FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
ივანე ჯავახიშვილის სახელობის თბილისის სახელმწიფო უნივერსიტეტში გაიმართა საერთაშორისო კონფერენცია „შესაძლებლობები და ბარიერები ონკოლოგიურ დაავადებათა თერაპიაში; სიმსივნე და გული“. ღონისძიება საქართველოს კარდიო-ონკოლოგიის საზოგადოების, თსუ-ის და საქართველოს კარდიოლოგთა საზოგადოების ერთობლივი ორგანიზებით ჩატარდა.
კონფერენცია გახსნა თსუ რექტორმა, აკადემიკოსმა ჯაბა სამუშიამ. დამსწრე სტუმრებს მისასალმებელი სიტყვით მიმართეს: თსუ პროფესორმა, საქართველოს კარდიო-ონკოლოგიის საზოგადოების პრეზიდენტმა ნინო შარაშიძემ; საქართველოს შრომის, ჯანმრთელობისა და სოციალური დაცვის მინისტრმა მიხეილ სარჯველაძემ; საქართველოს კარდიოლოგთა საზოგადოების პრეზიდენტმა, პროფესორმა რუსუდან აგლაძემ; თსუ მედიცინის ფაკულტეტის დეკანმა მაია ბიწკინაშვილმა; საქართველოს კარდიო-ონკოლოგიის საზოგადოების აღმასრულებელმა დირექტორმა ნინო ქაჯაიამ.
კონფერენციაში მონაწილეობდნენ როგორც ქართველი, ასევე უცხოელი ექსპერტები - კარდიოლოგები, ონკოლოგები, ჰემატოლოგები, ქირურგები და რადიოლოგები. უცხოელ სპიკერთა შორის იყვნენ სტამბოლის „ლივ ჰოსპიტლის“ ცნობილი ექიმები.
ღონისძიებაზე მოხსენებით წარდგნენ ახალგაზრდა კარდიოლოგები და დოქტორანტები, რომლებმაც წარმოადგინეს საკუთარი კვლევის შედეგები. აღსანიშნავია, რომ თსუ მედიცინის ფაკულტეტზე წარმატებით ხორციელდება სადოქტორო პროგრამა კარდიო-ონკოლოგიის მიმართულებით.
