თბილისის სახელმწოფო უნივერსიტეტის მუზეუმის საგამოფენო დარბაზში გაიმართა გამოფენა „გურამ კარტოზია - 80“, რომელიც მიეძღვნა გურამ კარტოზიას 80 წლის იუბილეს. გურამ კარტოზია (1934-2010) ენათმეცნიერი, მკვლევარი  ქართველოლოგი, პროფესორი. თსუ მუზეუმში გაიმართა გამოფენა, რომელზეც წარმოდგენილი იყო პროფესორ გურამ კარტოზიას ცხოვრებისა და მოღვაწეობის ამსახველი ფოტოები, ჯილდოები, პირადი ნივთები, წერილები, მისი ავტორობით გამოცემული წიგნები ქართველოლოგიის სხვადასხვა დარგში - ქართველური ენების ფონეტიკა-ფონოლოგიაში, გრამატიკასა და ლექსიკოლოგიაში, რუსთველოლოგიასა და ტექსტოლოგიაში, ზეპირსიტყვიერებაში, ლექსიკოგრაფიაში; ასევე „ვეფხისტყაოსნის“ აკადემიური ტექსტის დამდგენი კომისიის მთავარი რედაქციის სხდომათა ოქმების ხელნაწერები (2011-2012 წლებში გამოიცა ორ წიგნად, რედაქტორი აკადემიკოსი თამაზ გამყრელიძე), გასული საუკუნის 40-50-იან წლებში და შემდგომ კახეთში, სვანეთში, სამეგრელოსა და ლაზეთში, მათ შორის თურქეთის ლაზეთში, ასევე გამოფენაზე წარმოდგენილი იყო გურამ კარტოზიას მიერ გაკეთებული საექსპედიციო ჩანაწერები, რომელთაგან ნაწილი გამოუქვეყნებელია.

16/12/2014

ფოტო-დოკუმენტური გამოფენა მიძღვნილი ქართველ ემიგრანტთა დღისადმი, ქართველები მეორე მსოფლიო ომში ემიგრაციის მეორეტალღა, გამოფენაზე წარმოდგენილი იყო ქართული ემიგრაციის მუზეუმში დაცული ფოტოდოკუმენტური მასალა – (25 ივნისი).

თბილისის სახელმწიფო უნივერსიტეტის მუზეუმში გაიმართა ფოტოდოკუმენტური გამოფენა, რომელიც მიეძღვნა გივი გაჩეჩილაძის დაბადებიდან 100 წლის იუბილეს. გივი გაჩეჩილაძე (1914-1974) მთარგმნელი, პოეტი და ლიტერატურათმცოდნე, ფილოლოგიის მეცნიერებათა დოქტორი, პროფესორი. გივი გაჩეჩილაძის ცხოვრება უკავშირდებოდა, როგორც სამეცნიერო-პედაგოგიურ მოღვაწეობას, ასევე მთარგმნელობით საქმიანობას. იგი სხვადასხვა დროს იყო თსუ-ს პროფესორი, ინგლისური ფილოლოგიის კათედრის გამგე, ხელმძღვანელობდა საქართველოს სსრ მწერალთა კავშირის მხატვრული თარგმანის სექციას. მან თარგმნა შექსპირის სონეტი და პიესები. ასევე ბრიტანელი, ამერიკელი, რომაელი, ფრანგი, გერმანელი, რუსი პოეტების ნაწარმოებები. საეტაპო მნიშვნელობისაა 1959 წელს გამოცემული მისი მონოგრაფია „მხატვრული თარგმანის თეორიის საკითხები“. იუბილესთან დაკავშირებით თსუ მუზეუმში მოწყობილ იქნა გამოფენა, რომელზეც წარმოდგენილი იყო გივი გაჩეჩეჩილაძის ცხოვრებისა და საზოგადოებრივი მოღვაწეობის ამსახველი ფოტოები, დოკუმენტები, ხელნაწერები, თარგმანები, გამოკვლევები, მემორიალური ექსპონატები, რომელთა უმეტესობა დაცულია პროფესორის მემკვიდრეთა ოჯახებში. 

19/08/2014

თბილისის სახელმწიფო უნივერსიტეტის მუზეუმის საგამოფენო დარბაზში გაიმართა ტყუპი ძმების ავთანდილ და ტარიელ ვართაგავების პერსონალური გამოფენა. ავთანდილ ვართაგავა (1935-2014) ფერმწერი, გრაფიკოსი, პოეტი და ხელოვნებათმცოდნე გახლდათ. იგი 1966-78 წლებში მუშაობდა სიმონ ჯანაშიას სახელობის საქართველოს ისტორიის მუზეუმში, ხოლო ტარიელ ვართაგავა (1935-2008) ფერწერასა და გრაფიკაში მოღვაწეობდა. ის ასევე წერდა ლექსებს, იყო ხატმწერი. ორივე შემოქმედისთვის განსაკუთრებით მნიშვნელოვანია ფრესკული მხატვრობა და ხატწერა. ძმები ვართაგავები პერსონალურ გამოფენებს აწყობდნენ თბილისში, ასევე მონაწილეობდნენ ჯგუფურ ექსპოზიციებში ამიერკავკასიასა და საქართველოში. მათი ნამუშევრები დაცულია აშშ-ის, კანადის, რუსეთის, იტალიის, გერმანიის კერძო კოლექციებში. 1970-74 წლებში ლადო გუდიაშვილის რედაქტორობით ორჯერ გამოიცა ძმები ვართაგავების შემოქმედების ამსახველი კატალოგი. მათ მიერ შექმნილ პოეტურ-ლირიკული ხასიათის კომპოზიციებში მძლავრად აისახა სხვადასხვა რომანტიკულ-აბსტრაქტული თემატიკა: ხელოვნება, მუსიკა, ტრფობა; თავი იჩინა ფანტასტიკისადმი მათეულმა დამოკიდებულებამაც; იგრძნობა სიურეალიზმის გავლენა, პლასტიკურობისა და ბუნებრივი ფორმების მრავალსახოვნად წარმოჩენის სურვილი. მათი მხატვრობის თავისებურება თემატურ-შინაარსობრივი მრავალფეროვნებაა. გამოფენაზე წარმოდგენილი იყო მხატვარი ძმების ფერწერული და გრაფიკული ნამუშევრები.

03/11/2014

 2014 წლის 3 აპრილს თბილისის სახელმწიფო უნივერსიტეტის მუზეუმის საგამოფენო დარბაზში გაიმართა გამოფენა „სუხიშვილები - რომანტიკული ფოტომატიანე“, ექსპოზიციაზე წარმოდგენილი იყო, ქართული ნაციონალური ბალეტის, ქორეოგრაფიული ანსამბლ „სუხიშვილების“ ყოფილი სოლისტის თენგიზ უთმელიძის პერსონალური ფოტოგამოფენა. გამოფენაზე მოსულ დამთვალიერებელს საშუალება ჰქონდა გაცნობოდა გასული საუკუნის სამოციანი წლების ფოტოისტორიას, რომელშიც ასახული იყო საქართველოსა და საზღვარგარეთ გასტროლებზე სუხიშვილების ანსამბლის წარმატებები,  სწორედ ამ პერიოდს უწოდა ნინო რამიშვილმა „ოქროს ხანა“.

03/04/2014

2014 წლის 14 მაისს თბილისის სახელმწიფო უნივერსიტეტის მუზეუმში გაიმართა ფოტოგამოფენა „ჯამბაკურ-ორბელიანები თბილისში“, ორგანიზატორები: კასპის მუნიციპალიტეტის მუზეუმების გაერთიანება,  ლამისყანის ჯამბაკურ-ორბელიანთა სასახლე-მუზეუმი. მხარდამჭერები: საქართველოს კულტურის და ძეგლთა დაცვის სამინისტრო, თბილისის სახელმწიფო უნივერსიტეტის მუზეუმი. გამოფენაზე წარმოდგენილი ფოტოდოკუმენტური და მემორიალური ნივთების მეშვეობით დამთვალიერებელს საშუალება ჰქონდა გაცნობოდა ცნობილი საზოგადო მოღვაწის, ქველმოქმედის - მარიამ-ჯამბაკურ ორბელიანის (1852-1941) აქტიურ ბრძოლას პირველი ქართული უნივერსიტეტის დაარსების საქმეში. 1918 წელს იგი უნივერსიტეტთან ჩამოყალიბებული დამხმარე საზოგადოების წევრად აირჩიეს. აღსანიშნავია, რომ მარიამის ძმისშვილი ანასტასია ჯამბაკურ-ორბელიანი ივანე ჯავახიშვილის მეუღლე იყო, ხოლო მეორე ძმიშვილი - თეკლა ჯამბაკურ-ორბელიანი კიტა აბაშიძის მეუღლე იყო.

14/05/2014

2014 წლის 13 სექტემბერს თბილისის სახელმწიფო უნივერსიტეტში გრიგოლ ფერაძის დაბადებიდან 115 წლის იუბილისადმი მიძღვნილი ღონისძიება გაიმართა. გრიგოლ ფერაძე (1899-1942) თეოლოგი, ისტორიკოსი, არქიმანდრიტი, ისტორიის მეცნიერებათა დოქტორი, პროფესორი. საქართველოს მართლმადიდებელი ეკლესის მიერ წმინდანად შერაცხული 1995 წელს. ზემოთ აღნიშნულ ღონისძიებასთან დაკავშირებით თბილისის სახელმწიფო უნივერსიტეტში მოეწყო ერთობლივი ექსპოზიცია, რომელზეც წარმოდგენილი იყო: საქართველოს ხელნაწერთა ეროვნული ცენტრის არქივში დაცული გრიგოლ ფერაძის წერილები მიწერილი ივანე ჯავახიშვილისადმი, კორნელი კეკელიძისადმი და ექვთიმე თაყაიშვილისადმი, აგრეთვე თსუ ქართული ემიგრაციის მუზეუმში დაცული წმინდა გრიგოლ ფერაძის სამშობლოსა და ემიგრაციაში ცხოვრებისა და მოღვაწეობის ამსახველი იშვიათი ფოტოები, ხელნაწერები და ბეჭდური მასალა. ივანე ჯავახიშვილის სახელობის თბილისის სახელმწიფო უნივერსიტეტში წმინდა მღვდელმოწამე არქიმანდრიტის გრიგოლ ფერაძის მემორიალური დაფა გაიხსნა. საიუბილეო ღონისძიებას თსუ-ს რექტორი, აკადემიკოსი ვლადიმერ პაპავა, სრულიად საქართველოს კათოლიკოს-პატრიარქი ილია მეორე, პოლონეთის ელჩი საქართველოში ანჟეი ჩიეშკოვსკი, ვარშავის უნივერსიტეტის კავკასიოლოგიური სემინარიის ხელმძღვანელი დავით ყოლბაია, ქართველი და უცხოელი სტუმრები ესწრებოდნენ.

13/09/2014

2014 წლის 8 ოქტომბერს თბილისის სახელმწიფო უნივერსიტეტის მუზეუმის საგამოფენო დარმაზში გაიმართა გამოფენა, რომელზეც წარმოდგენილი იყო თსუ ჰუმანიტარულ მეცნიერებათა ფაკულტეტის ვიზუალური ხელოვნების მიმართულების სასწავლო-სამეცნიერო ინსტიტუტის პედაგოგის, მხატვარ მალხაზ კუხაშვილის პერსონალური გამოფენა - „გააგრძელე საქართველოს ისტორია“. ექსპოზიციაზე მოსულ დამთვალერებელს საშუალება ჰქონდა გაცნობოდა მხატვრის მიერ შექმნილ გრაფიკულ ნამუშევრებს, აგრეთვე საილუსტრაციო ესკიზებს, რომლებიც გამოყენებულია დოკუმენტური ტელესერიალისათვის - „გააგრძელე საქართველოს ისტორია“.

08/10/2014

2014 წლის 4 მარტს თბილისის სახელმწიფო უნივერსიტეტის მუზეუმის საგამოფენო დარბაზში გაიხსნა გამოფენა უნივერსიტეტის ჰუმანიტარულ მეცნიერებათა ფაკულტეტის პედაგოგებისა, რომლებიც ამავე ფაკულტეტზე ვიზუალურ ხელოვნებას ასწავლიან. ასევე მაგისტრანტების, კურსდამთავრებულების და მხატვარ ქალთა საერთაშორისო ორგანიზაცია „ფემინ არტის“ საქართველოს ფილიალის წევრების ნამუშევართა გამოფენა გაიმართა, რომელზეც წარმოდგენილი 60-მდე ნამუშევარი სრულიად განსხვავებული ტექნიკითა და თემატიკით იყო შესრულებული, მათ შორის: ფერწერა, გრაფიკა,  დეკორირებული თეფშები, მინანქარი, გობელენი, თექა, პოარტი, ქვილთი, ბატიკა. გამოფენის გახსნაზე ორგანიზაცია „ფემინ არტმა“ წარმოადგინა ერთგვარი პერფორმანსი - მხატვარ ქალთა გაერთიანების ორმა წევრმა ანა ჩუბინიძემ და ანი ლაღიძემ ექსპრომტად შეასრულეს თითო ნამუშევარი, მოთელეს მშრალი თექა, რამაც დამსწრეთა შორის დიდი ინტერესი გამოიწვია.  04/03/2014

2014 წლის 27 მაისს თბილისის სახელმწიფო უნივერსიტეტის მუზეუმში მოეწყო ფოტოგამოფენა „ქალთა სამოქალაქო აქტივობა 90-იანი წლების მიჯნაზე“, რომელზეც გამოფენილი იყო ფოტოგრაფ ნაზი გაბაიძის პირადი ფოტოარქივიდან შერჩეული მასალა, რომელშიც ასახულია ქალთა სამოქალაქო აქტივობა 1988-1991 წლებში, კერძოდ ეროვნული მოძრაობის დასაწყისი პერიოდი, 9 აპრილისა და შემდგომ განვითარებული მოვლენები, კომუნისტური პარტიის ლიდერებსა და ეროვნულ ძალებს შორის გამართული მოლაპარაკებები ჩაის სახლში, წითელი ჯვრის წარმომადგენლების ჩამოსვლა, მერაბ კოსტავას დაკრძალვის და შემდგომი დაპირისპირება ეროვნული მოძრაობის ლიდერებს შორის და პრეზიდენტ გამსახურდიას წინააღმდეგ გამართული გამოსვლები. ფოტოქრონიკის მიხედვით ასახული საქართველოს ისტორიის, კერძოდ 1998-1991 წლების ქრონიკები. თსუ მუზეუმში მოწყობილი გამოფენის ორგანიზატორები: ნაზი გაბაიძე, რუსუდან კობახიძე, ია მჭედლიშვილი.

27/05/2014

2014 წლის 26 მაისს თსუ ქართული ემიგრაციის მუზეუმში გაიმართა გამოფენა „ახალთ საიმედოდ!“, რომელიც მიეძღვნა საქართველოს დამოუკიდებლობის დღეს - 26 მაისს, გამოფენილი იყო თსუ ქართული ემიგრაციის მუზეუმში დაცული ფოტოდოკუმენტური და პუბლიცისტური მასალა, რომელშიც ასახულია საქართველოს დამოუკიდებლობის კომიტეტის წარმომადგენელთა საქმიანობა ჟენევაში 1914-1918 წწ. ეს ექსპოზიცია იყო თბილისის სახელმწიფო უნივერსიტეტის ქართული ემიგრაციის მუზეუმისა და ჰუმანიტარულ მეცნიერებათა ფაკულტეტის ხელოვნებათმცოდნეობის მიმართულების მაგისტრანტთა ერთობლივი გამოფენა.

26/05/2014

2014 წლის 25 ნოემბერს თბილისის სახელმწიფო უნივერსიტეტის მუზეუმში ჰუმანიტარულ მეცნიერებათა ფაკულტეტის ხელოვნების ისტორიისა და თეორიის ინსტიტუტის ინიციატივით გაიმართა პერფორმანსი „ავტორისეული საუბარი ერთი ნამუშევრის გარშემო“, რომელზეც მხატვარმა ლევან ჭოღოშვილმა წარმოადგინა თავისი ერთი ნამუშევარი „ოჯახი - ციციშვილები“ მხატვარმა ისაუბრა საკუთარ შემოქმედებაზე, გაიმართა დისკუსია ხელოვანსა და დამსწრე საზოგადოებას შორის.

25/11/2014

2014 წლის 25 თებერვალს თსუ მუზეუმში გაიმართა გამოფენა „თბილისის სახელმწიფო უნივერსიტეტი 1921 წლის თებერვალ-მარტში“, რომელიც მიეძღვნა თსუ პროფესორ-მასწავლებელთა და სტუდენტთა წინააღმდეგ განხორციელებულ საბჭოთა რეპრესიებს. ექსპოზიციაზე წარმოდგენილი იყო უნიკალური ფოტო, ვიდეო და ფონო დოკუმენტური მასალა, რომელიც რუსული წითელი არმიის წინააღმდეგ ქართველი იუნკრებისა და უნივერსიტეტელთა ბრძოლას ასახავს. უნივერსიტეტის სტუდენტები საბჭოთა ოკუპაციის წინააღმდეგ საბრძოლველად საქართველოს შეიარაღებულ ძალებში მოხალისეებად ეწერებოდნენ. მათ შორის იყვნენ სტუდენტი ქალებიც, რომლებიც მოწყალების დებად ირიცხებოდნენ. მოწყალების დებს ფრონტიდან დაჭრილების გამოყვანა და მკურნალობა ევალებოდათ. მოხალისეთა შორის იყო თსუ სტუდენტი მარო (მარიამ) მაყაშვილიც. თბილისისთვის გამართულ ბრძოლებში უნივერსიტეტის რამდენიმე სტუდენტი დაიღუპა; დღეისათვის ოთხი მათგანის გვარია ცნობილი: მარო (მარიამ) მაყაშვილთან ერთად დაიღუპა სტუდენტი პავლე (პალიკო) ბეშკენაძე. თბილისის დაცვას ემსხვერპლნენ ნიკოლოზ (კოლია) კალანდარიშვილი და გიო (გიორგი) გამყრელიძე. საქართველოს დამოუკიდებლობისთვის სტუდენტების გარდა უნივერსიტეტის პროფესორები და მათი ოჯახის წევრებიც იბრძოდნენ. პროფესორ გიორგი გეხტმანის შვილი, იუნკერი გაბრიელ გეხტმანი, თბილისის დაცვისთვის წარმოებულ ბრძოლებში 25 თებერვალს დაიღუპა.

25/02/2014

საქართველოს განათლებისა და მეცნიერების მინისტრის 2011 წლის 28 დეკემბრის №208/ნ ბრძანებით დამტკიცებული „არასამეწრამეო (არაკომერციული) იურიდიული პირი – ივანე ჯავახიშვილის სახელობის თბილისის სახელმწიფო უნივერსიტეტის წესდების“ მე–8 მუხლის პირველი პუნქტის, უნივერსიტეტის აკადემიური საბჭოს 2012 წლის 13 მარტის №17/2012 დადგენილებით დამტკიცებული აკადემიური საბჭოს რეგლამენტის მე-5 მუხლის პირველი პუნქტისა და თსუ იურიდიული ფაკულტეტის №7175/02, 06.03.2013 წერილის საფუძველზე,

აკადემიური საბჭო ადგენს:

1. „ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სამაგისტრო პროგრამისა და კიოლნის სამაგისტრო პროგრამის მაგისტრანტებისათვის სწავლის საფასურის განსაზღვრის შესახებ“ აკადემიური საბჭოს 2010 წლის 5 თებერვლის №10/2010 დადგენილების პირველი პუნქტი ჩამოყალიბდეს შემდეგი რედაქციით:

„1. კიოლნის უნივერსიტეტის სამაგისტრო პროგრამის „„LL.M zu Köln“ სწავლის სემესტრული გადასახადი განისაზღვროს 2500 ლარის ოდენობით.“.

2. დადგენილების ყველასათვის ხელმისაწვდომ ადგილზე განთავსების უზრუნველყოფა დაევალოს უნივერსიტეტის კანცელარიას.

3. დადგენილება ძალაში შევიდეს საჯაროდ გამოცხადებისთანავე.

ალექსანდრე კვიტაშვილი
აკადემიური საბჭოს თავმჯდომარე,
რექტორი

საქართველოს განათლებისა და მეცნიერების მინისტრის 2011 წლის 28 დეკემბრის №208/ნ ბრძანებით დამტკიცებული „არასამეწრამეო (არაკომერციული) იურიდიული პირი – ივანე ჯავახიშვილის სახელობის თბილისის სახელმწიფო უნივერსიტეტის წესდების“ მე–8 მუხლის პირველი პუნქტის, უნივერსიტეტის აკადემიური საბჭოს 2012 წლის 13 მარტის №17/2012 დადგენილებით დამტკიცებული აკადემიური საბჭოს რეგლამენტის მე-5 მუხლის პირველი პუნქტისა და თსუ იურიდიული ფაკულტეტის №7175/02, 06.03.2013 წერილის საფუძველზე,

აკადემიური საბჭო ადგენს:

1. „სსიპ ივანე ჯავახიშვილის სახელობის თბილისის სახელმწიფო უნივერსიტეტსა და შპაიერის ადმინისტრაციულ მეცნიერებათა უნივერსიტეტის ერთობლივი ინგლისურენოვანი სამაგისტრო პროგრამის –„საჯარო მმართველობა“– სასწავლო პროცესის ვადებისა და კრედიტების წლიური ლიმიტის განსაზღვრის შესახებ“ აკადემიური საბჭოს 2010 წლის 24 სექტემბრის №105/2010 დადგენილების პირველი პუნქტი ჩამოყალიბდეს შემდეგი რედაქციით:

„1. „ა(ა)იპ ივანე ჯავახიშვილის სახელობის თბილისის სახელმწიფო უნივერსიტეტისა და შპაიერის ადმინისტრაციულ მეცნიერებათა უნივერსიტეტის თანამშრომლობის ფარგლებში იურიდიულ ფაკულტეტზე არსებულ ინგლისურენოვანი სამაგისტრო პროგრამის - „საჯარო მმართველობა“ – სასწავლო პროცესის ვადები განისაზღვროს თსუ-ს რექტორის მიერ დადგენილი ვადების შესაბამისად.“.

2. დადგენილების ყველასათვის ხელმისაწვდომ ადგილზე განთავსების უზრუნველყოფა დაევალოს უნივერსიტეტის კანცელარიას.

3. დადგენილება ძალაში შევიდეს საჯაროდ გამოცხადებისთანავე.

ალექსანდრე კვიტაშვილი
აკადემიური საბჭოს თავმჯდომარე,
რექტორი

საქართველოს განათლებისა და მეცნიერების მინისტრის 2011 წლის 28 დეკემბრის №208/ნ ბრძანებით დამტკიცებული „არასამეწრამეო (არაკომერციული) იურიდიული პირი – ივანე ჯავახიშვილის სახელობის თბილისის სახელმწიფო უნივერსიტეტის წესდების“ მე–8 მუხლის პირველი პუნქტის, უნივერსიტეტის აკადემიური საბჭოს 2012 წლის 13 მარტის №17/2012 დადგენილებით დამტკიცებული აკადემიური საბჭოს რეგლამენტის მე-5 მუხლის პირველი პუნქტისა და თსუ იურიდიული ფაკულტეტის №7175/02, 06.03.2013 წერილის საფუძველზე,

აკადემიური საბჭო ადგენს:

1. „ივანე ჯავახიშვილის სახელობის თბილისის სახელმწიფო უნივერსიტეტის „საჯარო მმართველობის“ ინგლისურენოვან სამაგისტრო პროგრამებზე სწავლის სემესტრული გადასახადის განსაზღვრის შესახებ“ აკადემიური საბჭოს 2010 წლის 25 იანვრის №6/2010 დადგენილების პირველი პუნქტი ჩამოყალიბდეს შემდეგი რედაქციით:

„1. ა(ა)იპ – ივანე ჯავახიშვილის სახელობის თბილისის სახელმწიფო უნივერსიტეტის „საჯარო მმართველობის“ სამაგისტრო პროგრამისათვის 2013/2014 წლის შემოგომის სემესტრიდან სემესტრული გადასახადი განისაზღვროს 1900 ლარის ოდენობით.“.

2. დადგენილების ყველასათვის ხელმისაწვდომ ადგილზე განთავსების უზრუნველყოფა დაევალოს უნივერსიტეტის კანცელარიას.

3. დადგენილება ძალაში შევიდეს საჯაროდ გამოცხადებისთანავე.

ალექსანდრე კვიტაშვილი
აკადემიური საბჭოს თავმჯდომარე,
რექტორი

საქართველოს განათლებისა და მეცნიერების მინისტრის 2011 წლის 28 დეკემბრის N208/ნ ბრძანებით დამტკიცებული „არასამეწრამეო (არაკომერციული) იურიდიული პირი – ივანე ჯავახიშვილის სახელობის თბილისის სახელმწიფო უნივერსიტეტის წესდების“ 49–ე მუხლის, უნივერსიტეტის აკადემიური საბჭოს 2012 წლის 13 მარტის №17/2012 დადგენილებით დამტკიცებული აკადემიური საბჭოს რეგლამენტის მე-5 მუხლის პირველი პუნქტის „ყ“ ქვეპუნქტის საფუძველზე,

აკადემიური საბჭო ადგენს:

1. „ა(ა)იპ - ივანე ჯავახიშვილის სახელობის თბილისის სახელმწიფო უნივერსიტეტის აკადემიურ თანამდებობაზე 65 წლის ან მეტი ასაკის პირის არჩევის და თანამდებობიდან გათავისუფლების, ემერიტუსის აკადემიური წოდების მინიჭებისა და ანაზღაურების მიცემის წესისა და პირობების დამტკიცების შესახებ“ აკადემიური საბჭოს 2012 წლის 28 მაისის №36/2012 დადგენილებას დაემატოს შემდეგი შინაარსის მე–4 მუხლის 1¹ პუნქტი:

„1¹. ემერიტუსის აკადემიური წოდება ენიჭება პირს, რომელსაც სსიპ – თბილისის ეკონომიკურ ურთიერთობათა სახელმწიფო უნივერსიტეტის რეორგანიზაციისა და თსუ–თან მიერთების საფუძველზე 2011 წლის 1 იანვრისათვის შეუწყდა სსიპ – თბილისის ეკონომიკურ ურთიერთობათა სახელმწიფო უნივერსიტეტის სრული პროფესორის თანამდებობა, იმავდროულად იყო 65 წლის ან მეტი ასაკის, უნივერსიტეტისათვის წარდგენილი ჰქონდა განცხადება ემერიტუსის წოდების მინიჭების შესახებ. მას უნივერსიტეტის მიერ მიეცემა ყოველთვიური ანაზღაურება ამ წესის მე–4 მუხლის მე–3 პუნქტის „ე“ ქვეპუნტით გათვალისწინებული ოდენობით.“.

2.  დადგენილების ყველასათვის ხელმისაწვდომ ადგილზე განთავსება დაევალოს თსუ–ის კანცელარიას.

3. ეს დადგენილება ამოქმედდეს გამოქვეყნებისთანავე.

ალექსანდრე კვიტაშვილი
აკადემიური საბჭოს თავმჯდომარე,
რექტორი

სამაგისტრო ნაშრომების დაცვა ჩატარდება ZOOM-ის საშუალებით
 (ლინკი გადმოგეგზავნებათ მეილზე) 

კერძო სამართლის მიმართულება 6 ოქტომბერი, სამშაბათი, 10:00სთ

კერძო სამართლის მიმართულება 7 ოქტომბერი, ოთხშაბათი, 10:00სთ

პარასკევი, 9 ოქტომბერი, 10:00სთ, სისხლის სამართლის მიმართულება  (მატერიალური და პროცესი) 

პარასკევი, 9 ოქტომბერი, 11:00სთ, საჯარო სამართლის მიმართულება (კონსტიტუციური)

შაბათი, 10 ოქტომბერი, 11:00სთ საჯარო სამართლის მიმართულება (ადმინისტრაციული)

თსუ-ს საერთაშორისო სამართლის ინსტიტუტის ორგანიზებით ტარდება ბერლინის უნივერსიტეტის პროფესორ, სამართლის დოქტორ ელმარ გიემულას საჯარო ლექციები საერთაშორისო საჰაერო სამართლის აქტუალურ პრობლემებზე (ინგლისურ ენაზე). 

რეგისტრაციის გასავლელად, დაინტერესებული სტუდენტები, გთხოვთ დაგვიკავშირდეთ ili@tsu.ge  08.10.2020 18.00 საათამდე. სრული კურსის გავლის შემთხვევაში გაიცემა შესაბამისი სერტიფიკატი.

ლექციები ჩატარდება შემდეგ თემებზე:

12.10.2020, 10.00  – Introduction to international Aviation Liability Law
13.10.2020, 10.00  – The Concorde Crash on 25 July 2000
14.10.2020, 10.00  – The Midair-Collision above Lake Constance on 1 July 2002 (Bashkirian Airlines)
15.10.2020, 10.00.  – The Downing of MH17 above the Eastern Ukraine on 17 July 2014
16.10.2020, 10.00.  – The Boeing MAX737 Affair

Prof. Dr. iur. Elmar Giemulla

Professor of Administrative Law at the Federal University of Administrative Sciences (ret.)
Honorary Professor of Aviation Law (Berlin Institute of Technology),
Attorney at Law (Berlin)
Adjunct Professor of Aviation Law and Aviation Security Law (Embry-Riddle Aeronautical University, Daytona Beach - USA), 
Attorney at Law (New York)
President AOPA Germany (Aircraft Owners and Pilots Association)
President FASAG (Federal Aviation Security Association Germany)
Member of the Advisory Board of the German Air Traffic Control Service Ltd (DFS Deutsche Flugsicherung GmbH)
 

2014 წლის 8 თებერვალს ივანე ჯავახიშვილის სახელობის თბილისის სახელმწიფო უნივერსიტეტის დაარსებიდან 96 წლის იუბილეს მიძღვნა ფოტოგამოფენა - „უნივერსიტეტის პირველი სტუდენტები“ გამოფენაზე წარმოდგენილი იყო ფოტოები, დოკუმენტები და მემორიალური ნივთები, რომელშიც ასახულია უნივერსიტეტის დაარსების პირველი წლების პერიპეტიები, პირველი თაობის სტუდენტები მათი სტუდენტური ცხოვრების ამსახველი დოკუმენტები, ჩათვლის წიგნაკები, სალექციო კურსების ჩანაწერები, საგამოცდო უწყისები, სასწავლო და საგამოცდო ცხრილები.

08/02/2014