პრესრელიზი

თბილისის სახელმწიფო უნივერსიტეტის ბიბლიოთეკა აგრძელებს საბავშვო ღონისძიებების სერიას -  „უნივერსიტეტის ბიბლიოთეკა ბავშვებს“, რომლის ფარგლებში  მოსწავლეებს ბიბლიოთეკაში მასპინძლობენ თანამედროვე საბავშვო მწერლები, პოეტები და მთარგმნელები, რომლებიც საუბრებენ ლიტერატურაზე, წიგნის სიყვარულზე, ბავშვებს უკითხავენ თავიანთი   შემოქმედებიდან  მოთხრობებს,  იმართება დისკუსიები. მოსწავლეებს ასევე აქვთ შესაძლებლობა დაათვალიერონ უნივერსიტეტის ბიბლიოთეკა, გაეცნონ მის ფონდებში დაცულ უნიკალურ, უძველეს ნაბეჭდ წიგნებს.

22  ნოემბერს, 16:00 სთ-ზე, თბილისის სახელმწიფო უნივერსიტეტის ბიბლიოთეკას სტუმრობს რობერ შუმანის ევროპული სასწავლებლის სკოლა ანი-Zet-ის VI კლასის მოსწავლეები. ისინი ბიბლიოთეკაში შეხვდებიან მთარგმნელ ია კოროშინაძეს, რომელიც ბავშვებს მოუყვება ლუსი მოდ მონტგომერის წიგნების „ენი შირლის თავგადასავალი“  სერიის შესახებ.

მოსწავლეებს ასევე ექნებათ შესაძლებლობა დაათვალიერონ უნივერსიტეტის მუზეუმი - ვაჟას კაბინეტი და  ბიბლიოთეკა.