თსუ-ის სტუდენტებს განსაკუთრებული შესაძლებლობა ჰქონდათ შეხვედროდნენ ოლიმპიურ პრიზიორს კრივში, მსოფლიოსა და ევროპის პრიზიორს, საერთაშორისო ტურნირების მრავალგზის გამარჯვებულს - ლაშა გურულს, და MMA-ის ქართველ მებრძოლს, UFC-ის ყოფილ სპორტსმენს - გურამ ქუთათელიძეს.
სპორტსმენებმა ისაუბრეს საკუთარ კარიერაზე, გამოწვევებსა და გამარჯვებებზე, შეცდომებზე მიღებულ გამოცდილებასა და სპორტულ დისციპლინაზე. მათ სტუდენტების შეკითხვებს უპასუხეს და სამახსოვრო ფოტოებიც გადაიღეს.
ღონისძიება გაიმართა თსუ კულტურისა და სპორტის დეპარტამენტის ორგანიზებით, სერიის - „შეხვდი ქართველ სპორტსმენებს“ ფარგლებში.