29 ნოემბერს, თბილისის სახელმწიფო უნივერსიტეტის პირველი კორპუსის სააქტო დარბაზში გაიმართა დასაქმების ფორუმი, რომელზეც 500-ზე მეტი პროფესიული ვაკანსია 50-ზე მეტმა კომპანიამ და დასაქმების სააგენტომ წარმოადგინა. დასაქმების ფორუმში თსუ ბაკალავრიატის და მაგისტრატურის საფეხურების, პროფესიული საგანმანათლებლო პროგრამების 1000-მდე სტუდენტი და კურსდამთავრებული მონაწილეობდა, რომელთაც დამსაქმებლებთან შეხვედრის პარალელურად შესაძლებლობა ჰქონდათ მონაწილეობა მიეღოთ სტუდენტთა კარიერული ცენტრის კარიერულ კონსულტირებაში.

ფორუმის პარალელურად ჩატარდა წამახალისებელი გათამაშება სტუდენტებისა და კურსდამთავრებულებისთვის.

თსუ-ში დასაქმების ფორუმი სისტემატურად იმართება. მასში ყოველწლიურად მონაწილეობს ათასამდე სტუდენტი და კურსდამთავრებული, რომელთა 60 % -ზე მეტი გასაუბრების შემდეგ კარიერას იწყებს სხვადასხვა კომპანიაში.

სრული ფოტოგალერეა იხილეთ:

 https://www.facebook.com/TbilisiStateUniversity/posts/pfbid0j2cfte5NpUAjaA9eQo2TBTWWkbjWTSD2jdkW3FWHbDJewmBHxRNuPVJGfomsViXyl