2019 წლის 28 თებერვალს განათლების ხარისხის განვითარების ეროვნული ცენტრის დირექტორი გიორგი ვაშაკიძე, თბილისის სახელმწიფო უნივერსიტეტს ესტუმრა და თსუ აკადემიურ და ადმინისტრაციულ პერსონალს უმაღლესი და პროფესიული განათლების ხარისხის განვითარების მიმართულებით მუშაობის და სამომავლო გეგმების შესახებ ინფორმაცია გააცნო. შეხვედრას ესწრებოდნენ ივანე ჯავახიშვილის სახელობის თბილისის სახელმწიფო უნივერსიტეტის რექტორი გიორგი შარვაშიძე, სტუდენტები და აკადემიური პერსონალი.