ივანე ჯავახიშვილის დაბადების 150 წლის იუბილესთან დაკავშირებით, უნივერსტეტის ბიბლიოთეკა აგრძელებს საბავშვო მწერლებთან შეხვედრების ციკლს სკოლის მოსწავლეებისთვის. 27 აპრილს, 13:00 სთ-ზე, ბიბლიოთეკა იწვევს გარდაბნის რაიონის სოფელ სართიჭალის მე-2 საჯარო სკოლის IV კლასის მოსწავლეებს, რომელთაც უმასპინძლებს საბავშვო მწერალი თეა ლომაძე. იგი მოსწავლეებს წაუკითხავს თავისი შემოქმედებიდან მოთხრობებს და ესაუბრება მათ წიგნის სიყვარულზე.
მოსწავლეებს, ასევე, ექნებათ შესაძლებლობა დაათვალიერონ უნივერსიტეტის ბიბლიოთეკა და გაეცნონ მის ფონდებში დაცულ უნიკალურ წიგნებს.