ დი­ალ­ოგ­ებს ხში­რად პლა­ტო­ნის ერ­თი­ან პრო­ექ­ტად მო­აზ­რე­ბენ, რო­მე­ლიც უნ­და დაგ­ვირ­გვი­ნე­ბუ­ლი­ყო დი­ალ­ოგ­ით „ფი­ლო­სო­ფო­სი“ — იმ დი­ალ­ოგ­ით, რო­მე­ლიც პლა­ტონს არ­ას­ოდ­ეს და­უწ­ერია.

ეს სა­მი ნა­წარ­მო­ები ერ­თმა­ნეთ­თან თე­მა­ტურ და დრა­მა­ტულ კავ­შირ­შია და ერ­თი­ან­ობ­აში წარ­მო­ად­გენს პლა­ტო­ნის მო­წი­ფუ­ლო­ბის ხა­ნის მო­საზ­რე­ბებს ეპ­ის­ტე­მო­ლო­გი­ის, მე­ტა­ფი­ზი­კი­სა და პო­ლი­ტი­კის მი­მარ­თუ­ლე­ბით.

წიგ­ნი გა­მო­იცა ალ­ექ­სან­დრე ალ­ექ­სი­ძის სა­ხე­ლო­ბის ქარ­თულ-ბერ­ძნუ­ლი ურ­თი­ერ­თო­ბე­ბის გან­ვი­თა­რე­ბის ფონ­დის მი­ერ, მწე­რალ­თა სახ­ლის მხარ­და­ჭე­რით.

ივანე ჯავახიშვილის სახელობის თბილისის სახელმწიფო უნივერსიტეტში ქართული ენის კვირეული მხატვარ ლევან დავითანის ნამუშევრების გამოფენით ,,დასურათებული ფსალმუნი’’ გაიხსნა.
 

„1978 წლის 14 აპრილი იყო მნიშვნელოვანი არა მხოლოდ ჩვენი ქვეყნისთვის, არამედ მთელი საბჭოთა სივრცისთვის, რადგან სწორედ ამ დღიდან დაიწყო საბჭოთა კავშირის რეალური რღვევა, როდესაც გაერთიანდა ქართველი ერი და დაანახა მთელ მსოფლიოს, რომ გამარჯვება შესაძლებელია“ - აღნიშნა კვირეულის გახსნაზე თსუ რექტორმა გიორგი შარვაშიძემ. მისი თქმით, მნიშვნელოვანია, რომ უნივერსიტეტში ასე აღინიშნება ქართული ენის კვირეული, რადგან 1978 წელს დემონსტრაცია მთავრობის სასახლისკენ სწორედ უნივერსიტეტიდან დაიწყო. 
 

მხატვარ ლევან დავითიანის მიერ შესრულებული „დასურათებული ფსალმუნი“ რვეულებადაა დაშლილი და გამოფენაზე გაშლილ მდგომარეობაშია წარმოდგენილი. გამოფენის შემდგომ ავტორი ნამუშევრებს დასრულებულ სახეს მისცემს და წიგნად აქცევს. ფსალმუნზე მუშაობა მხატვარმა 2011 წელს დაიწყო და 10 წლის განმავლობაში მუშაობდა მასზე. ხელნაწერის დასურათება გამოირჩევა ჟანრობრივი მრავალფეროვნებითა და მაღალმხატვრული გადაწყვეტით. შესრულებისას გამოყენებულია ბუნებრივი საღებავები და ოქრო. თსუ I კორპუსის ფოიეში გამოფენილი ნამუშევრების  დათვალიერება მნახველებს ორი დღის განმავლობაში შეუძლიათ.
 

თსუ ბიბლიოთეკამ ლევან დავითიანის ნამუშევრებთან ერთად გამოფენაზე უნივერსიტეტის ბიბლიოთეკაში დაცული სხვადასხვა წლებში გამოცემული ფსალმუნები წარმოადგინა, რომელთაგან ერთ-ერთი 1709 წელს ვახტანგ VI-ის სტამბაშია დაბეჭდილი. „აღსანიშნავია, რომ ამ გამოცემის მხოლოდ სამი ეგზემპლარია შემორჩენილი. ერთი დაცულია პარიზში, მეორე საქართველოს პარლამენტის ეროვნულ ბიბლიოთეკაში და მესამე თბილისის სახელმწიფო უნივერსიტეტის ბიბლიოთეკაში და მას მინიჭებული აქვს კულტურული მემკვიდრეობის ძეგლის სტატუსი,“-განაცხადა თსუ ბიბლიოთეკის ხელმძღვანელმა ზურაბ გაიპარაშვილმა.

ღონისძიების ფარგლებში დაჯილდოვდნენ ის სტუდენტები, საქართველოს დემოკრატიული რესპუბლიკის ოკუპაციის კვირეულის ფარგლებში თსუ ბიბლიოთეკის ორგანიზებით ჩატარებულ სტუდენტურ-სამეცნიერო კონფერენციაში „იმპერიიდან ოკუპაციამდე“ მიიღეს მონაწილეობა. კონფერენციის სამუშაო თემებს წარმოადგენდა საქართველოს პოლიტიკური, ეკონომიკური, ინტელექტუალური, სოციალური და კულტურული ისტორია (1880-1921 წწ); რუსეთისა და კავკასიის ქვეყნების პოლიტიკური ისტორია (1881-1921 წწ).

თსუ ფსიქოლოგიისა და განათლების მეცნიერებათა ფაკულტეტის ფსიქოლოგიის დეპარტამენტში პროფესორის აკადემიურ თანამდებობაზე შესარჩევი კონკურსის კომისისიის სხდომის ოქმი N3.

ჰუმანიტარულ მეცნიერებათა ფაკულტეტი 11-12 ივლისს გამართავს აკადემიკოს მარიამ ლორთქიფანიძის დაბადებიდან 100 წლისთავისადმი  მიძღვნილ XVI  საფაკულტეტო სამეცნიერო კონფერენციას.

კონფერენციაში მონაწილეობის  მსურველებმა  2022 წლის 10 ივნისამდე თეზისები უნდა  გამოგზავნონ ელექტრონული ფოსტის  მისამართზე: tsuconference@tsu.ge

კონფერენციაში მონაწილეობის ფორმატი: მოხსენება. 

 იხ. თეზისების გაფორმების წესი.

საკონტაქტო პირი:  ასოც. პროფესორი ეკატერინე ნავროზაშვილი

თსუ, I კორპუსი, ოთახი 204.

თსუ ჰუმანიტარულ მეცნიერებათა ფაკულტეტის ფილოსოფიის ს/ს ინსტიტუტი გიწვევთ

ჰაინრიხ ჰაინეს წიგნის „რელიგიისა და ფილოსოფიის ისტორიისთვის გერმანიაში“ (1834) ქართული თარგმანის პრეზენტაციაზე.

წიგნი პირველად ითარგმნა ქართულ ენაზე ინსტიტუტის დოქტორანტის ლევან შატბერაშვილის მიერ. პროექტი განხორცილდა  გოეთეს ინსტიტუტის მთარგმნელობითი პროგრამის ფარგლებში

პრეზენტაცია გაიმართება ორშაბათს, 11 აპრილს, 18:30 საათზე, გოეთეს ინსტიტუტში.  

მისამართი:  მიხეილ ზანდუკელის ქუჩა # 16, თბილისი.

 .

12 აპრილს, 17:00 საათზე გაიმართება საინფორმაციო შეხვედრა ჰიმანიტარულ მეცნიერებათა ფაკულტეტის ადმინისტრაციასთან.

მისამართი: Zoom Meeting ID: 828 616 1136

სსიპ – ივანე ჯავახიშვილის სახელობის თბილისის სახელმწიფო უნივერსიტეტის ფსიქოლოგიისა და განათლების მეცნიერებათა ფაკულტეტზე, 2021-2022 სასწავლო წლის გაზაფხულის სემესტრში, დოქტორანტთა საუნივერსიტეტო დაფინანსებისათვის დოკუმენტების წარმოდგენის ვადების განსაზღვრის შესახებ

ვილნიუსის გამოყენებითი მეცნიერების უნივერსიტეტი (Vilnius Kolegija University of Applied Sciences) აცხადებს კონკურსს მოკლევადიან სასწავლო პროგრამაზე სტიპენდიების მოსაპოვებლად. 

შემოთავაზებული პროგრამების ჩამონათვალი იხილეთ აქ.

აპლიკაციის მიღების ბოლო ვადა: 2022 წლის 29 აპრილი

აპლიკაციის ელექტრონულად შესავსებად, გთხოვთ, ეწვიოთ შემდეგ ვებ-გვერდს.

თა­მარ და­დი­ანი

სა­ქარ­თვე­ლო­ში აკ­რე­დი­ტი­რე­ბუ­ლი სა­მე­დი­ცი­ნო ფა­კულ­ტე­ტის სტუ­დენ­ტენ­ტებს, რომ­ლე­ბიც და­ინ­ტე­რე­სე­ბულ­ნი არი­ან ნევ­რო­ლო­გი­ით და ნე­ირ­ოქ­ირ­ურ­გი­ით, შე­საძ­ლებ­ლო­ბა ეძ­ლე­ვათ მო­ნა­წი­ლე­ობა მი­იღ­ონ დენ­დის ოლ­იმ­პი­ად­აში, რო­მე­ლიც 15 მა­ისს გა­იმ­არ­თე­ბა.

The Walter E. Dandy Neurosurgical Club Georgia (უოლ­ტერ ე. დენ­დის ნე­ირ­ოქ­ირ­ურ­გი­ის კლუ­ბი სა­ქარ­თვე­ლო ) არ­ის Dandy Society-ის ოფ­იცი­ალ­ური ფი­ლი­ალი, რო­მე­ლიც სა­მე­დი­ცი­ნო ფა­კულ­ტე­ტის სტუ­დენ­ტებს შე­საძ­ლებ­ლო­ბას აძ­ლევს შეხ­ვდნენ მსოფ­ლი­ოში ცნო­ბილ ნე­ირ­ოქ­ირ­ურ­გებს, გა­იზი­არ­ონ მა­თი ცოდ­ნა, გა­მოც­დი­ლე­ბა და და­ამ­ყა­რონ უწყვე­ტი კავ­ში­რე­ბი.

ოლ­იმ­პი­ად­აში მო­ნა­წი­ლე­თა რე­გის­ტრა­ცია გაგ­რძელ­დე­ბა 1 მა­ის­ამ­დე https://forms.gle/o3nqEvGYEuiyPHMB9.

დენ­დის ოლ­იმ­პი­ად­ის გა­მარ­ჯვე­ბულს ეძ­ლე­ვა უნ­იკ­ალ­ური შან­სი გა­ემ­გზავ­როს ნე­ირ­ოქ­ირ­ურ­გი­ის რი­გით მე­ორე სტუ­დენ­ტურ მსოფ­ლიო კონ­გრეს­ზე, რო­მე­ლიც 22-24 სექ­ტემ­ბერს ეს­პა­ნე­თის ქა­ლაქ გრან­და­ში გა­იმ­არ­თე­ბა.

რი­გით მე­ორე სტუ­დენ­ტურ ნე­ირ­ოქ­ირ­ურ­გი­ის კონ­გრესს წელს უკ­ვე ეს­პა­ნე­თის ქა­ლა­ქი გრა­ნა­და უმ­ას­პინ­ძლებს.

კონ­გრე­სის მო­ნა­წი­ლე სტუ­დენ­ტებს 3 და­უვ­იწყა­რი დღე ელ­ოდ­ებ­ათ. ამ ხნის გან­მავ­ლო­ბა­ში ის­ინი შეხ­დვდე­ბი­ან მსოფ­ლი­ოს წამ­ყვან ნე­ირ­ოქ­ირ­ურ­გებ­სა და ექ­სპერ­ტებს და მათ­გან მო­ის­მი­ნენ ლექ­ცი­ებს ნე­ირ­ოქ­ირ­ურ­გი­ისა თუ სხვა მი­მარ­თუ­ლე­ბე­ბის შე­სა­ხებ. ჩა­ერ­თვე­ბი­ან პლე­ნა­რულ სე­სი­ებ­სა და დის­კუ­სი­ებ­ში, სა­დაც გა­მო­ჩე­ნილ მეც­ნი­ერ­ებ­თან ერ­თად იმ­სჯე­ლე­ბენ მე­დი­ცი­ნა­ში არ­სე­ბულ აქ­ტუ­ალ­ურ გა­მოწ­ვე­ვებ­ზე. გა­იც­ნო­ბენ უამ­რავ მო­ტი­ვი­რე­ბულ სტუ­დენ­ტს მსოფ­ლი­ოს სხვა­დას­ხვა წერ­ტი­ლი­დან.

გზამკვლევი იხილეთ დანართის სახით

შეგახსენებთ, რომ თსუ-ის რექტორის 2022 წლის 18 თებერვლის # 45-01-01 ბრძანების მიხედვით, საბაკალავრო და სამაგისტრო პროგრამებზე სასწავლო პროცესი დაიწყება სააუდიტორიო ფორმატში.

• 2 მაისი-18 ივნისი: სააუდიტორიო მეცადინეობები;
• 20 ივნისი- 13 ივლისი: დასკვნითი გამოცდები თსუ-ის საგამოცდო ცენტრში;
• 19-26 ივლისი: დამატებითი გამოცდები თსუ-ის საგამოცდო ცენტრში;
  
  შუალედური გამოცდები ჩატარდება დისტანციურად 26 აპრილიდან 1-ლი მაისის ჩათვლით
  
  გისურვებთ წარმატებებს!
  
  
  ფაკულტეტის ადმინისტრაცია