TSU.ge

სსიპ – ივანე ჯავახიშვილის სახელობის თბილისის სახელმწიფო უნივერსიტეტის ქართულ ენაში მომზადების საგანმანათლებლო პროგრამაზე ჩარიცხული სტუდენტებისათვის 2018-2019 სასწავლო წლიდან ბაკალავრიატის, დიპლომირებული მედიკოსის/სტომატოლოგის საგანმანათლებლო პროგრამებზე სწავლის გაგრძელების უფლების მინიჭების შესახებ

სსიპ – ივანე ჯავახიშვილის სახელობის თბილისის სახელმწიფო უნივერსიტეტის რექტორის 2018 წლის 21 აგვისტოს №736/01-04 ბრძანებით ქართულ ენაში მომზადების საგანმანათლებლო პროგრამაზე ერთიანი ეროვნული გამოცდების მხოლოდ ზოგადი უნარების აზერბაიჯანულენოვანი, სომხურენოვანი ტესტების შედეგების საფუძველზე ჩარიცხულ სტუდენტებზე, რომლებმაც დაასრულეს ქართულ ენაში მომზადების საგანმანათლებლო პროგრამა (60 კრედიტი) "უმაღლესი განათლების შესახებ" საქართველოს კანონის 473-ე მუხლის მე-3 პუნქტის თანახმად, გაიცა ქართულ ენაში მომზადების საგანმანათლებლო პროგრამის გავლის დამადასტურებელი სერტიფიკატი.

ზემოაღნიშნულმა სტუდენტებმა სწავლის გაგრძელების მოთხოვნით მომართეს უნივერსიტეტს და "უმაღლესი განათლების შესახებ" საქართველოს კანონის 473-ე მუხლის მე-4 პუნქტის შესაბამისად, მათი მოთხოვნა დაკმაყოფილდა.

ხსენებულიდან გამომდინარე და „უმაღლესი განათლების შესახებ" საქართველოს კანონის 22-ე მუხლის პირველი პუნქტის, 473-ე მუხლის მე-3 და მე-4 პუნქტების, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მეორე ნაწილების, 53-ე მუხლის პირველი, მეორე და მესამე ნაწილების, 54-ე მუხლის პირველი ნაწილის, 55-ე მუხლის პირველი და მე-2 ნაწილების, 56–ე მუხლის მე-2 და მე-3 ნაწილების, 57-ე მუხლის, 58-ე მუხლის, მე-100 მუხლის პირველი ნაწილის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის–ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის "ა", "ბ" "ო" და "პ" ქვეპუნქტების, მე-9 პუნქტის, "სსიპ _ ივანე ჯავახიშვილის სახელობის თბილისის სახელმწიფო უნივერსიტეტის ინდივიდუალური ადმინისტრაციულ-სამართლებრივი აქტების საჯაროდ გამოცხადების წესის დამტკიცების შესახებ" თსუ-ს რექტორის 2010 წლის 13 სექტემბრის N83/01-01 ბრძანების, რექტორის 2018 წლის 21 აგვისტოს №736/01-04 ბრძანებისა და დანართებში მითითებული სტუდენტების განცხადებების საფუძველზე,

ვბრძანებ:

1. მიეცეთ 2018-2019 სასწავლო წლიდან ქართულ ენაში მომზადების საგანმანათლებლო პროგრამაზე ჩარიცხულ სტუდენტებს ბაკალავრიატის, დიპლომირებული მედიკოსის/სტომატოლოგის საგანმანათლებლო პროგრამებზე სწავლის გაგრძელების უფლება სსიპ - ივანე ჯავახიშვილის სახელობის თბილისის სახელმწიფო უნივერსიტეტში ძირითადი საგანმანათლებლო ერთეულების შესაბამისად თანდართული სიის მიხედვით:

ა) ზუსტ და საბუნებისმეტყველო მეცნიერებათა ფაკულტეტი (დანართი №1);
ბ) ჰუმანიტარულ მეცნიერებათა ფაკულტეტი (დანართი №2);
გ) სოციალურ და პოლიტიკურ მეცნიერებათა ფაკულტეტი (დანართი №3);
დ) ეკონომიკისა და ბიზნესის ფაკულტეტი (დანართი №4);
ე) იურიდიული ფაკულტეტი (დანართი №5);
ვ) მედიცინის ფაკულტეტი (დანართი №6);
ზ) ფსიქოლოგიისა და განათლების მეცნიერებათა ფაკულტეტი (დანართი №7);

2. დაევალოს კანცელარიას წინამდებარე ბრძანების განთავსება ყველასთვის ხელმისაწვდომ ადგილზე პირთა მაიდენტიფიცირებელი მონაცემების გარეშე;
3. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს პირთა მაიდენტიფიცირებელი მონაცემების გარეშე;
4. ბრძანება ძალაშია გამოქვეყნებისთანავე.

რექტორი გიორგი შარვაშიძე

სრულად

13/05/2016

ბრძანების N: 808/01-04

სსიპ – ივანე ჯავახიშვილის სახელობის თბილისის სახელმწიფო უნივერსიტეტის აკადემიური ეთიკის დარღვევის დამდგენი კომისიის დამტკიცების შესახებ

,,უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 52-ე მუხლის პირველი ნაწილის, 54–ე მუხლის პირველის ნაწილის, 58-ე მუხლის, ,,საჯარო სამართლის იურიდიული პირის − ივანე ჯავახიშვილის სახელობის თბილისის სახელმწიფო უნივერსიტეტის წესდების დამტკიცების თაობაზე’’ საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუქტის ,,ა“, ,,ო“ და ,,პ“ ქვეპუნქტების, მე-9 პუნქტის, ,,სსიპ – ივანე ჯავახიშვილის სახელობის თბილისის სახელმწიფო უნივერსიტეტის აკადემიური ეთიკისა და სამსახურებრივი საქმიანობის ფარგლებში სამეცნიერო-საგანმანათლებლო ფუნქციის განმახორციელებელი პერსონალის სამსახურებრივი პასუხისმგებლობის შესახებ’’ სსიპ – ივანე ჯავახიშვილის სახელობის თბილისის სახელმწიფო უნივერსიტეტის უნივერსიტეტის აკადემიური საბჭოს 2014 წლის 19 მაისის №46/2014 დადგენილების პირველი პუნქტით დამტკიცებული დებულების მე-4 მუხლის პირველი, მე-3 და მე-4 პუნქტებისა, სსიპ – ივანე ჯავახიშვილის სახელობის თბილისის სახელმწიფო უნივერსიტეტის უნივერსიტეტის აკადემიური საბჭოს 2018 წლის 7 სექტემბრის N20 ხსდომის ოქმისა და სსიპ – ივანე ჯავახიშვილის სახელობის თბილისის სახელმწიფო უნივერსიტეტის უნივერსიტეტის პეტრე მელიქიშვილის სახელობის ფიზიკური და ორგანული ქიმიის ინსტიტუტის დირექტორის ქეთევან ებრალიძეს 2018 წლის 21 აგვისტოს №15510/10-02 და 2018 წლის 03 სექტემბერს 17591/10 განცხადებების საფუძველზე,

ვ ბ რ ძ ა ნ ე ბ:

1. დამტკიცდეს პეტრე მელიქიშვილის სახელობის ფიზიკური და ორგანული ქიმიის ინსტიტუტის დირექტორის ქეთევან ებრალიძეს 2018 წლის 21 აგვისტოს №15510/10-02 და 2018 წლის 03 სექტემბერს 17591/10 წერილებში დასმული საკითხის შემსწავლელი კომისია შემდეგი შემადგენლობით:
ა) ირმა ხარშილაძე - იურიდიული ფაკულტეტის პროფესორი;
ბ) გიორგი ბეზარაშვილი - ზუსტ და საბუნებისმეტყველო მეცნიერებათა ფაკულტეტის ასოცირებული პროფესორი;
გ) ნანა ქოიავა – რაფიელ აგლაძის სახელობის არაორგანული ქიმიისა და ელექტროქიმიის ინსტიტუტის უფროსი მეცნიერ-თანამშრომელი;
დ) მანანა ჩანკაშვილი - რაფიელ აგლაძის სახელობის არაორგანული ქიმიისა და ელექტროქიმიის ინსტიტუტის უფროსი მეცნიერ-თანამშრომელი;
ე) მანანა ბურჯანაძე – პეტრე მელიქიშვილის სახელობის ფიზიკური და ორგანული ქიმიის ინსტიტუტის სწავლული მდივანი.
2. დაევალოს უნივერსიტეტის საინფორმაციო ტექნოლოგიების დეპარტამენტს წინამდებარე ბრძანების უნივერსიტეტის ვებგვერდზე განთავსება .
3. დაევალოს კანცელარიას ბრძანების გადაცემა დაგზავნის ფურცელში მითითებული
     სტრუქტურული ერთეულებისთვის.
4.   ბრძანება ძალაშია გამოცემისთანავე.

რექტორი                      გიორგი შარვაშიძე

სრულად

13/05/2016

ბრძანების N: 216/01-01

სსიპ - ივანე ჯავახიშვილის სახელობის თბილისის სახელმწიფო უნივერსიტეტში 2018-2019 სასწავლო წლის შემოდგომის სემესტრში ჰუმანიტარულ მეცნიერებათა ფაკულტეტის დოქტორანტურაში მისაღებ კონკურსანტებთან გასაუბრების დარგობრივი კომისიის შემადგენლობის დამტკიცების შესახებ

,,უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-2 ნაწილების, 53-ე მუხლის პირველი, მე-2 და მესამე ნაწილების, 54-ე მუხლის პირველი ნაწილის, 57-ე მუხლის, 58-ე მუხლის პირველი ნაწილის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის ,,ა”, ,,ბ”, ,,ო” და ,,პ” ქვეპუნქტების, მე-9 პუნქტის, თსუ აკადემიური საბჭოს 2016 წლის 5 დეკემბრის №143/2016 დადგენილების პირველი პუნქტით დამტკიცებული ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის დოქტორანტურისა და სადისერტაციო საბჭოს დებულების დამტკიცების შესახებ” №1 დანართის მე-9 მუხლის 9.2. პუნქტისა და ჰუმანიტარულ მეცნიერებათა ფაკულტეტის დეკანის 2018 წლის 10 სექტემბრის №18157/27 წარდგინების საფუძველზე

ვბრძანებ:

1. დამტკიცდეს სსიპ - ივანე ჯავახიშვილის სახელობის თბილისის სახელმწიფო უნივერსიტეტში 2018-2019 სასწავლო წლის შემოდგომის სემესტრში ჰუმანიტარულ მეცნიერებათა ფაკულტეტის დოქტორანტურაში მისაღებ კონკურსანტებთან გასაუბრების დარგობრივი კომისიის შემადგენლობა:

კომისიის თავმჯდომარე:

პროფ. ნანა გაფრინდაშვილი - ჰუმანიტარულ მეცნიერებათა ფაკულტეტის დეკანი.

კომისიის წევრები:

1. პროფ. თეიმურაზ პაპასქირი - ჰუმანიტარულ მეცნიერებათა ფაკულტეტის დეკანის მოადგილე.

2. ასოც. პროფ. ეკატერინე ნავროზაშვილი - ჰუმანიტარულ მეცნიერებათა ფაკულტეტის სამეცნიერო კვლევებისა და განვითარების სამსახურის უფროსი.

3. პროფ. დარეჯან გარდავაძე - ჰუმანიტარულ მეცნიერებათა ფაკულტეტის ხარისხის მართვის სამსახურის უფროსი.

4. პროფ. ქეთევან ხუციშვილი – სადისერტაციო საბჭოს თავმჯდომარე

5. ფილ. დოქტ. ნინო პოპიაშვილი - კომისიის მდივანი.

დარგობრივი კომისიები:

ფილოსოფია

1. აკაკი ყულიჯანიშვილი - პროფესორი

2. ვალერიან რამიშვილი - პროფესორი

3. ლელა ალექსიძე - პროფესორი

4. დემურ ჯალაღონია - პროფესორი

5. ირაკლი ბრაჭული - ასოცირებული პროფესორი

6. მამუკა დოლიძე - ასოცირებული პროფესორი

7. ნაპო კვარაცხელია - ასოცირებული პროფესორი

8. ნინო თომაშვილი - ასოცირებული პროფესორი

9. ანასტასია ზაქარიაძე - ასოცირებული პროფესორი

ისტორია:

საქართველოს ისტორია; საქართველოს ისტორია და წყაროთმცოდნეობა; კავკასიის ისტორია; შუა საუკუნეების ისტორია; ახალი და უახლესი ისტორია; ძველი მსოფლიოს ისტორია; მახლობელი აღმოსავლეთის ისტორია

1. მარიამ ჩხარტიშვილი - პროფესორი

2. გიული ალასანია - პროფესორი

3. ჯაბა სამუშია - პროფესორი

4. ჯონი კვიციანი - ასოცირებული პროფესორი

5. მიხეილ ბახტაძე - ასოცირებული პროფესორი

6. გიორგი ოთხმეზური - ასოცირებული პროფესორი

7. დიმიტრი შველიძე - ასოცირებული პროფესორი

8. ნიკოლოზ ჯავახიშვილი - ასოცირებული პროფესორი

9. ბონდო კუპატაძე - ასოცირებული პროფესორი

10. ქეთევან ნადირაძე - ასოცირებული პროფესორი

11. აპოლონ თაბუაშვილი - ასოცირებული პროფესორი

12. ლევან გორდეზიანი - პროფესორი

13. მარიკა მშვილდაძე - ასოცირებული პროფესორი

14. თეიმურაზ პაპასქირი - პროფესორი

15. მურმან პაპაშვილი - პროფესორი

16. თეა წითლანაძე - ასოცირებული პროფესორი

17. მერაბ კალანდაძე - ასოცირებული პროფესორი

18. გოჩა ჯაფარიძე - პროფესორი

19. ნანა გელაშვილი - ასოცირებული პროფესორი

20. ლეილა ხუბაშვილი – ასოცირებული პროფესორი

21. ფატი შეყლაშვილი - ასოცირებული პროფესორი

22. ნანი გელოვანი - ასოცირებული პროფესორი

რუსეთისმცოდნეობა

1. დალი კანდელაკი - ასოცირებული პროფესორი

ამერიკისმცოდნეობა

1. ვასილ კაჭარავა - პროფესორი

2. თემურ კობახიძე - პროფესორი

3. ელენე მეძმარიაშვილი - ასოცირებული პროფესორი

ანთროპოლოგია, არქეოლოგია-პალეოანთროპოლოგია

1. როზეტა გუჯეჯიანი - ასოცირებული პროფესორი

2. დავით ლორთქიფანიძე - აკადემიკოსი

3. ვახტანგ ლიჩელი - პროფესორი

4. ზვიად კვიციანი - ასოცირებული პროფესორი

5. მარინე ფუთურიძე - ასოცირებული პროფესორი

კულტურის კვლევები:

1. ნინო ჩიქოვანი - პროფესორი

2. ქეთევან კაკიტელაშვილი - ასოცირებული პროფესორი

3. ივანე წერეთელი - ასოცირებული პროფესორი

ხელოვნებათმცოდნეობა

1. ზაზა სხირტლაძე - პროფესორი

2. ირინა კოშორიძე - ასოცირებული პროფესორი

3. ნათელა ჯაბუა - ასოცირებული პროფესორი

4. ნინო სილაგაძე - ასოცირებული პროფესორი

5. მაია ციციშვილი - ასოცირებული პროფესორი

6. ირინე მირიჯანაშვილი - ასოცირებული პროფესორი

ფილოლოგია:

ქართველური ენათმეცნიერება; იბერიულ-კავკასიური ენათმეცნიერება; თეორიული და გამოყენებითი ენათმეცნიერება, ქართული ბიბლიის ფილოლოგია.

1. თამაზ გამყრელიძე - პროფესორი

2. რამაზ ქურდაძე - პროფესორი

3. დარეჯან თვალთვაძე – პროფესორი

4. ლელა ციხელაშვილი - ასოცირებული პროფესორი

5. კახა გაბუნია - ასოცირებული პროფესორი

6. რუსუდან ზექალაშვილი - ასოცირებული პროფესორი

7. მაია ლომია - ასოცირებული პროფესორი

8. ინგა სანიკიძე - ასოცირებული პროფესორი

9. გიული შაბაშვილი - ასოცირებული პროფესორი

10. სალომე ომიაძე - ასოცირებული პროფესორი

11. ნინო შარაშენიძე - ასოცირებული პროფესორი

12. ქეთევან მარგიანი-სუბარი - ასოცირებული პროფესორი

13. რევაზ აბაშია - ასოცირებული პროფესორი

14. ეთერ სოსელია - ასოცირებული პროფესორი

15. რუსუდან ასათიანი - ასოცირებული პროფესორი

16. თინათინ ბოლქვაძე - ასოცირებული პროფესორი

17. მარინე ივანიშვილი - ასოცირებული პროფესორი

18. ცირა ბარამიძე - პროფესორი

19. ნანა მაჭავარიანი - ასოცირებული პროფესორი

20. მერაბ ჩუხუა - ასოცირებული პროფესორი

21. როსტომ ფარეულიძე - ასოცირებული პროფესორი

ქართული ლიტერატურის ისტორია; შედარებითი ლიტერატურათმცოდნეობა; ფოლკლორი

1. ელგუჯა ხინთიბიძე - პროფესორი

2. ლელა ხაჩიძე - ასოცირებული პროფესორი

3. ნესტან სულავა - ასოცირებული პროფესორი

4. მაკა ელბაქიძე - ასოცირებული პროფესორი

5. ნანა გონჯილაშვილი - ასოცირებული პროფესორი

6. ვლადიმერ მინაშვილი - ასოცირებული პროფესორი

7. თამარ შარაბიძე - ასოცირებული პროფესორი

8. ეკა ვარდოშვილი - ასოცირებული პროფესორი

9. ქეთევან სიხარულიძე - ასოცირებული პროფესორი

10. კახაბერ ლორია - პროფესორი

11. რუსუდან ნიშნიანიძე - ასოცირებული პროფესორი

12. თამარ პაიჭაძე - ასოცირებული პროფესორი

13. ირმა რატიანი - პროფესორი

14. რამაზ ჭილაია - ასოცირებული პროფესორი

15. გაგა ლომიძე - ასოცირებული პროფესორი

16. ხვთისო მამისიმედიშვილი - ასოცირებული პროფესორი

ინგლისური ფილოლოგია; გერმანული ფილოლოგია; რომანული ფილოლოგია; თარგმანმცოდნეობა; სლავური ფილოლოგია; ევროპული ლიტერატურა, ლიტერატურული ურთიერთობები.

1. მანანა რუსიეშვილი - პროფესორი

2. მანანა გელაშვილი - პროფესორი

3. ინესა მერაბიშვილი - პროფესორი

4. თინათინ მარგალიტაძე - პროფესორი

5. რუსუდან დოლიძე - ასოცირებული პროფესორი

6. გიორგი ყუფარაძე - ასოცირებული პროფესორი

7. ნათელა ნემსაძე - ასოცირებული პროფესორი

8. ნინო დარასელია - ასოცირებული პროფესორი

9. ირინე გველესიანი - ასოცირებული პროფესორი

10. ლალი ქეცბა-ხუნდაძე - პროფესორი

11. ალექსანდრე კარტოზია - პროფესორი

12. მარინა ანდრაზაშვილი - ასოცირებული პროფესორი

13. ნუნუ კაპანაძე - ასოცირებული პროფესორი

14. ნინო ქიმერიძე - ასოცირებული პროფესორი

15. სოფიო მუჯირი - ასოცირებული პროფესორი

16. კონსტანტინე ბრეგაძე - ასოცირებული პროფესორი

17. ქეთევან გაბუნია - პროფესორი

18. ნანა გუნცაძე - ასოცირებული პროფესორი

19. მარინე კობეშავიძე - ასოცირებული პროფესორი

20. მაია ჯავახიძე - ასოცირებული პროფესორი

21. ბელა ხაბეიშვილი - ასოცირებული პროფესორი

22. ირინე დარჩია - ასოცირებული პროფესორი

23. დავით გოცირიძე - პროფესორი

24. მარინე ალექსიძე - ასოცირებული პროფესორი

25. ნატალია ბასილაია - ასოცირებული პროფესორი

26. მარიამ ფილინა - პროფესორი

27. მაია თუხარელი - ასოცირებული პროფესორი

28. ნინო წერეთელი - ასოცირებული პროფესორი

კლასიკური ფილოლოგია, ძველაღმოსავლური ფილოლოგია, ბიზანტიური და ახალბერძნული ფილოლოგია

1. თინათინ დოლიძე - პროფესორი

2. იამზე გაგუა - ასოცირებული პროფესორი

3. ირინე დარჩია - ასოცირებული პროფესორი

4. ეკატერინე კობახიძე - ასოცირებული პროფესორი

5. ნანა ტონია - პროფესორი

6. ზაზა ხინთიბიძე - ასოცირებული პროფესორი

7. ქეთევან ნადარეიშვილი - ასოცირებული პროფესორი

8. მანანა ფხაკაძე - ასოცირებული პროფესორი

9. რუსუდან ცანავა - ასოცირებული პროფესორი

10. სოფიო შამანიდი - სრული პროფესორი

11. ანი ჩიქოვანი - ასოცირებული პროფესორი

12. მაკა ქამუშაძე - ასოცირებული პროფესორი

13. ლევან გიგინეიშვილი - პროფესორი

არაბული ფილოლოგია, თურქული ფილოლოგია, ებრაულ-არამეული ფილოლოგია, არმენოლოგია, ასირიოლოგია

1. მაია ანდრონიკაშვილი - ასოცირებული პროფესორი

2. მარიამ ნანობაშვილი - ასოცირებული პროფესორი

3. გიორგი ლობჟანიძე - ასოცირებული პროფესორი

4. ნინო ეჯიბაძე - ასოცირებული პროფესორი

5. მარინე ჯიქია - პროფესორი

6. ელისაბედ ბჟალავა - ასოცირებული პროფესორი

7. ქეთევან ლორთქიფანიძე - ასოცირებული პროფესორი

8. მარიამ ჩაჩიბაია - პროფესორი

9. მამუკა ბუცხრიკიძე - ასოცირებული პროფესორი

10. დალი ჩიტუნაშვილი - ასოცირებული პროფესორი

11. ნათია ჩანტლაძე - ასოცირებული პროფესორი

12. ირინე ტატიშვილი – პროფესორი

13. მაია ღამბაშიძე - ასოცირებული პროფესორი

14. ფატმან ანთაძე-მალაშხია - ასოცირებული პროფესორი

15. მანანა კვაჭაძე - ასოცირებული პროფესორი

2. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს.

3. ბრძანების დაინტერესებული პირებისათვის გადაცემა დაევალოს უნივერსიტეტის კანცელარიას.

4. ბრძანება ძალაშია გამოცემისთანავე.

რექტორი გიორგი შარვაშიძე

სრულად

13/05/2016

ბრძანების N: 218/01-01

სსიპ - ივანე ჯავახიშვილის სახელობის თბილისის სახელმწიფო უნივერსიტეტის დამხმარე სამეცნიერო ერთეულის - ესპანური სამართლის შესწავლის ინსტიტუტის შექმნისა და დებულების დამტკიცების შესახებ (კოდიფიცირებული)

ცვლილებები შეტანილია აკადემიური საბჭოს
19.02.2018, №56/2018 და 12.11.2018, №220/2018
დადგენილებებით

საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული „საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების“ მე–8 მუხლის პირველი პუნქტის “უ“ და „ღ“ ქვეპუნქტების, მე–11 მუხლის პირველი პუნქტის „დ“ ქვეპუნქტის, უნივერსიტეტის აკადემიური საბჭოს 2012 წლის 13 მარტის №17/2012 დადგენილებით დამტკიცებული აკადემიური საბჭოს რეგლამენტის მე-5 მუხლის პირველი პუნქტის „ც“ და „ხ“ ქვეპუნქტების და იურიდიული ფაკულტეტის № 17565/02, 05.06.2014 წერილის საფუძველზე,

აკადემიური საბჭო ადგენს:

1. შეიქმნას „სსიპ - ივანე ჯავახიშვილის სახელობის თბილისის სახელმწიფო უნივერსიტეტის დამხმარე სამეცნიერო ერთეული - ესპანური სამართლის შესწავლის ინსტიტუტი“. (19.02.2018, №56/2018)

2. დამტკიცდეს „სსიპ - ივანე ჯავახიშვილის სახელობის თბილისის სახელმწიფო უნივერსიტეტის დამხმარე სამეცნიერო ერთეულის - ესპანური სამართლის შესწავლის ინსტიტუტის“ დებულება (დანართი №1). (19.02.2018, №56/2018) (12.11.2018, №220/2018)

3. აღნიშნული გადაწყვეტილება დასამტკიცებლად წარედგინოს სსიპ – ივანე ჯავახიშვილის სახელობის თბილისის სახელმწიფო უნივერსიტეტის წარმომადგენლობით საბჭოს.
4. დადგენილების ყველასათვის ხელმისაწვდომ ადგილზე განთავსება დაევალოს თსუ-ის კანცელარიას.
5. დადგენილება ძალაში შედის კანონმდებლობით დადგენილი წესით.

აკადემიური საბჭოს თავმჯდომარე, აკადემიკოსი ვლადიმერ პაპავა
რექტორი, პროფესორი

სრულად

11/05/2016

ბრძანების N: 51/2014

,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტუდქალაქის შინაგანაწესის დამტკიცების თაობაზე“ ადმინისტრაციის ხელმძღვანელის 2017 წლის 27 სექტემბრის N216/02-01 ბრძანებაში ცვლილებების შეტანის შესახებ

,,უმაღლესი განათლების შესახებ“ საქართველოს კანონის 23-ე მუხლის პირველი პუნქტის, 24-ე მუხლის პირველი პუნქტის ,,ზ“ ქვეპუნქტის, საქართველოს ზოგადი ადმინისტრაციული კოდექსის 52-ე მუხლის პირველი ნაწილის, 54–ე მუხლის პირველი ნაწილის, 57-ე მუხლის და 63-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-15 მუხლის პირველი პუნქტის, მე-16 მუხლის პირველი პუნქტის „ნ“ ქვეპუნქტის და უნივერსიტეტის მატერიალური რესურსების მართვის დეპარტამენტის უფროსის გ. ტალახაძის 2018 წლის 23 აგვისტოს N17148/10 კორესპონდენციის საფუძველზე,

ვბრძანებ:

1. შევიდეს შემდეგი სახის ცვლილებები ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტუდქალაქის შინაგანწესის დამტკიცების თაობაზე“ სსიპ - ივანე ჯავახიშვილის სახელობის თბილისის სახელმწიფო უნივერსიტეტის ადმინისტრაციის ხელმძღვანელის 2017 წლის 27 სექტემბრის N216/02-01 ბრძანების პირველი პუნქტით დამტკიცებულ ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის სტუდქალაქის შინაგანაწესში“:

ა) შინაგანაწესის მე-3 მუხლის პირველი და მე-2 პუნქტები ჩამოყალიბდეს შემდეგი რედაქციით:

,,1. საცხოვრებელ ფართზე დროებით ცხოვრების უფლება ენიჭებათ უნივერსიტეტის აქტიური სტატუსის მქონე სტუდენტებს მიუხედავად მოქალაქეობისა (ონლაინრეგისტრაცია გავლილი პირისა და მობინადრის სტუდენტის აქტიური სტატუსის შესახებ ინფორმაცია დგინდება პერიოდულად - არანაკლებ სასწავლო წლის განმავლობაში ორჯერ, სტუდქალაქის ადმინისტრაციის მიერ).

2. საერთო საცხოვრებელში განთავსების უფლების მქონე პირებს (შემდგომში - ,,მობინადრე“) უფლება აქვთ ისარგებლონ საცხოვრებელი ფართით მეუღლესთან ან/და შვილთან/შვილებთან ერთად მხოლოდ ბაგების საერთო საცხოვრებელში (აღნიშნული პუნქტი ვრცელდება მხოლოდ 2018 წლის 12 სექტემბრამდე საერთო საცხოვრებელში განთავსების უფლების მქონე პირებზე).“.

ბ) შინაგანაწესის მე-3 მუხლს, მე-4 პუნქტის შემდგომ, დაემატოს შემდეგი შინაარსის ,,41“ პუნქტი:

,,41. მობინადრესთან გაფორმებული ხელშეკრულების მოქმედების მაქსიმალური ვადის გახანგრძლივება შესაძლებელია მხოლოდ: შესაბამის საგანმანათლებლო საფეხურზე ამ მობინადრის ახალი ჩარიცხვის სურვილის არსებობის შემთხვევაში (რაც გამოხატული უნდა იყოს მობინადრის წერილობით განცხადებაში), კონკრეტული სასწავლო წლის დაწყების პერიოდისათვის გამოცხადებული ონლაინრეგისტრაციის შედეგების გაცნობამდე, რეგისტრაციის გავლის შემთხვევაში განთავსების უფლების მოპოვებამდე და ასეთ შემთხვევაში შესაბამისი ქირავნობის ხელშეკრულების გაფორმებამდე.“.

გ) შინაგანაწესის მე-4 მუხლის პირველი პუნქტის ,,ა“, ,,ბ“ და ,,გ“ ქვეპუნქტები ამოღებული იქნას.

დ) შინაგანაწესის მე-4 მუხლის პირველი პუნქტის ,,დ“ ქვეპუნქტი ჩამოყალიბდეს ახალი რედაქციით:

,,დ) მეუღლესთან და შვილებთან ერთად საცხოვრებელი ფართით სარგებლობის შემთხვევაში, მეუღლისა და შვილების დაბადების/პირადობის მოწმობის, ან პასპორტის იმ გვერდების ასლი, რომლითაც დგინდება პირის ვინაობა. უცხო ქვეყნის მოქალაქის შემთხვევაში, შესაბამისი სახელმწიფოს მიერ გაცემული პირადობის დამადასტურებელი დოკუმენტის, ბინადრობის მოწმობის და ასეთის არსებობის შემთხვევაში - ვიზის ასლები.

ე) შინაგანაწესის მე-4 მუხლის მე-2 პუნქტი ჩამოყალიბდეს ახალი რედაქციით:

,,2. მე-3 მუხლის მე-5 პუნქტის ,,ა“ და ,,გ“ ქვეპუნქტების მიზნებისათვის სტუდენტის მიერ წარმოდგენილი უნდა იქნას:

ა) მე-3 მუხლის მე-5 პუნქტის ,,ა“ ქვეპუნქტით გათვალისწინებულ შემთხვევაში კანონმდებლობით დადგენილი წესით გაცემული დაბადების მოწმობა;

ბ) მე-3 მუხლის მე-5 პუნქტის ,,ბ“ ქვეპუნქტით გათვალისწინებულ შემთხვევაში საქართველოს კანონმდებლობით დადგენილი წესით გაცემული გარდაცვალების მოწმობა, ან უგზო-უკვლოდ დაკარგულად აღიარების დოკუმენტი;

გ) მე-3 მუხლის მე-5 პუნქტის ,,გ“ ქვეპუნქტით გათვალისწინებულ შემთხვევაში, საქართველოს კანონმდებლობით დადგენილი ფორმით გაცემული სოციალურად დაუცველი ოჯახის მონაცემების ერთიან ბაზაში რეგისტრაციის მოწმობა.“.

ვ) შინაგანაწესის მე-4 მუხლის მე-3 პუნქტი ჩამოყალიბდეს ახალი რედაქციით:

,,3. საერთო საცხოვრებელში სარგებლობის უფლების მოპოვების მიზნით ადმინისტრაციის ხელმძღვანელის ბრძანებით, სასწავლო წლის განმავლობაში ერთხელ ცხადდება ონლაინ რეგისტრაცია, მისი დაწყებისა და დასრულების ვადები. ონლაინრეგისტრაცია ხორციელდება სტუდენტის პორტალზე. გარდა რეგისტრაციისათვის გათვალისწინებული სხვა დასარეგისტრირებელი ინფორმაციისა, სტუდენტს ეძლევა საშუალება დააფიქსიროს საცხოვრებელი ადგილი თავისი სურვილისამებრ - ბაგების საერთო საცხოვრებელი ან/და ლისის საერთო საცხოვრებელი. ონლაინრეგისტრაცია ითვალისწინებს პირადობის მოწმობის, ან პასპორტის იმ გვერდების ელ. ვერსიის, რომლითაც დგინდება პირის ვინაობა, უცხო ქვეყნის მოქალაქის შემთხვევაში, შესაბამისი სახელმწიფოს მიერ გაცემული პირადობის დამადასტურებელი დოკუმენტის, ბინადრობის მოწმობის და ასეთის არსებობის შემთხვევაში - ვიზის ელ. ვერსიის სტუდენტის პორტალზე ატვირთვის ვალდებულებას.“.

ზ) შინაგანაწესის მე-4 მუხლის მე-4 პუნქტი ჩამოყალიბდეს ახალი რედაქციით:

,,4. ონლაინრეგისტრაციის დასრულების შემდგომ ონლაინრეგისტრაცია გავლილი ის პირები, რომლებიც მიეკუთვნებიან ამ მუხლის პირველი პუნქტის ,,დ“ ქვეპუნქტითა და მე-3 მუხლის მე-5 პუნქტის ,,ა“ - ,,გ“ ქვეპუნქტებს, ვალდებულნი არიან წარმოადგინონ მე-4 მუხლის პირველი პუნქტის ,,დ“ ქვეპუნქტითა და ამავე მუხლის მე-2 პუნქტით გათვალისწინებული დოკუმენტაცია ონლაინრეგისტრაციის დასრულების შემდგომ 5 (ხუთი) სამუშაო დღის ვადაში, სტუდქალაქის ადმინისტრაციაში.“.

თ) შინაგანაწესის მე-4 მუხლის მე-5 პუნქტი ჩამოყალიბდეს ახალი რედაქციით:

,,5. წარმოდგენილი დოკუმენტაცია განიხილება დოკუმენტაციის წარმოდგენის ვადის დასრულებიდან 15 სამუშაო დღის ვადაში (არასრულად წარმოდგენილი დოკუმენტაციის ხარვეზის აღმოფხვრის არაუმეტეს 5 დღიანი ვადის გათვალისწინებით). სტუდქალაქის ადმინისტრაცია უფლებამოსილია წარმოდგენილი დოკუმენტაციის სისწორე გადაამოწმოს, მობინადრესთან გაფორმებული ხელშეკრულების მოქმედების ვადის ნებისმიერ პერიოდში.”.

2. ბრძანების უნივერსიტეტის ოფიციალურ ვებგვერდზე განთავსება დაევალოს საინფორმაციო ტექნოლოგიების დეპარტამენტს.

3. ბრძანება ძალაში შედის კანონმდებლობით დადგენილი წესით.

ადმინისტრაციის ხელმძღვანელი ნუნუ ოვსიანიკოვა

სრულად

11/05/2016

ბრძანების N: 230/02-01

სტუდენტთა საყურადღებოდ

სასწავლო პროცესის მიმდინარეობა

2020-2021 სასწავლო წელი, შემოდგომის სემესტრი

არსებული ვითარებიდან გამომდინარე, თსუ-ში 2020-2021 სასწავლო წლის შემოდგომის სემესტრში სასწავლო პროცესი (ბაკალავრიატი) ა/წ 14 სექტემბრიდან დაიწყება დისტანციურად.

(მაგისტრატურა, დოქტორანტურა)სასწავლო პროცესი ა/წ 21 სექტემბრიდან დაიწყება.

ყველა სტუდენტი და მათ შორის, პირველი სემესტრის სტუდენტები აუცილებლად უნდა დარეგისტრირდნენ zoom.us-ის პლატფორმაზე.
აკადემიური და მოწვეული პერსონალის zoom - ის ID და password განთავსებულია ეკონომიკისა და ბიზნესის ფაკულტეტის ვებ გვერდზე, ელექტრონული სწავლების ბლოკში: https://www.tsu.ge/ge/faculties/economics/elearning/7r-zrqtgpom32b05v//
ასევე პედაგოგების zoom - ის ID და password განთავსებულია თსუ ელექტრონულ ბაზაში www.lms.tsu.ge პედაგოგის სახელი და გვარის გასწვრივ

შენიშვნა: zoom.us-ის პლატფორმაზე დარეგისტრირების დროს წარმოქმნილი ტექნიკური და სხვა სახის პრობლემების მოგვარებისთვის შეგიძლიათ მიმართოთ ეკონომიკისა და ბიზნესის ფაკულტეტის მთავარ სპეციალისტს, ბატონ ზვიად სიგუას, მობ. ტელ., 577 211 322.

სასწავლო პროცესთან დაკავშირებული დამატებითი ინფორმაციასთვის მიმართეთ ფაკულტეტის ცხელ ხაზს, ტელ., 2 25 04 84 (9740) ან (9741); მობილურზე: 577 949 737 და 593 374 882.

ტურიზმის სკოლის შემთხვევაში გთხოვთ დაუკავშირდეთ ქალბატონ ნუნუ რაფავას

მობილურზე: 599518729

სრულად

06/05/2016

ბრძანების N:

„სსიპ – ივანე ჯავახიშვილის სახელობის თბილისის სახელმწიფო უნივერსიტეტის სასწავლო პროცესის მარეგულირებელი წესის დამტკიცების შესახებ“ აკადემიური საბჭოს 2011 წლის 25 ივლისის №77/2011 დადგენილებაში ცვლილებებისა და დამატებების შეტანის შესახებ

„უმაღლესი განათლების შესახებ“ საქართველოს კანონის 21-ე მუხლის პირველი პუნქტის „ს“ ქვეპუნქტის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული „საჯარო სამართლის იურიდიული პირი – ივანე ჯავახიშვილის სახელობის თბილისის სახელმწიფო უნივერსიტეტის წესდების“ მე–8 მუხლის პირველი პუნქტის „ქ“ ქვეპუნქტის, უნივერსიტეტის აკადემიური საბჭოს 2012 წლის 13 მარტის №17/2012 დადგენილებით დამტკიცებული აკადემიური საბჭოს რეგლამენტის მე-5 მუხლის პირველი პუნქტის „ჭ“ ქვეპუნქტისა და სასწავლო პროცესის მართვის დეპარტამენტის 22.05.2014, №16222/02 წერილის საფუძველზე,

აკადემიური საბჭო ადგენს:

1. შევიდეს ცვლილება „სსიპ – ივანე ჯავახიშვილის სახელობის თბილისის სახელმწიფო უნივერსიტეტის სასწავლო პროცესის მარეგულირებელი წესის დამტკიცების შესახებ“ აკადემიური საბჭოს 2011 წლის 25 ივლისის №77/2011 დადგენილების პირველი პუნქტით დამტკიცებული №1 დანართის მე-4 მუხლის მე-3 პუნქტში და ჩამოყალიბდეს შემდეგი რედაქციით:

"3. სასწავლო წლის დაწყებამდე რექტორის ბრძანებით განისაზღვრება წინასწარი აკადემიური, ადმინისტრაციული და აკადემიური რეგისტრაციის, სააუდიტორიო მეცადინეობებისა და საგამოცდო პერიოდის ვადები.“

2. შევიდეს დამატება „სსიპ – ივანე ჯავახიშვილის სახელობის თბილისის სახელმწიფო უნივერსიტეტის სასწავლო პროცესის მარეგულირებელი წესის დამტკიცების შესახებ“ აკადემიური საბჭოს 2011 წლის 25 ივლისის №77/2011 დადგენილების პირველი პუნქტით დამტკიცებულ №1 დანართში და დაემატოს შემდეგი შინაარსის 6¹ მუხლი:

"მუხლი 6¹. წინასწარი აკადემიური რეგისტრაცია

1. ამავე წესის მე-6 მუხლის პირველი და მე-3 პუნქტებით გათვალისწინებული რეგისტრაციის დაწყებამდე ფაკულტეტებს ეძლევათ შესაძლებლობა გამოაცხადონ წინასწარი აკადემიური რეგისტრაცია, რაც გულისხმობს სტუდენტის სასწავლო კურსებზე დარეგისტრირებას სასწავლო პროცესის მართვის სისტემის საშუალებით.
2. წინასწარი აკადემიური რეგისტრაცია ნებაყოფლობითია როგორც ფაკულტეტის, ასევე შესაბამისი ფაკულტეტის სტუდენტებისათვის.
3. რექტორის ბრძანებით წინასწარი აკადემიური რეგისტრაციისათვის განსაზღვრულ ვადებში სტუდენტის მიერ რეგისტრაციის გაუვლელობის შემთხვევაში, საგნების დარეგისტრირება შესაძლებელია აკადემიური რეგისტრაციისთვის განსაზღვრულ პერიოდში სასწავლო კურსებისათვის გამოყოფილი ადგილების ფარგლებში.
4. ადმინისტრაციული რეგისტრაციის გაუვლელობის შემთხვევაში უქმდება წინასწარი აკადემიური რეგისტრაციის პერიოდში არჩეული სასწავლო კურსები.
5. წინასწარ აკადემიურ რეგისტრაციასთან დაკავშირებული სხვა დანარჩენი პირობები განისაზღვრება უნივერსიტეტის სასწავლო პროცესის მართვისა და საინფორმაციო ტექნოლოგიების დეპარტამენტებთან წერილობითი შეთანხმების საფუძველზე გამოცემული ფაკულტეტის დეკანის ინდივიდუალური ადმინისტრაციულ-სამართლებრივი აქტით.“

3. შევიდეს ცვლილება „სსიპ – ივანე ჯავახიშვილის სახელობის თბილისის სახელმწიფო უნივერსიტეტის სასწავლო პროცესის მარეგულირებელი წესის დამტკიცების შესახებ“ აკადემიური საბჭოს 2011 წლის 25 ივლისის №77/2011 დადგენილებით დამტკიცებული დანართი №1-ის მე-16 მუხლის სათაურში და ჩამოყალიბდეს შემდეგი რედაქციით:

“მუხლი 16. შუალედური/დასკვნითი გამოცდა“.

4. შევიდეს დამატება „სსიპ – ივანე ჯავახიშვილის სახელობის თბილისის სახელმწიფო უნივერსიტეტის სასწავლო პროცესის მარეგულირებელი წესის დამტკიცების შესახებ“ აკადემიური საბჭოს 2011 წლის 25 ივლისის №77/2011 დადგენილებით დამტკიცებული დანართი №1-ის მე-16 მუხლში და დაემატოს შემდეგი შინაარსის 2¹ პუნქტი:

„2¹. შუალედური გამოცდის აღდგენის პირობები:

ა) შუალედურ გამოცდაზე გამოუცხადებლობის შემთხვევაში, როდესაც გამოცდას ატარებს ფაკულტეტი, გამოცდის აღდგენა დასაშვებია დეკანის სახელზე სტუდენტის განცხადების საფუძველზე, გამოუცხადებლობის საპატიო მიზეზის მითითებითა და ამ მიზეზის არსებობის დამადასტურებელი დოკუმენტის წარდგენით. გადაწყვეტილებას გამოცდის აღდგენის თაობაზე იღებს დეკანი. გამოცდის აღდგენა შესაძლებელია მოხდეს შუალედური გამოცდის ჩატარების დღიდან 2 კვირის ვადაში;
ბ) შუალედურ გამოცდაზე გამოუცხადებლობის შემთხვევაში, როდესაც გამოცდას ატარებს საგამოცდო ცენტრი, შესაბამისი გამოცდის აღდგენა დასაშვებია საგამოცდო ცენტრისათვის ელექტრონული ბაზის sაშუალებით (sms.tsu.ge) სტუდენტის მიერ გაგზავნილი მიმართვის საფუძველზე გამოუცხადებლობის საპატიო მიზეზის მითითებითა და გამოცდის აღდგენამდე ამ მიზეზის არსებობის დამადასტურებელი დოკუმენტის წარდგენით. გადაწყვეტილებას გამოცდის აღდგენის თაობაზე იღებს საგამოცდო ცენტრი. გამოცდის აღდგენა უნდა მოხდეს შუალედური გამოცდის ჩატარების დღიდან 2 კვირის ვადაში.
გ) შუალედური გამოცდის აღდგენისათვის განკუთვნილი 2 კვირის განმავლობაში გამოუცხადებლობის შემთხვევაში სტუდენტისათვის ინდივიდუალური წესით შუალედური გამოცდის აღდგენა დასაშვებია მხოლოდ საპატიო მიზეზის არსებობის შემთხვევაში. გადაწყვეტილებას ინდივიდუალური წესით შუალედური გამოცდის აღდგენის თაობაზე იღებს ფაკულტეტის დეკანი."

5. შევიდეს ცვლილება „სსიპ – ივანე ჯავახიშვილის სახელობის თბილისის სახელმწიფო უნივერსიტეტის სასწავლო პროცესის მარეგულირებელი წესის დამტკიცების შესახებ“ აკადემიური საბჭოს 2011 წლის 25 ივლისის №77/2011 დადგენილებით დამტკიცებული დანართი №1-ის მე-16 მუხლის მე-4 პუნქტის „გ“ ქვეპუნქტში და ჩამოყალიბდეს შემდეგი რედაქციით:

„გ) ძირითად და დამატებით გამოცდებზე გამოუცხადებლობის შემთხვევაში სტუდენტისათვის საგამოცდო პერიოდის გასვლის შემდეგ გამოცდის ინდივიდუალური წესით დანიშვნა დასაშვებია მხოლოდ საპატიო მიზეზის არსებობის შემთხვევაში. გადაწყვეტილებას საგამოცდო პერიოდის გასვლის შემდეგ გამოცდის ინდივიდუალური წესით დანიშვნის თაობაზე დეკანის წარდგინების საფუძველზე იღებს უნივერსიტეტის რექტორი."

6. დადგენილების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს.
7. დადგენილების ყველასათვის ხელმისაწვდომ ადგილზე განთავსება დაევალოს თსუ-ის კანცელარიას.
8. დადგენილება ძალაში შევიდეს საჯაროდ გამოცხადებისთანავე.

აკადემიური საბჭოს თავმჯდომარე, აკადემიკოსი ვლადიმერ პაპავა
რექტორი, პროფესორი

სრულად

06/05/2016

ბრძანების N: 48/2014

სსიპ - ივანე ჯავახიშვილის სახელობის თბილისის სახელმწიფო უნივერსიტეტში 2018-2019 სასწავლო წლის შემოდგომის სემესტრისათვის საერთო სამაგისტრო გამოცდების გავლის გარეშე სწავლის უფლების მქონე მაგისტრანტობის კანდიდატებისათვის საგანმანათლებლო პროგრამის ენის ცოდნის დადგენის მიზნით გასაუბრების ჩატარების ვადის განსაზღვრის თაობაზე

,,უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი ნაწილის, 54-ე მუხლის პირველი ნაწილის, 55-ე მუხლის პირველი და მე-2 ნაწილების, 56–ე მუხლის მე-2 და მე-3 ნაწილების, 57-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის-ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის "ა", "ბ" "ო" და "პ" ქვეპუნქტების, მე-9 და მე-11 პუნქტებისა და „სსიპ - ივანე ჯავახიშვილის სახელობის თბილისის სახელმწიფო უნივერსიტეტში ერთიანი ეროვნული გამოცდების/საერთო სამაგისტრო გამოცდების გავლის გარეშე სწავლის უფლების მქონე აბიტურიენტების/მაგისტრანტობის კანდიდატების/სტუდენტების მიღების წესისა და უცხო ენის ცოდნის განმარტების შესახებ“ თსუ-ს აკადემიური საბჭოს 2014 წლის 9 ივნისის N49/2014 დადგენილების პირველი პუნქტით დამტკიცებული N1 დანართის მე-5 მუხლის 21 პუნქტის საფუძველზე,

ვბრძანებ:

1. განისაზღვროს სსიპ - ივანე ჯავახიშვილის სახელობის თბილისის სახელმწიფო უნივერსიტეტში 2018-2019 სასწავლო წლის შემოდგომის სემესტრისათვის საერთო სამაგისტრო გამოცდების გავლის გარეშე სწავლის უფლების მქონე მაგისტრანტობის კანდიდატებისათვის საგანმანათლებლო პროგრამის ენის ცოდნის დადგენის მიზნით გასაუბრების ჩატარების ვადად 2018 წლის 7 სექტემბერი, გასაუბრება ინგლისურ ენაში - 1000 საათი (თსუ პირველი კორპუსი, 120-ე ოთახი).

2. აღნიშნული გასაუბრების ვიდეოჩანაწერის უზრუნველყოფა და სასწავლო პროცესის მართვის დეპარტამენტისათვის გადაცემა დაევალოს სსიპ - ივანე ჯავახიშვილის სახელობის თბილისის სახელმწიფო უნივერსიტეტის საზოგადოებასთან ურთიერთობის დეპარტამენტს;

3. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს.

4. ბრძანების ყველასათვის ხელმისაწვდომ ადგილზე განთავსების და შესაბამისი სტრუქტურული ერთეულებისათვის გადაცემის უზრუნველყოფა დაევალოს უნივერსიტეტის კანცელარიას.

5. ბრძანება ძალაშია გამოცემისთანავე.

რექტორის მოავალეობის შემსრულებელი,

რექტორის მოადგილე ალექსანდრე ცისკარიძე

სრულად

06/05/2016

ბრძანების N: 210/01-01

სსიპ – ივანე ჯავახიშვილის სახელობის თბილისის სახელმწიფო უნივერსიტეტში 2018-2019 სასწავლო წლის შემოდგომის სემესტრში შპს - შავი ზღვის საერთაშორისო უნივერსიტეტისა და შპს - ევროპის უნივერსიტეტის სტუდენტების რიგგარეშე მობილობისათვის ვაკანტური ადგილების, ვადებისა და წარმოსადგენი დოკუმენტების ნუსხის განსაზღვრის შესახებ

„უმაღლესი განათლების შესახებ" საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 52-ე მუხლის პირველი და მე-2 ნაწილების, 53-ე მუხლის პირველი, მე-2 და მე-3 ნაწილების, 54-ე მუხლის პირველი ნაწილის, 55-ე მუხლის პირველი და მე-2 ნაწილების, 56–ე მუხლის მე-2 და მე-3 ნაწილების, 57-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის „ა“, „ბ“, „ო“ და „პ“ ქვეპუნქტების, მე-9 და მე-11 პუნქტების, საქართველოს განათლებისა და მეცნიერების მინისტრის 2010 წლის 4 თებერვლის „უმაღლესი საგანმანათლებლო დაწესებულებიდან სხვა უმაღლეს საგანმანათლებლო დაწესებულებაში გადასვლის წესისა და საფასურის დამტკიცების შესახებ“ №10/ნ ბრძანების №1 დანართის მე-5 მუხლის 11 პუნქტის და მე-51 მუხლის მე-3 პუნქტის „ა-გ“ ქვეპუნქტების, სსიპ - განათლების ხარისხის განვითარების ეროვნული ცენტრის დირექტორის 2018 წლის 3 სექტემბრის N809/ი ბრძანების, სსიპ - განათლების ხარისხის განვითარების ეროვნული ცენტრის რეესტრის სამმართველოს უფროსის 2018 წლის 4 სექტემბრის N16660/10-02 წერილის, ეკონომიკისა და ბიზნესის ფაკულტეტის დეკანის მოადგილის, სოციალურ და პოლიტიკურ მეცნიერებათა ფაკულტეტის დეკანისა და ფსიქოლოგიისა და განათლების მეცნიერებათა ფაკულტეტის დეკანის 2018 წლის 5 სექტემბრის N16879/10-02 წერილების, იურიდიული ფაკულტეტის 2018 წლის 5 სექტემბრის N17029/10-02 და მედიცინის ფაკულტეტის 2018 წლის 5 სექტემბრის N17841/32 წერილის საფუძველზე,

ვ ბ რ ძ ა ნ ე ბ:

1. განისაზღვროს 2018-2019 სასწავლო წლის შემოდგომის სემესტრში რიგგარეშე მობილობისათვის ვაკანტური ადგილები სსიპ – ივანე ჯავახიშვილის სახელობის თბილისის სახელმწიფო უნივერსიტეტის საგანმანათლებლო პროგრამებზე, იმ პირებისათვის, რომლებმაც წარმატებით დაძლიეს ერთიანი ეროვნული გამოცდები და სსიპ - გამოცდებისა და შეფასების ეროვნული ცენტრის მიერ დამტკიცებული რანჟირების დოკუმენტის შესაბამისად ჩარიცხვის მიზნით ვერ მიმართავენ შპს - შავი ზღვის საერთაშორისო უნივერსიტეტსა და შპს - ევროპის უნივერსიტეტს.

N	საფეხური	საგანმანათლებლო ერთეული	საგანმანათლებლო პროგრამა	ადგილების რაოდენობა
1	ბაკალავრიატი	იურიდიული	სამართალი	18
2	ბაკალავრიატი	ეკონომიკისა და ბიზნესის	ბიზნესის ადმინისტრირება	18
3	ბაკალავრიატი	ეკონომიკისა და ბიზნესის	ეკონომიკა	8
4	ბაკალავრიატი	ეკონომიკისა და ბიზნესის	ტურიზმი	14
5	ბაკალავრიატი	ფსიქოლოგიისა და განათლების მეცნიერებათა	ფსიქოლოგია	7
6	ბაკალავრიატი	სოციალურ და პოლიტიკურ მეცნიერებათა	საერთაშორისო ურთიერთობები	5
7	ერთსაფეხურიანი	მედიცინის	მედიცინა (ინგლისურენოვანი)	4
8	ერთსაფეხურიანი	მედიცინის	სტომატოლოგია	4

2. განისაზღვროს 2018-2019 სასწავლო წლის შემოდგომის სემესტრის რიგგარეშე მობილობის ვადები:

ა) დოკუმენტაციის მიღება და ხელშეკრულების გაფორმება - 10 - 13 სექტემბერი;

ბ) საგანმანათლებლო ერთეულების მიერ სასწავლო პროცესის მართვის დეპარტამენტისათვის ჩასარიცხ პირთა სიის წარდგენა - 14 სექტემბერი;

გ) ჩასარიცხ პირთა შესახებ ბრძანების პროექტის მომზადება და წარდგენა სსიპ - განათლების ხარისხის განვითარების ეროვნულ ცენტრში - 17 სექტემბერი.

3. განისაზღვროს წარმოსადგენი დოკუმენტების ნუსხა (უმაღლესი საგანმანათლებლო დაწესებულების მიერ სათანადო წესით დამოწმებული):

ა) განცხადება რექტორის სახელზე;

ბ) სრული ზოგადი განათლების დამადასტურებელი დოკუმენტის ნოტარიულად დამოწმებული ასლი;

გ) პირადობის დამადასტურებელი მოწმობის/პასპორტის ასლი (დედნის წარმოდგენით);

დ) ორი ცალი ფოტოსურათი (3X4), ელექტრონული ვერსია CD-ზე;

ე) სამხედრო აღრიცხვაზე ყოფნის დამადასტურებელი დოკუმენტის ასლი (ვაჟებისათვის);

ვ) უცხო ქვეყანაში მიღებული განათლების აღიარების დამადასტურებელი დოკუმენტის ასლი (ასეთის არსებობის შემთხვევაში).

4. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს;

5. დაევალოს კანცელარიას, ბრძანება განათავსოს ყველასათვის ხელმისაწვდომ ადგილზე და გადასცეს შესაბამის სტრუქტურულ ერთეულებს;

6. ბრძანება ძალაშია გამოცემისთანავე.

რექტორის მოვალეობის შემსრულებელი,

რექტორის მოადგილე ალექსანდრე ცისკარიძე

სრულად

06/05/2016

ბრძანების N: 211/01-01

სსიპ - ივანე ჯავახიშვილის სახელობის თბილისის სახელმწიფო უნივერსიტეტში ერთიანი ეროვნული გამოცდების/საერთო სამაგისტრო გამოცდების გავლის გარეშე სწავლის უფლების მქონე აბიტურიენტების/მაგისტრანტობის კანდიდატების/სტუდენტების მიღების წესი და უცხო ენის ცოდნის განმარტება

„უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი ნაწილის, 54-ე მუხლის პირველი ნაწილის, 56-ე მუხლის მე-2 ნაწილის, 57-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული „საჯარო სამართლის იურიდიული პირი-ივანე ჯავახიშვილის სახელობის თბილისის სახელმწიფო უნივერსიტეტის წესდების“ მე-7 მუხლის პირველი პუნქტის, მე-8 მუხლის პირველი პუნქტის „წ" ქვეპუნქტის, „სსიპ-ივანე ჯავახიშვილის სახელობის თბილისის სახელმწიფო უნივერსიტეტის ინდივიდუალური ადმინისტრაციულ-სამართლებრივი აქტების საჯაროდ გამოცხადების წესის დამტკიცების შესახებ" თსუ-ის რექტორის 2010 წლის 13 სექტემბრის №83/01-01 ბრძანების და სასწავლო პროცესის მართვის დეპარტამენტის 27.05.2014, №16387/02 წერილის საფუძველზე,

აკადემიური საბჭო ადგენს:

1. დამტკიცდეს „სსიპ-ივანე ჯავახიშვილის სახელობის თბილისის სახელმწიფო უნივერსიტეტში ერთიანი ეროვნული გამოცდების/საერთო სამაგისტრო გამოცდების გავლის გარეშე სწავლის უფლების მქონე აბიტურიენტების/მაგისტრანტობის კანდიდატების/სტუდენტების მიღების წესი" (დანართი №1).

2. წინამდებარე დადგენილების მიზნებისთვის დამტკიცდეს ,,უცხო ენის ცოდნის განმარტება” (დანართი №2).

3. წინამდებარე დადგენილების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს.
4. წინამდებარე დადგენილების ყველასათვის ხელმისაწვდომ ადგილზე განთავსება დაევალოს თსუ-ის კანცელარიას.
5. დადგენილება ძალაში შედის საჯარო გამოცხადებისთანავე.

აკადემიური საბჭოს თავმჯდომარე, აკადემიკოსი ვლადიმერ პაპავა
რექტორი, პროფესორი

სრულად

05/05/2016

ბრძანების N: 49/2014

სსიპ - ივანე ჯავახიშვილის სახელობის თბილისის სახელმწიფო უნივერსიტეტში 2018-2019 სასწავლო წელს მაგისტრატურაში სპეციალობის მისაღები საგამოცდო კომისიისა და საპრეტენზიო საბჭოს დამტკიცების შესახებ

„უმაღლესი განათლების შესახებ” საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-2 ნაწილების, 53-ე მუხლის პირველი, მე-2 და მესამე ნაწილების, 54-ე მუხლის პირველი ნაწილის, 57-ე მუხლის, 58-ე მუხლის პირველი ნაწილის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის „ა”, „ბ”, „ო” და „პ” ქვეპუნქტების, მე-9 და მე-11 პუნქტების, ზუსტ და საბუნებისმეტყველო მეცნიერებათა ფაკულტეტის დეკანის 2018 წლის 3 სექტემბრის N17612/28, სოციალურ და პოლიტიკურ მეცნიერებათა ფაკულტეტის დეკანის 2018 წლის 29 აგვისტოს N17325/30, მედიცინის ფაკულტეტის დეკანის 2018 წლის 4 სექტემბრის N17644/32), მიგრაციის კომპეტენციის ცენტრის ხელმძღვანელის 2018 წლის 31 საგვისტოს N17522/31-01, იურიდიული ფაკულტეტის დეკანის 2018 წლის 6 სექტემბრის N17926/31-01 და N17982/31-05, ჰუმანიტარულ მეცნიერებათა ფაკულტეტის დეკანის 2018 წლის 5 სექტემბრის N17793/27, ეკონომიკისა და ბიზნესის ფაკულტეტის დეკანის 2018 წლის 3 სექტემბრის N17549/29, ფსიქოლოგიისა და განათლების მეცნიერებათა ფაკულტეტის დეკანის 2018 წლის 17 აგვისტოს N16894/26, ევროპული კვლევების ინსტიტუტის დირექტორის 2018 წლის 6 სექტემბრის N17944/10 წარდგინებების საფუძველზე,

ვბრძანებ:

1. დამტკიცდეს სსიპ - ივანე ჯავახიშვილის სახელობის თბილისის სახელმწიფო უნივერსიტეტში 2018-2019 სასწავლო წელს მაგისტრატურაში სპეციალობის მისაღები გამოცდის და საპრეტენზიო საბჭოს შემადგენლობა ფაკულტეტების შესაბამისად:

ა) ზუსტ და საბუნებისმეტყველო მეცნიერებათა ფაკულტეტი (დანართი 1);

ბ) ჰუმანიტარულ მეცნიერებათა ფაკულტეტი (დანართი 2);

გ) სოციალურ და პოლიტიკურ მეცნიერებათა ფაკულტეტი (დანართი 3);

დ) ეკონომიკისა და ბიზნესის ფაკულტეტი (დანართი 4);

ე) იურიდიული ფაკულტეტი (დანართი 5);

ვ) მედიცინის ფაკულტეტი (დანართი 6);

ზ) ფსიქოლოგიისა და განათლების მეცნიერებათა ფაკულტეტი (დანართი 7).

2. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს.

3. ბრძანების დაინტერესებული პირებისათვის გადაცემა დაევალოს უნივერსიტეტის კანცელარიას.

4. ბრძანება ძალაშია გამოცემისთანავე.

რექტორის მოვალეობის შემსრულებელი,

რექტორის მოადგილე ალექსანდრე ცისკარიძე

სრულად

05/05/2016

ბრძანების N: 212/01-01

,,სსიპ – ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტზე ასოცირებული პროფესორების სამსახურში მისაღებად კონკურსის გამოცხადების შესახებ“ რექტორის მოვალეობის შემსრულებლის 2013 წლის 17 დეკემბრის №:172/01-01 ბრძანებით ჰუმანიტარულ მეცნიერებათა ფაკულტეტზე ასოცირებული პროფესორის სამსახურში მისაღებად გამოცხადებული კონკურსის (რომანული ფილოლოგიის მიმართულებით) დასრულებულად ჩათვლის შესახებ

,,უმაღლესი განათლების შესახებ“ საქართველოს კანონის 21-ე მუხლის პირველი პუნქტის ,,ს“ ქვეპუნქტის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული „საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების“ მე-8 მუხლის პირველი პუნქტის „ც“ ქვეპუნქტის, „სსიპ – ივანე ჯავახიშვილის სახელობის თბილისის სახელმწიფო უნივერსიტეტის აკადემიური პერსონალის სამსახურში მიღებისა და კონკურსის ჩატარების ერთიანი წესის შესახებ“ აკადემიური საბჭოს 2013 წლის 18 ნოემბრის №126/2013 დადგენილების, უნივერსიტეტის აკადემიური საბჭოს 2012 წლის 13 მარტის №17/2012 დადგენილებით დამტკიცებული აკადემიური საბჭოს რეგლამენტის მე-5 მუხლის პირველი პუნქტის „ს“ ქვეპუნქტის, უნივერსიტეტის რექტორის მოვალეობის შემსრულებლის 2013 წლის 17 დეკემბრის №172/01-01 და უნივერსიტეტის რექტორის 2014 წლის 24 თებერვლის №36/01-01 ბრძანებებისა და სსიპ – ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტზე ასოცირებულ პროფესორთა აკადემიური თანამდებობების დასაკავებლად შექმნილი შესარჩევი საკონკურსო კომისიის თავმჯდომარის (აკადემიური საბჭოს 2014 წლის 10 თებერვლის №11/2014 დადგენილების პირველი პუნქტის „ბ“ ქვეპუნქტი -რომანული ფილოლოგიის, ფრანგული ენის მიმართულება) კორესპონდენციის (2014 წლის 5 მაისის #14374/02) საფუძველზე,

აკადემიური საბჭო ადგენს:

1. არადამაკმაყოფილებლად შეფასდეს ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტზე ასოცირებული პროფესორების აკადემიური თანამდებობების დასაკავებლად შესარჩევი საკონკურსო კომისიების შემადგენლობების დამტკიცების შესახებ“ სსიპ - ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2014 წლის 10 თებერვლის #11/2014 დადგენილებით დამტკიცებული საკონკურსო კომისიის (რომანული ფილოლოგიის, ფრანგული ენის მიმართულება) მუშაობა, კომისიის მიერ ,,სსიპ - ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2014 წლის 10 თებერვლის №11/2014 დადგენილებით დამტკიცებული საკონკურსო კომისიის შემაჯამებელი ოქმის დამტკიცებაზე უარის თქმის შესახებ“ უნივერსიტეტის აკადემიური საბჭოს 2014 წლის 14 აპრილის №37/2014 დადგენილებით განსაზღვრული მითითებებისა და შესაბამისი გადაწყვეტილების მიღებისათვის დადგენილი ვადის გაუთვალისწინებლობის გამო.

2. დასრულებულად ჩაითვალოს ,,სსიპ – ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტზე ასოცირებული პროფესორების სამსახურში მისაღებად კონკურსის გამოცხადების შესახებ“ რექტორის მოვალეობის შემსრულებლის 2013 წლის 17 დეკემბრის №:172/01-01 ბრძანებით ჰუმანიტარულ მეცნიერებათა ფაკულტეტზე ასოცირებული პროფესორის სამსახურში მისაღებად გამოცხადებული კონკურსი რომანული ფილოლოგიის (ასოცირებული პროფესორი - 1) მიმართულებით.

3. ეთხოვოს ჰუმანიტარულ მეცნიერებათა ფაკულტეტს იმსჯელოს რომანული ფილოლოგიის მიმართულებით ახალი კონკურსის გამოცხადების მიზანშეწონილობაზე.

4. დადგენილების ყველასათვის ხელმისაწვდომ ადგილზე განთავსება დაევალოს უნივერსიტეტის კანცელარიას.
5. წინამდებარე დადგენილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლის დღიდან 1 თვის ვადაში ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე–12 კილომეტრი, №6).
6.დადგენილება ძალაში შედის საჯაროდ გამოცხადებისთანავე.

აკადემიური საბჭოს თავმჯდომარე, აკადემიკოსი ვლადიმერ პაპავა
რექტორი, პროფესორი

სრულად

03/05/2016

ბრძანების N: 47/2014

სსიპ - ივანე ჯავახიშვილის სახელობის თბილისის სახელმწიფო უნივერსიტეტში ერთიანი ეროვნული გამოცდების გავლის გარეშე სწავლის უფლების მქონე აბიტურიენტთა ჩარიცხვის შესახებ

,,უმაღლესი განათლების შესახებ" საქართველოს კანონის 22-ე მუხლის პირველი პუნქტის, 52-ე მუხლის მე-3 პუნქტის ,,ა” ქვეპუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი ნაწილის, 53-ე მუხლის პირველი, 54-ე მუხლის პირველი ნაწილის, 58-ე მუხლის პირველი ნაწილის, მე-100 მუხლის პირველი ნაწილის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის "ა", "ბ" "ო" და "პ" ქვეპუნქტების, მე-9 და მე-11 პუნქტების, საქართველოს განათლებისა და მეცნიერების მინისტრის 2011 წლის 29 დეკემბრის N224/ნ ბრძანების ,,უმაღლეს საგანმანათლებლო დაწესებულებაში ერთიანი ეროვნული გამოცდების/საერთო სამაგისტრო გამოცდების გავლის გარეშე სწავლის უფლების მქონე აბიტურიენტების/მაგისტრანტობის კანდიდატების/ სტუდენტების მიერ დოკუმენტების წარდგენისა და განხილვის წესის დამტკიცების შესახებ” მე-2 მუხლის პირველი პუნქტის ,,ა” ქვეპუნქტის, მე-3 მუხლის მე-5 პუნქტის, ,,აბიტურიენტებისათვის/მაგისტრანტობის კანდიდატებისათვის/სტუდენტებისათვის ერთიანი ეროვნული გამოცდების/საერთო სამაგისტრო გამოცდების გავლის გარეშე უმაღლეს საგანმანათლებლო დაწესებულებებში სწავლის უფლების მინიჭების თაობაზე” საქართველოს განათლებისა და მეცნიერების სამინისტროს 2018 წლის 03 აგვისტოს N67, 10 აგვისტოს N91, 16 აგვისტოს N107, 21 აგვისტოს N118, 27 აგვისტოს N130 ბრძანებებისა და მედიცინის ფაკულტეტის დეკანის 2018 წლის 20 აგვისტოს N16919/32, 27 აგვისტოს N17270/32 წერილების საფუძველზე,

ვბრძანებ:

1. ჩაირიცხონ სსიპ - ივანე ჯავახიშვილის სახელობის თბილისის სახელმწიფო უნივერსიტეტში 2018-2019 სასწავლო წლის შემოდგომის სემესტრიდან ერთიანი ეროვნული გამოცდების გავლის გარეშე სწავლის უფლების მქონე აბიტურიენტები N1 დანართის შესაბამისად (დანართი N1);

2. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს.

3. ბრძანების დაინტერესებული პირებისათვის გადაცემა დაევალოს უნივერსიტეტის კანცელარიას.

4. ბრძანება ძალაშია გამოცემისთანავე.

რექტორის მოვალეობის შემსრულებელი,

რექტორის მოადგილე ალექსანდრე ცისკარიძე

სრულად

03/05/2016

ბრძანების N: 793/01-04

სსიპ – ივანე ჯავახიშვილის სახელობის თბილისის სახელმწიფო უნივერსიტეტის აკადემიური ეთიკისა და სამსახურებრივი საქმიანობის ფარგლებში სამეცნიერო-საგანმანათლებლო ფუნქციის განმახორციელებელი პერსონალის სამსახურებრივი პასუხისმგებლობის შესახებ დებულების მიღების თაობაზე

უნივერსიტეტის აკადემიური საბჭო ,,უმაღლესი განათლების შესახებ“ საქართველოს კანონის მე-15 მუხლის პირველი პუნქტის, მე-2 მუხლის ,,ე“ ქვეპუნქტის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული სსიპ - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-5 მუხლის პირველი და მე-7 მუხლის პირველი პუნქტების თანახმად, წარმოადგენს რა, უნივერსიტეტის აკადემიური მართვის უმაღლეს წარმომადგენლობით ორგანოს, ზემოხსენებული კანონის მე-10 მუხლის მე-2 პუნქტის ,,ბ“ ქვეპუნქტის, 21-ე მუხლის პირველი პუნქტის ,,ნ“ ქვეპუნქტისა და საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული სსიპ - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-8 მუხლის ,,პ“ ქვეპუნქტის საფუძველზე ასევე წარმოადგენს რა, აკადემიური პერსონალის სამსახურში მიღების წესის დამდგენ და პერსონალის სამსახურში მიმღებ ორგანოს, მოქმედებს რა უნივერსიტეტის რექტორის 2014 წლის 15 მაისის N01/01/01-01-07 წარდგინების გათვალისწინებით, საქართველოს ორგანული კანონი ,,საქართველოს შრომის კოდექსით“ დამსაქმებლისათვის განსაზღვრული უფლებამოსილებების (მე-11 მუხლის პირველი ნაწილის) მხედველობაში მიღების საფუძველზე, იმ გარემოების გათვალისწინებით, რომ ,,უმაღლესი განათლების შესახებ“ საქართველოს კანონის მე-10 მუხლის პირველი პუნქტის ,,ბ“ ქვეპუნქტის, მე-18 მუხლის პირველი პუნქტის ,,ბ“ ქვეპუნქტის თანახმად, ასევე სსიპ - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-11 მუხლის პირველი პუნქტის ,,ბ“ ქვეპუნქტის შესაბამისად, უნივერსიტეტის წარმომადგენლობით საბჭოს აქვს უფლებამოსილება დაადგინოს შინაგანაწესი და შექმნას ეთიკის ნორმები, ასევე მოქმედი კანონმდებლობით დამსაქმებლის ფუნქციის მქონე სუბიექტის - უნივერსიტეტის რექტორის წარდგინების (უნივერსიტეტის ადმინისტრაციის ხელმძღვანელის თანხმობით) საფუძველზე,

აკადემიური საბჭო ადგენს:

1. მიღებულ იქნას დებულება ,,სსიპ – ივანე ჯავახიშვილის სახელობის თბილისის სახელმწიფო უნივერსიტეტის აკადემიური ეთიკისა და სამსახურებრივი საქმიანობის ფარგლებში სამეცნიერო-საგანმანათლებლო ფუნქციის განმახორციელებელი პერსონალის სამსახურებრივი პასუხისმგებლობის შესახებ“ (დანართი 1).

2. დადგენილება თავისი კომპეტენციის ფარგლებში დასამტკიცებლად გადაეცეს უნივერსიტეტის წარმომადგენლობით საბჭოს.
3. წინამდებარე დადგენილებით დარეგულირებული საკითხი, როგორც შრომითი ურთიერთობების ცალკეული გარემოებები მიჩნეულ იქნეს შესაბამისი (მოქმედი) შრომითი ხელშეკრულებების პირობებად.
4. წინამდებარე დადგენილება ძალაში შედის გამოცემისთანავე და შესაძლებელია გასაჩივრდეს ძალაში შესვლიდან 1 თვის განმავლობაში ქ. თბილისის საქალაქო სასამართლოს ადმინისტრაციულ საქმეთა კოლეგიაში მისამართზე: ქ. თბილისი, დავით აღმაშენებლის ხეივანი მე-12 კილომეტრი, N 6.

აკადემიური საბჭოს თავმჯდომარე, აკადემიკოსი ვლადიმერ პაპავა
რექტორი, პროფესორი

სრულად

28/04/2016

ბრძანების N: 46/2014

სსიპ - ივანე ჯავახიშვილის სახელობის თბილისის სახელმწიფო უნივერსიტეტში ერთიანი ეროვნული გამოცდების/საერთო სამაგისტრო გამოცდების გავლის გარეშე სწავლის უფლების მქონე აბიტურიენტების/მაგისტრანტობის კანდიდატების/სტუდენტების მიღების წესი და უცხო ენის ცოდნის განმარტება (კოდიფიცირებული)

ცვლილებები შეტანილია აკადემიური საბჭოს
27.10.2014, №110/2014; 30.05.2016, №57/2016;
17.05.2017, №54/2017; 22.01.2018, №5/2018;
28.06.2018, №162/2018 დადგენილებებით

„უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი ნაწილის, 54-ე მუხლის პირველი ნაწილის, 56-ე მუხლის მე-2 ნაწილის, 57-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული „საჯარო სამართლის იურიდიული პირი-ივანე ჯავახიშვილის სახელობის თბილისის სახელმწიფო უნივერსიტეტის წესდების“ მე-7 მუხლის პირველი პუნქტის, მე-8 მუხლის პირველი პუნქტის „წ" ქვეპუნქტის, „სსიპ-ივანე ჯავახიშვილის სახელობის თბილისის სახელმწიფო უნივერსიტეტის ინდივიდუალური ადმინისტრაციულ-სამართლებრივი აქტების საჯაროდ გამოცხადების წესის დამტკიცების შესახებ" თსუ-ის რექტორის 2010 წლის 13 სექტემბრის №83/01-01 ბრძანების და სასწავლო პროცესის მართვის დეპარტამენტის 27.05.2014, №16387/02 წერილის საფუძველზე,

აკადემიური საბჭო ადგენს:

1. დამტკიცდეს „სსიპ-ივანე ჯავახიშვილის სახელობის თბილისის სახელმწიფო უნივერსიტეტში ერთიანი ეროვნული გამოცდების/საერთო სამაგისტრო გამოცდების გავლის გარეშე სწავლის უფლების მქონე აბიტურიენტების/მაგისტრანტობის კანდიდატების/სტუდენტების მიღების წესი" (დანართი №1). (27.10.2014, №110/2014) (30.05.2016, №57/2016) (17.05.2017, №54/2017) (22.01.2018, №5/2018)(28.06.2018, №162/2018)

2. წინამდებარე დადგენილების მიზნებისთვის დამტკიცდეს ,,უცხო ენის ცოდნის განმარტება” (დანართი №2).

3. წინამდებარე დადგენილების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს.
4. წინამდებარე დადგენილების ყველასათვის ხელმისაწვდომ ადგილზე განთავსება დაევალოს თსუ-ის კანცელარიას.
5. დადგენილება ძალაში შედის საჯარო გამოცხადებისთანავე.

აკადემიური საბჭოს თავმჯდომარე, აკადემიკოსი ვლადიმერ პაპავა
რექტორი, პროფესორი

სრულად

28/04/2016

ბრძანების N: 49/2014

როზეტა ასათიანისათვის ივანე ჯავახიშვილის სახელობის მედლის მინიჭების შესახებ

საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული „საჯარო სამართლის იურიდიული პირი – ივანე ჯავახიშვილის სახელობის თბილისის სახელმწიფო უნივერსიტეტის წესდების“ მე–8 მუხლის პირველი პუნქტის „ძ“ ქვეპუნქტის, უნივერსიტეტის აკადემიური საბჭოს 2012 წლის 13 მარტის №17/2012 დადგენილებით დამტკიცებული აკადემიური საბჭოს რეგლამენტის მე-5 მუხლის პირველი პუნქტის „ჰ⁶“ ქვეპუნქტის, „ივანე ჯავახიშვილის სახელობის მედლის მინიჭების პირობებისა და წესის დამტკიცების შესახებ“ აკადემიური საბჭოს 2014 წლის 14 აპრილის №38/2014 დადგენილებისა და რექტორის 05.06.2014, №02/01-01-01-07 წარდგინების საფუძველზე,

აკადემიური საბჭო ადგენს:

1. ივანე ჯავახიშვილის სახელობის თბილისის სახელმწიფო უნივერსიტეტის წინაშე არსებული დიდი დამსახურებისა და ხანგრძლივი და ნაყოფიერი სასწავლო და კვლევითი საქმიანობისათვის, ეკონომიკურ მეცნიერებათა დოქტორს, პროფესორ როზეტა ასათიანს მიენიჭოს ივანე ჯავახიშვილის სახელობის მედალი.

2. დადგენილების ყველასათვის ხელმისაწვდომ ადგილზე განთავსება დაევალოს თსუ-ის კანცელარიას.
3. დადგენილება ძალაში შედის საჯაროდ გამოცხადებისთანავე.

აკადემიური საბჭოს თავმჯდომარე, აკადემიკოსი ვლადიმერ პაპავა
რექტორი, პროფესორი

სრულად

28/04/2016

ბრძანების N: 50/2014

სსიპ – ივანე ჯავახიშვილის სახელობის თბილისის სახელმწიფო უნივერსიტეტის მოდულურ პროფესიულ საგანმანათლებლო პროგრამებზე 2018-2019 სასწავლო წლის სასწავლო პროცესის ვადების განსაზღვრის შესახებ

„უმაღლესი განათლების შესახებ“ საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-2 ნაწილების, 53-ე მუხლის პირველი, მე-2 და მე-3 ნაწილების, 54-ე მუხლის პირველი ნაწილის, 58-ე მუხლის პირველი ნაწილის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის „ა“, „ბ“ „ო“ და „პ“ ქვეპუნქტების, მე-9 და მე-11 პუნქტების, თსუ-ს აკადემიური საბჭოს 2013 წლის 27 დეკემბრი №139/2013 დადგენილებით დამტკიცებული ივანე ჯავახიშვილის სახელობის თბილისის სახელმწიფო უნივერსიტეტის პროფესიული საგანმანათლებლო პროგრამის სასწავლო პროცესის მარეგულირებელი წესის მე-4 მუხლის მე-3 პუნქტის საფუძველზე

ვბრძანებ:

1. განისაზღვროს სსიპ – ივანე ჯავახიშვილის სახელობის თბილისის სახელმწიფო უნივერსიტეტის მოდულურ პროფესიულ საგანმანათლებლო პროგრამებზე 2018-2019 სასწავლო წლის სასწავლო პროცესის ვადები შემდეგი სახით:

ა) სააუდიტორიო მეცადინეობები – 10 სექტემბერი – 19 ივლისი;

ბ) არდადეგები - 29 დეკემბერი - 8 იანვარი; 22 ივლისი - 9 სექტემბერი;

2. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს.

3. დაევალოს კანცელარიას ბრძანება განათავსოს ყველასათვის ხელმისაწვდომ ადგილზე და გადასცეს შესაბამის სტრუქტურულ ერთეულებს.

4. ბრძანება ძალაშია გამოცემისთანავე.

რექტორის მოვალეობის შემსრულებელი

რექტორის მოადგილე ალექსანდრე ცისკარიძე

სრულად

28/04/2016

ბრძანების N: 205/01-01

სსიპ - ივანე ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტზე პროფესორების სამსახურში მისაღებად კონკურსის გამოცხადების შესახებ

სსიპ - ივანე ჯავახიშვილის სახელობის თბილისის სახელმწიფო უნივერსიტეტის
იურიდიულ ფაკულტეტზე პროფესორების სამსახურში მისაღებად კონკურსის გამოცხადების შესახებ

"უმაღლესი განათლების შესახებ" საქართველოს კანონის 22-ე მუხლის პირველი პუნქტის, 34-ე მუხლის პირველი და მე-2 პუნქტების, 35-ე მუხლის პირველი პუნქტის "ა" ქვეპუნქტის, საქართველოს განათლებისა და მეცნიერების მინისტრის 2013 წლის 11 სექტემბრის №135/ნ ბრძანებით დამტკიცებული სსიპ - ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის "ა", "ბ" და "პ" ქვეპუნქტების, 28-ე მუხლის, 29-ე მუხლის პირველი პუნქტის, თსუ აკადემიური საბჭოს 2014 წლის 22 დეკემბრის №118 დადგენილების - "სსიპ - ივანე ჯავახიშვილის სახელობის თბილისის სახელმწიფო უნივერსიტეტის აკადემიური პერსონალის სამსახურში მიღებისა და კონკურსის ჩატარების ერთიანი წესის შესახებ" (დამტკიცებულია თსუ წარმომადგენლობითი საბჭოს მიერ, ოქმი №10 29.12.2014წ), თსუ აკადემიური საბჭოს 2018 წლის 30 აპრილის №113 დადგენილების - „სსიპ – ივანე ჯავახიშვილის სახელობის თბილისის სახელმწიფო უნივერსიტეტის აკადემიური პერსონალის (პროფესორი, ასოცირებული პროფესორი, ასისტენტ-პროფესორი, ასისტენტი) აფილირების წესისა და პირობების დამტკიცების შესახებ“ (დამტკიცებულია თსუ წარმომადგენლობითი საბჭოს მიერ, ოქმი №4 14.05.2018წ), „სსიპ - ივანე ჯავახიშვილის სახელობის თბილისის სახელმწიფო უნივერსიტეტის ერთიანი საშტატო განრიგის დამტკიცების შესახებ“ თსუ რექტორის და ადმინისტრაციის ხელმძღვანელის 2018 წლის 24 აპრილის №17/04 ერთობლივი ბრძანებისა და იურიდიული ფაკულტეტის დეკანის თამარ ზარანდიას 2018 წლის 3 სექტემბრის N17527/31-05 წერილის საფუძველზე,

ვ ბ რ ძ ა ნ ე ბ:

1. გამოცხადდეს კონკურსი ივანე ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტზე პროფესორების სამსახურში მისაღებად;

2. უნივერსიტეტის პროფესორად 10 (ათი) წლის ვადით შეიძლება არჩეულ იქნეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს არანაკლებ 6 (ექვსი) წლის სამეცნიერო-პედაგოგიური მუშაობის გამოცდილება;

3. კონკურსი გამოცხადდეს 2018 წლის 10 სექტემბერს საკონკურსო დოკუმენტაციის წარმოდგენის ვადა განისაზღვროს 2018 წლის 11 ოქტომბრიდან 2018 წლის 15 ოქტომბრის ჩათვლით. საკონკურსო კომისიის შემაჯამებელი ოქმი თსუ აკადემიურ საბჭოს გადაეცეს არაუგვიანეს 2018 წლის 2 ნოემბრისა.

4. კონკურსი გამოცხადდეს იურიდიულ ფაკულტეტზე პროფესორების აკადემიური თანამდებობის დასაკავებლად:

საერთაშორისო სამართლის მიმართულება

პროფესორი - 1 საშტატო ერთეული (,,ა’’ კატეგორია)

პროფესორი - 1 საშტატო ერთეული (,,ბ’’ კატეგორია)

კერძო სამართლის მიმართულება

პროფესორი - 1 საშტატო ერთეული (,,ბ’’ კატეგორია)

5. პროფესორის თანამდებობაზე ასარჩევმა კანდიდატმა უნდა წარმოადგინოს:

ა) განცხადება საკონკურსო კომისიის სახელზე (დადგენილი ფორმის მიხედვით);

ბ) კონკურსანტის ანკეტა, შევსებული დადგენილი ფორმის მიხედვით (ანკეტა წარმოდგენილი უნდა იყოს როგორც ნაბეჭდი, ისე ელექტრონული (CD) სახით, (ფაილის ფორმატი – Word და PDF ფაილების სახით);

გ) პირადობის მოწმობის ასლი;

დ)შესაბამისი აკადემიური ხარისხის დამადასტურებელი დოკუმენტის (დოკუმენტების) ასლი (უცხო ქვეყანაში მიღებული განათლების ან/და სამეცნიერო ხარისხის აღიარების კანონმდებლობით დადგენილი წესით გაცემული დოკუმენტი, ასეთის არსებობის შემთხვევაში);

ე) სამსახურებრივი გამოცდილების ამსახველი კანონმდებლობით დადგენილი წესით გაცემული დოკუმენტი (ცნობა, შრომის წიგნაკის ასლი და სხვ.);

ვ) სამეცნიერო-პედაგოგიური მუშაობის გამოცდილების დამადასტურებელი დოკუმენტი;

ზ) შესაფასებლად წარმოდგენილი ერთი გამოქვეყნებული სამეცნიერო ნაშრომი;

თ) სამეცნიერო კვლევების კონცეფცია.

6. პროფესორის თანამდებობაზე ასარჩევი კანდიდატი, კონკურსში მონაწილეობის მიღების მიზნით, ვალდებულია გაეცნოს თსუ აკადემიური საბჭოს N113/2018 დადგენილების დანართი 1-ის მე-3 მუხლის მე-3 პუნქტის მოთხოვნებს, წერილობით გამოხატოს თანხმობა მხოლოდ ივანე ჯავახიშვილის სახელობის თბილისის სახელმწიფო უნივერსიტეტთან აფილირების შესახებ (რაც ძალაში შევა მის მიერ შესაბამისი აკადემიური თანამდებობის დაკავებისთანავე) და დაადასტუროს ინფორმაცია იმის შესახებ, რომ არ გააჩნია ძალაში მყოფი ანალოგიური ხასიათის დოკუმენტი (ხელშეკრულება, შეთანხმება ან სხვ.) სხვა უმაღლეს საგანმანათლებლო დაწესებულებასთან.

7. საკონკურსო დოკუმენტების მიღება იწარმოებს 2018 წლის 11 ოქტომბრიდან 2018 წლის 15 ოქტომბრის ჩათვლით 9³⁰-დან 18⁰⁰ საათამდე, იურიდიული ფაკულტეტის საკონკურსო დოკუმენტაციის მიმღებ აპარატში, თბილისი ი. ჭავჭავაძის გამზ. N1, თსუ I კორპუსი, ოთახი N021.

8. ბრძანება გამოქვეყნდეს გაზეთში "თბილისის უნივერსიტეტი";

9. ბრძანების უნივერსიტეტის ოფიციალურ ვებ-გვერდზე განთავსება დაევალოს საინფორმაციო ტექნოლოგიების დეპარტამენტს;

10. დაევალოს კანცელარიას ბრძანების დაგზავნის ფურცელში მითითებული სტრუქტურული ერთეულებისათვის გადაცემა;

11. ბრძანება ძალაშია ხელმოწერისთანავე.

რექტორი გიორგი შარვაშიძე

სრულად

28/04/2016

ბრძანების N: 213/01-01

სსიპ - ივანე ჯავახიშვილის სახელობის თბილისის სახელმწიფო უნივერსიტეტში 2018-2019 სასწავლო წლის შემოდგომის სემესტრში საგანმანათლებლო ერთეულიდან/პროგრამიდან სხვა საგანმანათლებლო ერთეულზე/პროგრამაზე სტუდენტების გადასვლის თაობაზე

„უმაღლესი განათლების შესახებ” საქართველოს კანონის 22-ე მუხლის პირველი პუნქტის, საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი ნაწილის, 53-ე მუხლის პირველი, მე-2 და მე-3 ნაწილების, 54-ე მუხლის პირველი ნაწილის, 58-ე მუხლის პირველი ნაწილის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული საჯარო სამართლის იურიდიული პირის–ივანე ჯავახიშვილის სახელობის თბილისის სახელმწიფო უნივერსიტეტის წესდების მე-14 მუხლის პირველი პუნქტის, მე-8 პუნქტის "ა", "ბ" "ო" და "პ" ქვეპუნქტების, მე-9 პუნქტის, „საგანმანათლებლო დაწესებულებების რეესტრის წარმოების წესის დამტკიცების შესახებ" საქართველოს განათლებისა და მეცნიერების მინისტრის 2011 წლის 22 ივლისის N127/ნ ბრძანების მე-12 მუხლის პირველი და მე-2 პუნქტის, სსიპ-ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2011 წლის 25 ივლისის N77/2011 დადგენილებით დამტკიცებული "სასწავლო პროცესის მარეგულირებელი წესის" მე-7 მუხლის მე-2 პუნქტის, ზუსტ და საბუნებისმეტყველო მეცნიერებათა ფაკულტეტის დეკანის 2018 წლის 7 სექტემბრის N18010/28, ჰუმანიტარულ მეცნიერებათა ფაკულტეტის დეკანის 2018 წლის 7 სექტემბრის N18036/27, სოციალურ და პოლიტიკურ მეცნიერებათა ფაკულტეტის დეკანის 2018 წლის 7 სექტემბრის N18015/30, ეკონომიკისა და ბიზნესის ფაკულტეტის დეკანის მოადგილის 2018 წლის 7 სექტემბრის N18026/29 და N18041/29, იურიდიული ფაკულტეტის დეკანის 2018 წლის 7 სექტემბრის N18018/3-01, ფსიქოლოგიისა და განათლების მეცნიერებათა ფაკულტეტის დეკანის 2018 წლის 7 სექტემბრის N18048/26, მედიცინის ფაკულტეტის დეკანის 2018 წლის 7 სექტემბრის N18025/32 წარდგინებების საფუძველზე,

ვბრძანებ:

1. გადაყვანილ იქნენ 2018-2019 სასწავლო წლის შემოდგომის სემესტრში შიდა მობილობის წესით შემდეგი სტუდენტები საგანმანათლებლო ერთეულების/პროგრამების შესაბამისად:

ა) ზუსტ და საბუნებისმეტყველო მეცნიერებათა ფაკულტეტი (დანართი N1);
ბ) ჰუმანიტარულ მეცნიერებათა ფაკულტეტი (დანართი N2);
გ) სოციალურ და პოლიტიკურ მეცნიერებათა ფაკულტეტი (დანართი N3)
დ) ეკონომიკისა და ბიზნესის ფაკულტეტი (დანართი N4);
ე) იურიდიული ფაკულტეტი (დანართი N5);
ვ) მედიცინის ფაკულტეტი (დანართი N6);
ზ) ფსიქოლოგიისა და განათლების მეცნიერებათა ფაკულტეტი (დანართი N7);

2. ბრძანების უნივერსიტეტის ოფიციალურ ვებგვერდზე განთავსება დაევალოს უნივერსიტეტის საინფორმაციო ტექნოლოგიების დეპარტამენტს პირთა მაიდენტიფიცირებელი მონაცემების გარეშე;
3. დაევალოს კანცელარიას ბრძანება განათავსოს ყველასათვის ხელმისაწვდომ ადგილზე პირთა მაიდენტიფიცირებელი მონაცემების გარეშე და გადასცეს შესაბამის სტრუქტურულ ერთეულებს.
4. ბრძანება ძალაშია გამოქვეყნებისთანავე.

რექტორი გიორგი შარვაშიძე

სრულად

28/04/2016

ბრძანების N: 798/01-04

,,აკადემიური საბჭოს ზოგიერთი დადგენილების ძალადაკარგულად გამოცხადების შესახებ’’ სსიპ - ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2012 წლის 17 დეკემბრის N128/2012 დადგენილებაში ცვლილების შეტანის თაობაზე

საქართველოს ,,ზოგადი ადმინისტრაციული კოდექსის“ 63-ე მუხლის, საქართველოს განათლებისა და მეცნიერების მინისტრის 2013 წლის 11 სექტემბრის N135/ნ ბრძანებით დამტკიცებული “საჯარო სამართლის იურიდიული პირის – ივანე ჯავახიშვილის სახელობის თბილისის სახელმწიფო უნივერსიტეტის წესდების” მე-7 მუხლის პირველი პუნქტის, მე–8 მუხლის პირველი პუნქტის „წ“ ქვეპუნქტის, მე-9 მუხლის მე-14 პუნქტის და თსუ-ის იურიდიული დეპარტამენტის №14751/02, 08.05.2014 წერილის საფუძველზე,

აკადემიური საბჭო ადგენს,

1. შევიდეს ცვლილება ,,აკადემიური საბჭოს ზოგიერთი დადგენილების ძალადაკარგულად გამოცხადების შესახებ’’ სსიპ - ივანე ჯავახიშვილის სახელობის თბილისის სახელმწიფო უნივერსიტეტის აკადემიური საბჭოს 2012 წლის 17 დეკემბრის N128/2012 დადგენილებაში და დადგენილების მე-3 პუნქტი ჩამოყალიბდეს შემდეგი რედაქციით:

,,3. ამ დადგენილებით ძალადაკარგულ სადოქტორო პროგრამებზე ჩარიცხული სტუდენტების თავსებად აკრედიტებულ პროგრამებზე გადაყვანისას სასწავლო და კვლევითი კომპონენტის აღიარება მოხდეს შესაბამისი ფაკულტეტის სადისერტაციო საბჭოს წარდგინების საფუძველზე ფაკულტეტის საბჭოს მიერ დადგენილი წესით, სტუდენტთა ინტერესის მაქსიმალური დაცვით."

2. დადგენილების ყველასათვის ხელმისაწვდომ ადგილზე განთავსება დაევალოს უნივერსიტეტის კანცელარიას.
3. დადგენილება ძალაში შევიდეს საჯაროდ გამოცხადებისთანავე.

აკადემიური საბჭოს თავმჯდომარე, აკადემიკოსი ვლადიმერ პაპავა
რექტორი, პროფესორი

სრულად

27/04/2016

ბრძანების N: 44/2014